1 Koranar 3:9 - mzwDBL

⁹ Anomanta, tɛ men maa ɛ he bonɔɔ nɔ wejema, dɛ́ ɡel n jemɛ wechɔɡa ne wedɛɛɡa. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

1 Koranar 3:9 ပူးပေါင်းရင်းမြစ်များ

2 Samoɛl 14:17

N berɔ lii ja kɛŋɔ, hɛɛ ɡeloo n dɔ bosɔɔhna, dɛkalkɛŋɔ he do kɛŋɔ Korowii torome, he jemɛ wechɔɡa ne wedɛɛɡa. Korowii haa dɛ tomɔ la ja he nɛ.”

1 Koranar 10:24

Nɛra bwa yon dɛɛ nyin o be bala dɛ́ ba no wejemwaa Korowii aa tɛo la.

1 Koranar 3:10

Kooro Solomɔn wesoŋa la too Korowii tea.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Webena 22:12

Ó tɛɛ wejema ne waa mun noe kɛrɛdɛ, he won kpɔ nyiŋi o nɛra Israel tena nɛ, dɛɛ teŋɛ o Mmarare bwa ɡe ta.

1 Webena 29:19

Gel n bie Solomɔn kpɔ o bambile bwa dɛɛ teŋɛ wobɛlbwa haa doo ta, ó won ma Korowii Dea maa kpɔ o laala tɛo nɔ.”

2 Webena 1:10

Tɛ mɛ wejema ne waa mun noe, ásɛ n won kpɔ nyiŋi nɛra nɔ nɛ. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

Yela 119:144

He webaɡla toɡrɔ saŋ bɛlbwa. Tɛ mɛ waa mun noe, ásɛ n won so le.

Yela 119:34

Cha mɛ n won dɛɛ no waa mun, ásɛ mɛɛ teŋɛ he waa ta, n bambile bwa ne.

Yela 119:73

Henee ta mɛ, dɛ kpɔ nɔn tɔ n nɛ. Tɛ mɛ waa mun noe, ń kpɔ hweli he Mmarare la.

Sɛɡla 14:8

Wejereme jemɛ waa aa wera kɛ o ɛ. Gɛnee yon dɛɛ neɡre o nyu kɛ o jemɔ.

Sɛɡla 16:16

A wer kɛŋɔ haa dɔ wejema ne waa mun noe, dɛ ɡwaa kɛŋɔ haa dɔ suuɡaswɛm ne suuɡapoŋa!

Sɛɡla 20:12

Deŋna nɛn aa kpɔa dɛɛ no waa nɔ, ne sibie waa dɛ na a ne nɔ, Korowiirii ta a bwa.

Wejereme 7:11

Wejema wer kɛŋɔ haa dɔ kapɛrɛ kon bɛl dɛɛ cha nɛra baa lɔ harɛ nɔ ta.

Wejereme 7:19

Wejema ɛɛ won ɡel nɛmbeŋkpoŋ di kpeɡri, dɛ́ ɡwaa koranar fi baa lɔ bwɛjen ta.

Jeremia 1:6

Anee n chaŋe ŋɔ, “Nemenɛ Korowii, n ta ɛ bechala, maa wobol jemɛ.”

Jeremia 45:5

Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Matiu 3:11

N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.

Matiu 3:14

Dɛ Jɔn fe dɛ nyin vɛɛh, dɛ ŋɔ, “Menee chɛ kɛŋɔ ń ba he be hé sɔ mɛ Korowii ne, ɡɛɛ he ba n be naa?”

Amanesoma Jɔn Aa Chwera Tɔn 5:30

Yeesu berɔ ŋɔ, “N ɡbo aa won ɛ wobɛlbwa n bambile ta, nemenɛ anɔ la Korowii aa chaɡ mɛ la. A taa n che dɛ bol nɛra waa dɛɛ pa bole. An ɡela n bole pae toɡre nɔ, dɛkalkɛ waa n Mɛɛ waa tom mɛ la aa kpɔa tɛ mɛ la ɡboo mɛɛ ɛ dɛ ɡel n bambile wa.

2 Kɔrent 2:16

Banɔ la baa dɛ nyoɡre la ɛɛ no sɔɔh laanee dɛ́ serewe, ásɛ banɔ la Korowii aa dɛ lɛɛ ba la ɡe no dɛ́ dɔ mkpa. Umee dɛ won ɛ ɡɛ toma nɔɔ?

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

Ɛfesos 5:17

Hé ɡel he nfɛrɛ nyae la, dɛ́ jemɛ waa Korowii aa dɛ nyin la kɛrɛdɛ.

Felepae 1:10

ásɛ dɛ won jemɛ waa aa wera kohona. Anee dɛ́ ɡel he won do kaih, nomɛlbwa aa wola he wechɔɡa dɔe ba dɛ bol ka tel awola Yeesu Kristo aa ba la.

Hibru 5:14

Nomonomee dɛɛ di kondikwaa tenten. Banee ɛ waa biɡri, dɛ jemɛ wedɛɛɡa ne wechɔɡa.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.