6 Anomanta, Kooro Ahab yerɛ Korowii keamere lafraanaarɛ, dɛ kpɔ bil ba sie ŋɔ, “Ń ka yo Ramɔt Gelead tena kɛɛ ń ɡel ɔ?” Ba ŋɔ, “La ka yoo ba. Korowii ɛɛ kpɔ baa do he nɔn taa.”
Yerɛ Israel tena, ba bwa ba chem mɛ Kaamɛl Bwejen doa. Yerɛ Baal waa ɛ voɡbaa tena lafraanaarɛ fifraanue, ne voɡhaah Asera tena lafraanaarɛ, ba ne haŋkooro Jɛsɛbɛl pɛ nɔn dɛɛ di kwa o dem la.”
Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.
Tɔpere bɛl ɛɛ bao ásɛ nɛra aa kasinteŋ waa la baɡlaa no, dɛkalkɛ baa an nyin. Baa dɛɛ nyin waa aa dɛ do ba somee dɛ́ no, dɛ́ ka nyin nɛra pirim bá baa chaɡ ba waa ba pɛla aa lɔ a ta la,
N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”
Mikaya aa ba Kooro Ahab be la, kooro pɛɛro ŋɔ, “N ne n dɔŋ Kooro Jehosafat ka yo Ramɔt Gelead tena kɛɛ yá ɡel ɔ?” Mikaya chaŋe ŋɔ, “Hé la ka yoo ba, Korowii ɛɛ ɡeloo hé pɔ ba nɛ.”
Mikaya aa ba Kooro Ahab be la, Kooro pɛɛro ŋɔ, “N ne n dɔŋ Kooro Jehosafat ka yo Ramɔt Gelead tena kɛɛ yá ɡel ɔ?” Mikaya chaŋe ŋɔ, “Hé la ka yoo ba, Korowii ɛɛ ɡeloo hé pɔ ba nɛ.”
Dɛ Israel Kooro Ahab ne Juda Kooro Jehosafat do ba koolaala, dɛ so ba kookane ta, pɛla bɛl waa bɛne bwɛjen Samaria doonyoa, asɛ Korowii keamere la bwa che ba sie dɛɛ bol waa baa naa ba be.
Anee Elaesa ŋɔ Israel Kooro Joram be ŋɔ, “Bɔkwa waa nee he ba dɛɛ nyin ń chae nɔ? La keamere he nya ne he mɛɛ aa la ba be la be.” Kooro Joram ŋɔ, “Akai! Korowiirii yerɛ ya koranar batoro nɔ bonɔ, dɛ kpɔ yaa ba do Moab laa tena nɔn ta.”
Hé yerɛ Baal voɡra ne o kerekpoŋra ne o keamere bwa ba. He bɛ ɡel bɛlbwa ka, n dɔ sarahajen dɛɛ ba ɛɛ tɛ Baal. Nomɛlbwa waa wola balɛ la aa o nyuu dɔ.” Kɛ dɛ neɡra ŋwɛnɛɛ Kooro Jehu ɛɛ kpɔ, dɛ́ kpoo nɛra baa dɛ tomɛ voɡ Baal bwa.