1 Koranar 3:3 - mzwDBL

³ Kooro Solomɔn teŋɛ waa o mɛɛ Kooro Devid aa ŋɔa la ta, dɛ baɡle nyina waa dɛ nyin Korowii, kɛ dɛ deŋɡarere baa dɛ tomɛ voɡa doree o ɡe ɛɛ fuh konsɔɔhsoma dɛɛ ɛ sarahare.

1 Koranar 3:3 ပူးပေါင်းရင်းမြစ်များ

1 Koranar 11:34

Kɛ maa kora la bwaa lɛ le Kooro Solomɔn be. Mɛɛ koh Kooro Devid maa leo cheɡ tɛ n te wɛɛ teŋɛ me Mmarare ta la waa, dɛ́ ɛo harɛ la ta nomoa o soɡa bini bwa.

1 Koranar 11:38

Dɛ he noɔ dɛ ɛ waa maa doe a ta bwa, dɛɛ ɛ waa aa toɡra n be, dɛɛ teŋɛ me Mmarare ta kɛŋɔ n bonɔɔ Devid aa ɛa la aa, n fe ɛɛ che he mun taa. Mɛɛ ɡeloo he kora che kiŋkiŋ kɛŋɔ maa ɛa tɛ Kooro Devid la, dɛ́ kpɔ Israel harɛ tɛɛ.

1 Koranar 11:4

Waa baa hwɛɛh la, haahna la berɛ o liire kaa voɡare toma ta. Dɛ o bambile toole Korowii waa dɛ tomɔ nɛɛ kpa kɛŋɔ o mɛɛ Kooro Devid fa aa ɛa la.

1 Koranar 11:6

A cheɡɛ a ta Kooro Solomɔn ɛ Korowii wechɔɡa dɛ jo o nɛ, o waa ta kasinteŋ dɔe tɛo kɛŋɔ o mɛɛ Kooro Devid.

1 Koranar 14:23

Ba ɡe cheɡ voɡa deŋɡarere ta, dɛ paaɡe bwea, dɛ kpɔ voɡ Asera dajaŋa paaɡe deŋɡare bɛlbwa ta ne dajen bɛlbwa mun.

1 Koranar 14:8

Menee laa Kooro Devid dem kora la pere dɛ kpɔ tɛɛ, kɛ he ta doe kɛŋɔ n bonɔɔ Kooro Devid waa teŋɛ men Mmarare ta, dɛɛ teŋɛ n nɛɛ o bambile bwa ne dɛɛ ɛ waa aa dɛ too n tea ɡbo la.

1 Koranar 15:11

Kooro Asa ɛ waa aa wera Korowii be, ɡɛ o nabaa Kooro Devid aa ɛa la.

1 Koranar 15:14

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

1 Koranar 15:3

O ɡe ɛ o mɛɛ wechɔɡa la dɔŋa. O ta o bambile bwa kpɔe tɛ Korowii waa dɛ tomɔ kɛŋɔ o nabaa Kooro Devid aa ɛa la.

1 Koranar 15:5

Kooro Devid ɛ waa aa wera Korowii be, o ta wobɛlbwa Korowii aa doo a ta kone o soɡa bini bwa. Atane Uria Hiti te la ɡbo waa ta.

1 Koranar 22:43

Kooro Jehosafat ɛ ɡɛ o mɛɛ Kooro Asa aa ɛa wobɛlbwa ta, o ta an ɡelɛ. O ɛ waa aa toɡra Korowii be. Deŋɡarere voɡtoroma aa dɛ kpoo kwaa a ta la te, o ta an chɔɡɛ, ba ta teŋɛ kpoo kwaa dɛɛ fuh daawiile a sɔɔh aa soma bela.

1 Koranar 22:44

Dɛ beŋkpoŋri lɔ Kooro Jehosafat ne Israel kooro baah ta.

1 Koranar 3:14

Dɛ hɛɛ dɛɛ yarada mɛɛ dɛɛ teŋɛ me Mmarare ta kɛ he mɛɛ Kooro Devid aa ɛa la aa, mɛɛ tɛɛ mkpajaŋee.”

1 Koranar 3:6

Kooro Solomɔn chaŋe ŋɔ, “He nyin n mɛɛ Kooro Devid waa ɛ he bonɔɔ kohona, dɛkalkɛŋɔ o waa dɔ kasinteŋ, o waa toɡrɔ o tea ɡe to. He teŋɛ he nyina aa wola jaɡa dɔe ta, dɛ tɛo bibaa o chiɡ o naa ta, dɛɛ di kora fini nɔ.

1 Koranar 8:25

Name, n Naa Korowii Israel tena aa dɛ tomɛ, teŋɛ nyoa haa baɡɛ n mɛɛ Kooro Devid waa ɛ he bonɔɔ la ta, ɡɛ haa ŋɔa ŋɔ dɛ o bii do sie dɛɛ teŋɛ he waa ta, ɡɛ he Mmarare aa dɛ baɡle la aa, o naanar bini bɛlee dɛ́ so Israel tena kora ta he sie.

1 Koranar 8:61

N dɛ soŋe kɛ he nɛra haa dɛ tomɛ Korowii ɛɛ di kasinteŋ dɛɛ valɛ o Mmarare ne waa waa do heyaa la ta ɡɛ aa doa fini nɔ.”

1 Koranar 9:4

Dɛ hen Solomɔn tom mɛ kɛrɛdɛ, dɛ teŋɛ me Mmarare ne waa maa doe a ta ɡɛ he mɛɛ Devid aa ɛa la aa,

2 Koranar 12:3

Kɛ Kooro Joas ta ɡelɛ ba chɔɡ bɔra voɡtoroma aa dɛ tomɛ ba voɡa, asɛ ba ta teŋɛ ɛ sarahare dɛɛ fuh daawiile a sɔɔh aa soma bela.

2 Koranar 12:4

Awola bɛl, Kooro Joas ŋɔ sɔfore la be ŋɔ, “Hé lɛ suuɡare baa dɛ ba a ne baa ɛ sarahare Korowii Dea la bwa. Anɔ la baa dɛ ba a ne tɔpere bɛlbwa, ne deŋnesɔɔhna kwaa ne an la aa le bambile bini ba kpɔ dɛɛ ba bwa.

2 Koranar 14:3

Kooro Amasea ɛ waa aa too Korowii tea, kɛ dɛ a ta o nabaa Kooro Devid kwaa tele. Wobɛlbwa ta la, dɛ o dɛ teŋɛ waa o mɛɛ Kooro Joas aa ɛa ta.

2 Koranar 14:4

O ta ɡelɛ ba chɔɡ bɔra baa dɛ tomɛ voɡa la, asɛ ba ta kpoo kwaa dɛɛ ɛ sarahare, dɛɛ fuh daawiile bela.

2 Koranar 15:35

O ta voɡa baa kpoo kwaa a ta dɛ ɛ sarahare dɛɛ fuh daawiile a ta la chɔɡɛ. Nɛra teŋɔ kpoo kwaa ɛ sarahare dɛɛ fuh konsɔɔhsoma a ta. Kooro Jotam berɔ kwaa ma Korowii Dea doonyoa baa dɛ yerɔ Weekaŋle Nyundua Doonyoa la.

2 Koranar 15:4

O ta bɔra voɡtoroma aa dɛ ɛ sarahare la chɔɡɛ. Dɛ nɛra la teŋɔ kpo kwaa dɛɛ ɛ sarahare dɛɛ fuh daawiile a sɔɔh aa soma bela.

2 Koranar 18:22

Asiiria nomoa la berɛ ŋɔ, “Kɛ, hɛɛ ŋɔɔ Korowii haa dɛ tomɔ la nɛɛ hɛɛ hwɛɡɛ aa? Saraha kwaa baa kpoo kwaa a ta dɛɛ tɛ Korowii la laa on Kooro Hɛsɛkea chɔɡ, dɛ ŋɔ Juda ne Jerusalam tena bwa be ŋɔ, báa tomɛ Jerusalam bonɔ ɡbo la aa?

2 Koranar 18:4

O chɔɡ bɔra baa dɛ tomɛ voɡare, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. O kuuɡi ayaawa Mosis fa aa kpɔa ɛ harɛkon baa yerɔ Nehustan la. Dɛ ba tel ɡɛ saŋ la, dɛ Israel tena dɛ fuh daawiile dɛɛ tɛ harɛkon la.

2 Webena 15:17

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

Yela 145:20

Nɛra baa dɛ nyin he waa la, he kpɔ nɔn dɛɛ tɔ ba nɛ, kɛ nɛnchɔɡa te, hɛɛ chɔɡ baa.

Yela 31:23

Korowii nɛra he wa aa toɡra, hé baɡle he nyina o nɛ. O kpɔ nɔn dɛɛ tɔ o nɛra ba wa aa dɔ kasinteŋ nɛ, kɛ mbarafo tena te, o dɛ tɛr ba deŋne ɡɛ aa chɛa.

Lewi Dea Tena 17:5

Gɛɛ dɛɛ ba ɡela Israel tena baa kpoo kwaa dɛɛ ɛ saraha kpɔɡ bini taraken nɔ ɡel a ɛɛ. Bá kpɔa ba sɔfo be n Dea Cheremibɔr bela n sie ba ɛ deŋnesɔɔhna saraha tɛ mɛ.

Matiu 22:37

Yeesu chaŋɔ ŋɔ, “ ‘Hé nyin N Naa Korowii he bambile bwa, he hweera ne he liire bwa ne.’

Amanesoma Jɔn Aa Chwera Tɔn 14:15

Yeesu berɔ ŋɔ, “He dɛ nyin n wa aa, hɛ́ɛ dɛɛ teŋɛ n waa maa kpɔa tɛ heyaa la taa.

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

1 Kɔrent 8:3

Naate waa dɛ nyin Korowii la te, Korowii ɡba jemɔ.

Mmarare 10:12

Mosis berɔ ŋɔ, “Israel tena, waa Korowii aa dɛ nyin dɛ le he be taraken laanee kɛŋɔ, hɛ́ɛ ɔmɔ dɛ́ɛ teŋɛ o waa bwa ta, dɛ́ nyinu dɛ́ɛ tomɔ he bambile ne he hweera bwa ne,

Mmarare 10:13

ásɛ dɛ berɛ dɛɛ teŋɛ o Mmarare ne o waa maa dɛ do heyaa a ta fini nɔ, ásɛ a chiɡ heyaa kɛrɛdɛ.

Mmarare 11:13

Anomanta, dɛ he teŋɛ Korowii Mmarare maa kpɔa dɛɛ tɛ heyaa fini nɔ ta, dɛ nyin Korowii dɛ tomɔ he bambile ne he hweera bwa ne naa,

Mmarare 30:16

Dɛ he teŋɛ Korowii haa dɛ tomɔ nɔ waa maa kpɔa dɛɛ tɛ heyaa fini nɔ ta, dɛɛ nyinu dɛɛ teŋɛ o waa ta kɛrɛdɛ naa, he wobɛlbwa ɛɛ do werii tɛ heya taeh. Wɛɛ swee andɛɛɡaa tɛ heya he dɔ mkpa harɛ haa dɛ la ka so o ta la ta.

Mmarare 30:20

He nyin Korowii haa dɛ tomɔ nɔ, dɛ́ teŋɛ o waa ta kasinteŋ ne, dɛ́ kpɔ he te pɛlo, ásɛ he ne he naanar biɡri harɛ waa baɡɛ nyoa ŋɔ wɛɛ kpɔɔ tɛ he naawa Abraham ne Aesek dɛ Jekɔb la ta.”

Mmarare 30:6

Korowii haa dɛ tomɔ nɔ ɛɛ tɛ he ne he naanar bambidɛɛɡee, ásɛ hɛɛ nyinu he bambile bwa ne he hweera bwa ne, ásɛ dɛ ta so harɛ la ta dɛɛ la.

Mmarare 6:5

Hé nyin Korowii he bambile bwa, he hweera ne he bokpeɡa bwa ne.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

1 Samoɛl 9:12

Ba chaŋe ŋɔ, “Ɔɔh, bɛl lole. O tɔ he sie, hé ɛ warane, finii o den ba ya bwɛɛ nɔ ta. Bwɛɛ la tena dɛ la ka kpoo kwaa bela baa dɛ ɛ saraha la.