1 Koranar 4:31 - mzwDBL

³¹ Dɛ o jemɛ waa ɡwaa nomɛlbwa. O ɡwaa Etan waa ɛ Esera te ne Mahɔl bibaala Heman ne Kalkol dɛ Daada. O sɔn leɔ kohona harɛre aa bar ba la bwa ta.

1 Koranar 4:31 ပူးပေါင်းရင်းမြစ်များ

1 Webena 15:19

Yelɡoola ɡee, Heman ne Asaf dɛ Etan, banee dɛɛ lɔ kwaa anɛ ane baa kpɔ ayaawa ɛa,

1 Webena 2:6

Sɛra ɡe lolɛ bibaala banue. Banee, Simri ne Etan ne Heman ne Kalkol dɛ Daada.

1 Koranar 3:12

mɛɛ ɛ ɡɛ haa soŋa laanee tɛɛ. Mɛɛ tɛɛ wejema ne waa mun noe, he kpɔ dɛɛ nyiŋi nɛra nɛ, nomɛlbwa aa wola won do kɛŋɔ hen, a dɔŋa ɡe aa wola chiɡ bwa.

Amanesoma Luk Aa Chwera Tɔn 11:31

Awola nɛra bwa aa ir seo ta dɛ ba che Korowii sie ásɛ o bol ba waa dɛ́ pa bole la, Seeba kooro waa ɛ haah la ɛɛ bol waa bɔ fini nɔ tena, dɛkalkɛŋɔ o valɔ le harɛ jaɡa dɛ́ ba no Kooro Solomɔn wejemwa. Kɛ kasinteŋ, naate waa ɡwaa Kooro Solomɔn lɔ bonɔ, asɛ he ŋɔ haa o bee no.

Matiu 12:42

Seeba kooro waa ɛ haah la ɡba ɛɛ bol waa bɔ fini nɔ tena, dɛkalkɛ o valɔ le harɛ jaɡa, dɛ́ ba no Kooro Solomɔn wejemwa. Kɛ kasinteŋ, naate waa ɡwaa Kooro Solomɔn lɔ bonɔ, asɛ he ŋɔ haa o bee no.”

1 Webena 6:33

Baala ba ne ba bibaala aa pea ɛ toma laanee nɔ. Nɛra baa le Kohat tena bini laanee, Joel bibaa Heman waa ɛ yelɡoɡoo, Samoɛl bibaa Joel,

Kolosi 2:3

Korowii wejema aa wola jaɡa dɔe la bwa lɔ Yeesu Kristo be. O nɛɛ ya che dɛ dɔ ɡɛ wejema nɔ.

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Yela 88:1

N Naa Korowii, henee ɛ n Lɛɛ, chɔɔ ne jwaana bwaa n kpɔ n wii dɛɛ bil he sie.

2 Webena 9:23

Koranar bwa yon dɛɛ nyin o be bala dɛ́ ba no wejemwaa Korowii aa tɛo la.

1 Webena 15:17

Anomanta, Lewi dea tena le Joel bibaa Heman le o nimanar bini, ne Bɛrekea bibaa Asaf ɡe le Merari tena bini, ne Kusaya bibaa Etan,

1 Koranar 10:6

Anee o ŋɔ Kooro Solomɔn be ŋɔ, “Waa haa ɛa ne wejema haa dɔa n do n harɛ ta dɛ no la ɛ kpela.

1 Koranar 10:1

Seeba kooro waa ɛ haah baa no Kooro Solomɔn sɔn lee waa lea kohona. Anomanta, o la Kooro Solomɔn be Jerusalam, dɛ kpɔ wobobeela a bini aa kpeɡa dɛ́ ba daahno na.

1 Koranar 5:7

Kooro Hiram aa no Kooro Solomɔn kala nɔ la, o sie lɛo kohona o ŋɔ, “Fini, Korowii chɛ kpɛɛra kɛŋɔ waa tɛ Kooro Devid bibaa waa jemɛ waa ŋɔ ó nyiŋi Israel harɛ damanta nɔ ta nɔ.”

Daneɛl 1:20

Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.