1 Koranar 3:1 - mzwDBL

¹ Kooro Solomɔn ne Ijipt harɛ kooro nyoa pɛo asɛ Kooro Solomɔn mo o bihaah. O kpɔ haah la ba Kooro Devid Bwɛjen Jerusalam mɔɔ dɛ ma koodem ne Korowii Dea dɛ danjwɛɛ bar bwɛɛ la.

1 Koranar 3:1 ပူးပေါင်းရင်းမြစ်များ

2 Samoɛl 5:7

Kɛ ane a bwa, o yoo dɛ lɛ Jerusalam baa ma danjwɛkpeɡ baro la, asɛ baa yerɔ ‘Kooro Devid Bwɛjen’.

1 Koranar 11:1

Ijipt Kooro bihaah Kooro Solomɔn aa moo la habɔɔ, o berɔ nyin Moab ne Amɔn ne Edom ne Sidon dɛ Hiti tena bihaahna.

1 Koranar 2:10

Asɛ Kooro Devid chɔ o banɔn ta ba huɡo Jerusalam Kooro Devid Bwɛjen ta o ka pu o naawa.

1 Koranar 6:1

Israel tena aa ira le Ijipt harɛ ta bene lafraanaarɛ fifraanuatoro habɔɔ Kooro Solomɔn ba di kora Israel harɛ ta. Waa di kora bene anaarɛ, korobinɛɛte baa dɛ yerɔ Siv taa o ɡel ba pa mun dɛɛ ma Korowii Dea la.

1 Koranar 7:1

Kooro Solomɔn do o ɡbaɡba koodem, kɛ a di bene fi dɛ atoro mɔɔ o won do tonɛ.

1 Koranar 7:8

Kooro Solomɔn dem waa soɡe o ta bɛne Kookara Dea la, a bwa le dɔŋa. O ma dem tɛ Ijipt Kooro bihaah waa moo la kɛŋɔ o kon la ken.

1 Koranar 9:1

Kooro Solomɔn aa do Korowii Dea la ne o koodem dɛ tonɛ ne anɔ la waa dɛ nyin bwa la,

1 Koranar 9:10

Bene fifraanɛɛ Kooro Solomɔn kpɔ do Korowii Dea ne o koodem la.

1 Koranar 9:24

Ijipt kooro bihaah Kooro Solomɔn aa moo la, le Jerusalam waa ɛ Kooro Devid Bwɛjen la ta dɛ ba koodemfale o jaa Kooro Solomɔn aa doa tɛo la ta. O berɔ ɡel nɛra che bwea su bwɛjen Jerusalam wee leebɔr pera waa ɛ bɔɔ la bini.

1 Webena 11:7

Belaa Kooro Devid ka so Jerusalam baa ma danjwɛɛ baro la ta. Gɛɛ a do baa yerɔ Kooro Devid Bwɛjen.

2 Webena 18:1

Kooro Jehosafat dɔ kondɔɔh, asɛ o sɔn ɡe le kohona. O cheɡɛ hahmor ta o ne Kooro Ahab kpɔ darame.

2 Webena 8:11

Ijipt kooro bihaah Kooro Solomɔn aa moo la, le Jerusalam waa ɛ Kooro Devid Bwɛjen la ta, dɛ ba koodemfale o jaa Kooro Solomɔn aa doa tɛo ta. O ŋɔ o haah ta chɛ kɛ ó so Kooro Devid koodem, dɛkalkɛŋɔ bobɛlbwa baa kpɔ Korowii Ne Nɛwɛnyina Fɔo Daka la jo la do ɡoroŋ.

Ɛsra 5:11

Waa baa chaŋe yaa teŋa nɔ. ‘Ya ɛ Korowii Waa Dɛ Di Kora Nyundua ne harɛ bonɔɔna, asɛ ya berɛ kwaa dɛɛ ma Korowii Dea ba fa aa mao saŋ la bwa la. Israel kooro bɛl o fa aa dɛ di kpeɡri kohona laanee pa o mun dɛ tonɔ.

Ɛsra 9:14

Yaa wono teŋɛ dɛɛ koni waa haa dɛ do yaa a ta, ya ne nɛra baa dɛ ɛ waa baa kia nɔ kaa mo dɔŋa bihaahna, kɛɛ bihaahna kaa yalɛ ba bibaala aa? He baah aa ya nɛɛ di kohona he chɔɡ yaa, ya bini bɛlbwa aa wola ka dɛ́ so le kpa aa?

Mmarare 23:8

Le ba naanar baa teŋa bele batoro ta, dɛɛ kaa la ken ɛɛ ba ja Korowii nɛra nɛɛ.”