1 Koranar 4:12 - mzwDBL

¹² Ahilud bibaa Baana chɔ bwɛjena Taanak ne Meɡido nyoa, dɛ berɛ kpoŋe ka le Bɛt San harɛ waa bɛne Saretan Jesreel weekaŋle harɛbɔr, dɛ le Bɛt San dɛɛ kaa bwɛjen Ebel Mehola, dɛ ka le bwɛjen Jokmeam baŋ.

1 Koranar 4:12 ပူးပေါင်းရင်းမြစ်များ

1 Koranar 18:46

Korowii tɛ Elaeja kpeɡri bɛl o kwaa o yal vɔwɛ chara kɛrɛdɛ, dɛ won takapɔ chwa tɔ Kooro Ahab jaaɡɔ la sie dɛ kaa Jesreel.

1 Koranar 19:16

Berɛ la Israel harɛ ta, dɛ́ kpɔ ane fuɡe do Nimsi bibaa Jehu ɡe nyu ta, dɛ́ cheɡo Israel harɛ ta kooro, ásɛ dɛ fuɡe ane do Safat bibaa Elaesa waa le Ebel Mehola la ɡe nyu ta, ásɛ o ɛ keame chiɡ he naa ta.

1 Koranar 7:46

Jɔɔdan Moo deŋɡarere dor harɛ waa chɔa kaa dɛ do Sukot ne Saretan baah ta chooh ba kpɔ, dɛ charama ɛ komɛlbwa baa dɛ nyin dɛ fora bɔɔ, asɛ dɛ kpɔ ayaawa ɛ a bini.

1 Webena 6:68

ne Jokmeam dɛ Bɛt Hɔrɔn,

Josua 12:22

Kedes ne Jokneam koranar, a lɔ Kaamɛl Bwejen lɔɡa.

Josua 17:11

Isaaka dea tena harɛ ne Aasa dea tena harɛ ta la, Manasɛ dea tena dɔ bwɛjena. Anee Bɛt San ne Ibleam ne Dɔr ne Ɛndɔr ne Taanak ne Meɡido dɛ a bwɛɛre aa bara.

Josua 3:16

o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.

Sitɔɔla 5:19

Koranar balɔ dɛ ba yo, Keenan harɛ ta koranar balɔ dɛ ba yo. Ba baa yo Taanak waa bɛne nenabɔɔ Meɡido, kɛ ba ta wone kpɔ suuɡapoŋa kɛɛ komɛlbwa laa la ta.

Sitɔɔla 7:22

Nɛra lafraatoro la aa hoh ba bɛle la, Korowii ɡelɔ Midian tena baa lɔ ba sobɔr la bwa la ɡbaɡba ɛɛ kpoo dɔŋa. Asɛ ba bini laa tena baa kaa la chwa kpɔ sie chaɡɛ Sɛrɛra dɛ kaa Bɛt Sita dɛ kpoŋe kaa Ebel Mehola jwɛh waa bɛne Tabat la ta.

1 Samoɛl 18:19

Aa baa tel kɛ ba kpɔ Kooro Sɔɔl bihaah Merab tɛ Devid ó mo la, ba kpɔɔ tɛ Adreɛl waa le Mehola.

1 Samoɛl 31:10

Ba kpɔ Kooro Sɔɔl dɔmkwaa la ka bil ba voɡhaah Astɔrɛt dea, dɛ kpaa o lale pɛl Bwɛjen Bɛt San danjwɛɛ ta.

1 Samoɛl 31:12

bansua tena baa lɔ bwɛɛ la ta kpɔ ba te, dɛ valɛ jwaana la bwa kaa bwɛjen Bɛt San. Ba laa Kooro Sɔɔl lale kpɔ danjwɛɛ la ta, dɛ kpɔ o bii la ja, dɛ ba ba ne Jabes dɛ ba fuuh ba.