1 Koranar 22:4 - mzwDBL

⁴ Asɛ Kooro Ahab bɔɔ Kooro Jehosafat ŋɔ, “Hɛɛ ja n nɛɛ yá ka yo Ramɔt Gelead tena aa?” Kooro Jehosafat ŋɔ, “N sɛh ɡɛ, n ne he bwa ɛ beŋkpoŋ. N nɛra ɛ he nɛra, n jaɡre ɡe ɛ he kwa.”

1 Koranar 22:4 ပူးပေါင်းရင်းမြစ်များ

1 Koranar 22:29

Ate, Israel Kooro Ahab ne Juda Kooro Jehosafat la bwɛjen Ramɔt Gelead dɛ ka yoo ba.

1 Koranar 22:5

Dɛ berɛ ŋɔ Kooro Ahab be ŋɔ, “Gel ya soŋe le Korowii be mɔɔ.”

1 Koranar 4:13

Bɛn Gɛba chɔ bwɛjen Ramɔt waa lɔ Gelead harɛ ta nyoa, dɛ Jɛɛ dea tena, o ɛ Manasɛ naa, bwɛɛre aa lɔ bela, ne Aaɡob harɛ waa lɔ Basan. A bwa lɔ bwɛjena fifraanumɛl baa ma danjwɛjena bara, dɛ kpɔ ayaawa kwaa a doonyoo bune.

2 Koranar 3:7

Dɛ tomɛ toroma Juda Kooro Jehosafat be ŋɔ, “Moab kooro ɛ lwɛmkpeɡ n nɛ, hɛɛ ja n nɛɛ ń ka yoo wa aa?” Anee Kooro Jehosafat ŋɔ, “Ɔɔh, n teŋɛ he nɛ, n laa tena ne n jaɡre bwa lɔ he nɔn ta.”

2 Webena 18:3

Asɛ Israel Kooro Ahab bɔɔ Juda Kooro Jehosafat ŋɔ, “Hɛɛ ja n nɛɛ yá ka yo Ramɔt Gelead tena aa?” Kooro Jehosafat ŋɔ, “N sɛh ɡɛ, n ne he bwa ɛ beŋkpoŋ. N nɛra ɛ he nɛra, yaa ja he nɛɛ dɛ́ ka yo.”

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

Sɛɡla 13:20

Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.

1 Kɔrent 15:33

He bɛ ɡel nɛra ɛɛ neɡre heya. Danchɔɡe kpɔe dɛ chɔɡ dadɛɛɡe.

Ɛfesos 5:11

ásɛ dɛ ɡel biro bini waa ɛɛ. A ta tɔnɔ dɔe. Hé le a ne baŋ, ásɛ nɛra jemɛ ɡɛ aa doa.

2 Jɔn 1:11

Nomɛlbwa waa lɛ ɡɛ te la sie la, o ɡe ɡba ja naate wechɔɡa la ta.

Wepila 2:26

Naate waa won yo le, dɛ́ won ɛ n toma ɡwɛeeh dɛ́ ka tel a tona bini la, mɛɛ tɛo kpeɡrii ó di harɛ nɔ ta nɛra nɛ.