1 Koranar 4:20 - mzwDBL

²⁰ Kooro Solomɔn bere saŋ dɛ Juda ne Israel tena warɔ kɛŋɔ mpo nyoa hɛŋle ken. Kɛ dɛ bɛlbwa dɔɔ dɛɛ di dɛɛ nyɔ, ba sie ɛɛ lɛ.

1 Koranar 4:20 ပူးပေါင်းရင်းမြစ်များ

1 Koranar 3:8

He bonɔɔ ja nɛndamanta haa lee ba tɛ he te baa wola nyoa dɔe bini bonɔ.

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Mumpar 32:12

Henee ŋɔa ŋɔ hɛɛ ɡeloo he naanar warɛ kɛŋɔ, mpo nyoa hɛŋle nomɛlbwa aa wola won kur ba.”

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

Sekaria 9:15

Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Sekaria 3:10

Awola tɔpere la, he bini bɛlbwa ɛɛ yerɛ o dɔŋee he so deŋnesɔɔhna ta, ásɛ he ɡrepo ne he fiɡ daa kooni bar heya.”

Maeka 4:4

Bɛlbwa ɛɛ so deŋnesɔɔhna taa, asɛ daa kooni ne fiɡ daa kooni baro cheme, nomɛlbwa aa wola won ba aah ba kpa. Koranar Bwa Kooroo bola.

Aesaya 22:13

Kɛ he kpoo nae ne peera dɛɛ di kwa, dɛ nyɔ sene dɛɛ hɛlɛ dɛɛ lɛ he sie. Hé ŋɔ, “Hé ɡel ya di kwaa dɛ nyɔ sen. Kere ɡbo dɛ ya serewɔ.”

Wejereme 2:24

Waa aa wera tɛ nɛwɛnyini bwaa kɛŋɔ, o di kondikwa dɛ́ nyɔ sen lɛ o sie, ásɛ o bwara sɔɔhno o toma waa ɛa ta. Anɔ ɡe kwaraa la, Korowii bee aa le,

Sɛɡla 14:28

Nɛn nee baa di kora, nɛra toole naa, kora ɛ pɛɛpɛɛ.

Job Tɔn 1:18

Torome la ɡe nyoa ta chiɡe, dɛ bɛl ɡe balɔ dɛ ba ŋɔ, “Dɛ he bibaala ne bihaahna la lɔ ba dɔɔ nomoa la dem, dɛɛ di kondikonjena dɛɛ lɛ ba sie,

1 Webena 12:39

Laa tena la di Devid be bela tɔpera atoro, dɛ di kwaa dɛɛ nyɔ sen ba bala Israel tena aa ɛa ba tɛɛ ba la.

1 Samoɛl 30:16

O tɔ Devid ne o laa tena la sie ba la Amalɛk tena la be, dɛ ba lɔɔ peɡre harɛ la ta bobɛlbwa, dɛ di kwaa dɛ nyɔ sen dɛɛ lɛ ba sie, dɛkalkɛ dɛ ba pa laala aa wara laa la ta le Filisti ne Juda harɛ ta.

Mumpar 15:5

O nao kɛŋɔ Korowii aa lawɔ le buse dɛ ka ŋɔ, “Ha sie nyiŋi nyundua, dɛ́ na ɡɛ weweela aa wara, hɛɛ won kura aa? Gɛɛ mɛɛ ba ɡela he naanar warɛ.”

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

1 Koranar 4:29

Korowii tɛ Kooro Solomɔn wejema ne waa mun noe kohona aa wola nyoa dɔe kɛŋɔ mpo nyoa hɛŋle ken.

2 Koranar 18:31

He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne.

1 Webena 22:9

Hɛɛ ba dɔ bibaa bɛlee, o ɛ nɛn waa dɛ nyin deŋnesɔɔhna, mɛɛ ɡeloo o dɔ bosɔɔhna le o dɔma bwa nɛ. Baa dɛɛ yerɔ Solomɔnee. O bere saŋ, mɛɛ ɡeloo deŋnesɔɔhna ba Israel harɛ ta ba bwara sɔɔh ba.

1 Koranar 5:9

Mɛɛ ɡeloo n nɛra le a ne Lɛbanɔn harɛ dɛ́ ba a ne mpo nyoa, dɛ́ ba vɔrɔwa pɛ dɛ́ taɡɛ do nee ta ba tɛɛ bela haa dɛ nyin, ásɛ dɛ pura he nɛra ba kpɔ kaa. Waa n ɡe aa dɛ nyin laanee kɛŋɔ he ɡe ba tɛ mɛ kondikwa ń tɛ n dem tena.”