1 Koranar 3:7 - mzwDBL

⁷ N Naa Korowii maa dɛ tomɛ, he ɡelɔ men maa ɛ he bonɔɔ chiɡ n mɛɛ naa ta dɛɛ di kora. Kɛ n nɔn ta kao, maa n sie ne habɔɔ jemɛ.

1 Koranar 3:7 ပူးပေါင်းရင်းမြစ်များ

2 Samoɛl 5:2

Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

1 Webena 22:5

Belaa o lii ŋɔ, “N bie Solomɔn nɔn ta kao, waa wobɛlbwa jemɛ, Korowii Dea waa dɛ ba doe nɔ ɡe chɛ kɛ ó do wer kohona, dɛ́ lɛ sɔn harɛre bwa ta. Amɔ a chɛ kɛŋɔ ń nyiŋi dɛ́ kpɔ o laa kɛrɛdɛ.” Anomanta, o nyin laala waa kpɔ ma Dea la bil warɛ mɔɔ dɛ sewɛ.

1 Webena 22:9

Hɛɛ ba dɔ bibaa bɛlee, o ɛ nɛn waa dɛ nyin deŋnesɔɔhna, mɛɛ ɡeloo o dɔ bosɔɔhna le o dɔma bwa nɛ. Baa dɛɛ yerɔ Solomɔnee. O bere saŋ, mɛɛ ɡeloo deŋnesɔɔhna ba Israel harɛ ta ba bwara sɔɔh ba.

1 Webena 29:1

Kooro Devid ŋɔ nɛra baa cheme bela la bwa be ŋɔ, “N bie Solomɔn Korowii aa leo la nɔn ta kao, waa wola wobɛlbwa jemɛ mɔɔ. Toma la kan, dɛkalkɛ Dea waa dɛ ba doe la ɛ Korowii kon, o ta nɛwɛnyini kon ɛɛ.

Yela 121:8

Wɛɛ kpɔ nɔnee tɔ he nɛɛ he buse bala ne he buse lee bini, le fini ne saŋ bɛlbwa dɛɛ la.

Sɛɡla 18:12

Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Wejereme 10:16

Harɛ o nɛra kooro aa ɛ bonɔmbi, ba nomonome ɛɛ di kondikonjena, dɛɛ lɛ ba sie jwaana la, ba bwɛɛlɛ!

Jeremia 1:6

Anee n chaŋe ŋɔ, “Nemenɛ Korowii, n ta ɛ bechala, maa wobol jemɛ.”

Jeremia 1:7

Ate, Korowii ŋɔ n be ŋɔ, “Bɛ ŋɔ he ɛ bechala, a chɛ kɛ he la nomɛlbwa maa tomɛ o be la be, dɛ́ ka bol wobɛlbwa maa doe ŋɔ hé bol.

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”

Daneɛl 5:18

N naa kooro, Nemenɛ Korowii ɛ he mɛɛ Kooro Nebukadnesa koojen, dɛ tɛo jirima ne nyanyini dɛ kpeɡri kohona.

Daneɛl 5:21

Korowii doŋu le nɛra bini asɛ o liire do kɛŋɔ ol liire ken. O ne kpɔɡ bini keeɡore kaa so, wɛɛ chwe kpɔɡa kɛŋɔ nao ken. Mɛn ta o nɛɛ o bwara pweh, ka tel kɛŋɔ waa baa na kɛŋɔ Nemenɛ Korowiirii dɔ kora nɛwɛnyina aa dɛ di la kpeɡri, dɛɛ kpɔ nɛn waa dɛ nyin.

Nɛra Kura 27:17

Naate waa kpɔ ba kaa dɛ berɛ ba ba ne, ásɛ he nɛra bɛ ɛ kɛŋɔ peera aa wola teɡre dɔe.”

Amanesoma Jɔn Aa Chwera Tɔn 10:9

Menee doonyoa la, ɡɛ peera aa cheɡɛ doonyoa dɛ jo dɛɛ le, dɛ dɔ kwaa dɛɛ di la, ɡɛɛ nomɛlbwa waa yarada mɛ la ɛɛ ba mkpa dɔe.

Mmarare 31:2

O ŋɔ, “Taraken n di bene lafa fifraanɛ, maa won tɔ he sie kpa. Anɔ bwa habɔɔ la, Korowii ŋɔ n be ŋɔ, maa Jɔɔdan Moo baŋee le.

1 Samoɛl 18:16

Kɛ dɛ Israel ne Juda tena bwa dɛ nyin Devid wa, waa tɔ ba sie dɛ kpɔ ba dɛɛ la laa a maɡre dɛɛ tɛɛ ba la wa.