1 Koranar 4:30 - mzwDBL

³⁰ Kasinteŋ, dɛ o dɔŋ toole wejema dɔe ta wee leebɔr harɛre ta ba kaa Ijipt harɛ bwa ta.

1 Koranar 4:30 ပူးပေါင်းရင်းမြစ်များ

Mumpar 25:6

Waa soɡe le waa wola sewɛ mɔɔ la, o kɛ bii o ne o sɛnanar bane aa bera dɔ ja la koŋkwaare, asɛ dɛ ta ba ŋwɛnɛ ba kaa wee leebɔr pera dɛ le Aesek jwɛh.

Mumpar 29:1

Jekɔb ŋwɛnɛ waa valɔ la, o kpɔ sie chaɡɛ wee leebɔr dɛ kaa bela harɛ la ta.

1 Koranar 10:23

Dɛ Kooro Solomɔn dɔ suuɡa ne wejema dɛ ɡwaa kooro bɛlbwa harɛ nɔ ta.

Job Tɔn 1:3

dɛ dɔ peera kaɡboŋa anuanɛ, nyoɡmare kaɡboŋa atoro ne nae kaɡboŋ baa kpɔa dɛɛ parɛ, ne keeɡore lafraanue, dɛ dɔ bonɔɔna ne toli ɡe kohona. Job aa dɔ kwaa kohona nomanta, dɛ onee suuɡate dɛ ɡwaa nɛra baa lɔ wee leebɔr harɛ la bwa ta.

Wejereme 1:16

N lii n nyu bini ŋɔ, “N kpeɡo dɛ dɔ wejema ɡwaa kooro bɛlbwa waa tɔ n sie dɛ ba di kora Jerusalam. N hweli ɡɛ wejema ne liire dɔe aa doa, dɛ jema kɛrɛdɛ.”

Ɛsekeɛl 25:4

Anomanta, mɛɛ ɡeloo nɛra le wee leebɔr bá yo heya, dɛ́ pɔ he nɛ. Baa baŋre ba tɛnte deene he harɛ taa dɛ́ so, dɛ́ di he daa nɔna, dɛ́ nyɔ he kondɛɛra elne.

Daneɛl 1:20

Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.

Daneɛl 4:7

Ate, dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela wa, dɛ voɡra bwa ba, asɛ n bol deera la baɡ ba, kɛ ba ta wone baɡ mɛ a mun.

Matiu 2:1

Gɛ saŋ baa lolɛ Yeesu Bɛtlɛham waa lɔ Juda harɛ ta la, dɛ kooro bɛl baa dɛ yerɔ Hɛrɔd di kora. Belaa wejerema bane baa jemɛ weweela waa le wee leebɔr harɛ bɛl ta dɛ ba Jerusalam,

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

We-ɛɛla 7:22

Mosis hweli Ijipt tena waa bwa dɛ dɔ ba wejema bwa. Dɛ o wobol dɛ jo deŋne, o berɛ won wejena ɡe ɛɛ ja.

Sitɔɔla 6:33

Midian ne Amalɛk tena dɛ nɛra baa soɡe wee leebɔr la bwa pɛo, dɛ ka baŋre ba tɛnte deene Jɔɔdan Moo baŋ Jesreel Fɛlembɔjen bini.