1 Koranar 4:24 - mzwDBL

²⁴ Yufretis Moo wee cholibɔr harɛ bwa taa Solomɔn di kora. Le Tifsa teŋe kaa wee cholibɔr ka tel Bwɛjen Gasa, dɛ deŋnesɔɔhna lɔ harɛ la bwa ta.

1 Koranar 4:24 ပူးပေါင်းရင်းမြစ်များ

Mumpar 10:19

Asɛ a che a ta Keenan tena dɔ ba jwɛh dɛ le bwɛjen Sidon dɛ kpɔ ka le bwɛɛ bɛl sɔne Gerar ne bwɛjen Gasa, dɛ ka tel Sodom ne Gomoora ne Adma ne Seboiim dɛ ka tel Lasa.

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

1 Koranar 4:23

ne nae aa do bwara fi, ne nae baa dɛ la ane dibɔr ɡe fifraanɛ, ne peera ne boohna lafa, ne kweɡli ne nampoŋa ne ahre, dɛ jala bwa.

1 Koranar 5:4

Taraken, Korowii maa dɛ tomɔ alaworomɛ, o tɛ mɛ deŋnesɔɔhna, wechɔɡa kɛɛ dɔm bɛlbwa toole n harɛ ta kpa.

1 Webena 22:9

Hɛɛ ba dɔ bibaa bɛlee, o ɛ nɛn waa dɛ nyin deŋnesɔɔhna, mɛɛ ɡeloo o dɔ bosɔɔhna le o dɔma bwa nɛ. Baa dɛɛ yerɔ Solomɔnee. O bere saŋ, mɛɛ ɡeloo deŋnesɔɔhna ba Israel harɛ ta ba bwara sɔɔh ba.

2 Webena 9:26

Dɛ onee nomoa koranar baa le Yufretis Moo ta kaa Filisti tena harɛ ta, dɛ ba le Ijipt harɛ jwɛh ta bwa nɛ.

Yela 72:11

Koranar bwa ɛɛ ba ɡuŋuu, ásɛ harɛre nɛra bwa tomɔ.

Yela 72:3

Gel kondikwaa ba ya harɛ ta kohona, toɡra he nɛra wa aa toɡra la wa.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Jeremia 47:1

Mɔɔ Ijipt kooro aa ka yo Gasa tena la, Korowii bol Filisti tena wa men Korowii keame Jeremia be.

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Sitɔɔla 1:18

Juda baala la pɔ Gasa ne Askɛlɔn dɛ Ekron bwɛjena la bwa nɛ ne harɛre aa bara bwa.

Sitɔɔla 16:1

Awola bɛl, Samsen la Filisti tena bwɛɛ Gasa ta. O na jwamanhaah bɛl dɛ ka chɔ o be.