1 Koranar 4:21 - mzwDBL

²¹ Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

1 Koranar 4:21 ပူးပေါင်းရင်းမြစ်များ

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Josua 1:4

He harɛ la nyoa ɛɛ le weekaŋle harɛbɔr pua hɛŋle ɡbo harɛ la taa, dɛ́ kaa weekaŋle nyunduabɔr Lɛbanɔn bwejena ta, dɛ́ kpoŋe kaa Yufretis Moo ta wee leebɔr, dɛ́ kaa Hiti tena harɛ ta bwa, dɛ́ kpoŋe kaa wee cholibɔr Mɛdetereenea Mpo la ta.”

Yela 68:29

He Dea waa lɔ Jerusalam nomanta, koranar ɛɛ kpɔ koŋkɛɛlaa ba tɛɛ.

1 Koranar 4:24

Yufretis Moo wee cholibɔr harɛ bwa taa Solomɔn di kora. Le Tifsa teŋe kaa wee cholibɔr ka tel Bwɛjen Gasa, dɛ deŋnesɔɔhna lɔ harɛ la bwa ta.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Yela 76:11

Hé kpɔ kwaa haa baɡɛ Korowii haa dɛ tomɔ nyoa la ba tɛo. Harɛre nɛra haa bɛna bwa, hé kpɔ koŋkɛɛla ba tɛo, onee chɛ kɛ nɛra bwa ɛɛ ɔmɛ.

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

2 Webena 32:23

Nɛra warɔ kpɔ saraha kwaa ba tɛ Korowii Jerusalam pirim, ne koŋkɛɛla a yoɡ aa kpeɡa ba tɛ Juda Kooro Hɛsɛkea. Le bela dɛɛ kaa la, harɛre nɛra bwa kpɔ jirima tɛo kohona.

2 Webena 17:5

Korowii ɡelɔ o kora che kiŋkiŋ Juda harɛ, asɛ nɛra la bwa kpɔ koŋkɛɛla baa tɛo, a che a ta o dɔ kondɔɔh ne duure kohona.

Mmarare 11:24

Bobɛlbwa haa kpɔ kaa la ɛɛ ɛ he konee. He harɛ ɛɛ le pua hɛŋle ɡbo harɛ la taa, dɛ́ kaa Lɛbanɔn dɛ́ berɛ le Yufretis Moo ta dɛ́ kaa wee cholibɔr Mɛdetereenea Mpo la ta.

2 Koranar 17:3

Kooro Hosia kora dii saŋee Asiiria harɛ Koojen Salmaneesa yo Israel tena, dɛ pɔ ba nɛ, asɛ Kooro Hosia kpɔ harɛ la kwaa baa tɛo benanyoa bɛlbwa.

1 Samoɛl 10:27

Kɛ nɛnchɔɡa bane ɡe ŋɔ, “Ɛrɛɛ nɛn waa do ken ɡe ɛɛ ba wona lɛ yaa ɔ?” Ba haoh dɛɛ nyiŋi o nyubaah, ba ta on koŋkɛɛla bɛlbwa ba tɛɛ. Sɔɔl ɡe ta ba waa la kpɔe ɛ wobɛlbwa.

2 Samoɛl 8:2

O berɔ ka yo Moab tena ɡe dɛ pɔ ba nɛ. O ɡelɔ nɛra baa laɡ ba laa la ta la chɔ harɛ bɔre atoro, asɛ o maɡ ba ŋwɛn ne. O kpoo nɛra baa chɔa teŋɛ nɛɛ la, dɛ ɡel banɔ la baa chɔa teŋɛ tooro la, o ta ban kpoorɛ. Gɛɛ a do Moab tena ba do Kooro Devid lɔɡa, dɛ kpɔ harɛ la kwaa baa tɛo.

2 Samoɛl 8:6

Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.

1 Koranar 3:13

Mɛɛ berɔ tɛɛ anɔ la ɡe haa wola soŋɛɛ, mɛɛ tɛɛ suuɡa ne jirima kohonaa he soɡa bini bwa he dɔŋ aa wola lee do koranar bwa bini.

1 Koranar 4:22

Kondikwa aa chɛ kɛ aa ba kooro dem tɔpere bɛlbwa laanee nɔ, loɡ baa kpɔa dɛɛ maɡɛ kwa, mendɛɛɡa bɔɡtɔre lafa fifraanue, ne jule bɔɡtɔre lafraatoro,

1 Koranar 12:4

“He mɛɛ fa ɡelɔ ya ɛ tomkpeɡa. Taraken yaa sɛh dɛɛ ɛ a ɡɛ tomkpeɡa la dɔŋa kpa. Gel a do korokoro ásɛ yaa tomɛ.”

Wiile 1:1

Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

Ɛsekeɛl 16:13

Gɛɛ a do n kpɔ suuɡaswɛm ne suuɡapoŋa kwaa ɛɛ. Yapondɛɛɡa a yoɡ aa kpeɡa ba sɔh kwaa dawɛ a ta ɛ he yale. Mendɛɛɡa baa nama a kper kɛrɛdɛ ne tooh, dɛ ɔleve noo ɛ he kondikwa. He kpeɡo dɛ do wer kohona, dɛ ba ɛ haŋkooro.

Wejereme 2:25

dɛkalkɛ dɛ o laa aa, umee dɛ́ won dɔ kondikwa di, dɛ́ lɛ o sie ɔ?