1 Koranar 22:30 - mzwDBL

³⁰ Israel Kooro Ahab ŋɔ Kooro Jehosafat be ŋɔ, “Mɛɛ beɡre n tenee dɛ́ ka ja laa tena nɔ nɛ, kɛ he te, do he koolaala.” Anomanta, Kooro Ahab beɡre o te dɛ kaa laa la ta.

1 Koranar 22:30 ပူးပေါင်းရင်းမြစ်များ

2 Webena 35:22

Ane a bwa, dɛ Kooro Josia ta dɛ nyin ó ka yo. O ta waa Korowii aa cheɡɛ Kooro Neko nɛɛ dɛ bol la ta teŋɛ, anomanta, o beɡre o te dɛ la ka yoo Meɡido harɛ waa chɔa kaa la ta.

Jeremia 23:24

Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

1 Samoɛl 28:8

Anomanta, Kooro Sɔɔl kpɔ laalafala do, ásɛ nomɛlbwa bɛ on jemɛ, asɛ dɛ kpɔ nɛra banɛ ja o nɛ, ba la haah la be jwaana la ne. Asɛ o ŋɔ haah la be ŋɔ, “Yerɛ lale maa yerɛ o sɔn tɛɛ nɔ tɛ mɛ.”

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Yela 12:2

Nyosonee bɛlbwa teŋe dɛɛ tɛ o dɔŋ, nyokpɛlee ba kpɔ dɛɛ neɡre dɔŋa.

2 Webena 18:29

Israel Kooro Ahab ŋɔ Kooro Jehosafat be ŋɔ, “Mɛɛ beɡre n tenee dɛ́ ka ja laa tena nɔ nɛ, kɛ he te, do he koolaala.” Anomanta, Kooro Ahab beɡre o te, dɛ kaa laa la ta.

1 Koranar 22:10

Dɛ Israel Kooro Ahab ne Juda Kooro Jehosafat do ba koolaala, dɛ so ba kookane ta, pɛla bɛl waa bɛne bwɛjen Samaria doonyoa, asɛ Korowii keamere la bwa che ba sie dɛɛ bol waa baa naa ba be.

1 Koranar 20:38

Keame la kpɔ kon vɔwɛ sie dɛ kpɔ o te sɔh, dɛ ka che ŋwɛnɛ ta dɛɛ kpa Israel Kooro Ahab.

1 Koranar 14:2

asɛ Kooro Jɛroboam ŋɔ o haah be ŋɔ, “Ir dɛ la Silo Korowii keame Ahija be, o lɔ bela. Ka beɡre he te ásɛ ba bɛ jemɛ kɛŋɔ men Kooro Jɛroboam haahnee hen. Onee ŋɔ n be ŋɔ mɛɛ di kora Israel harɛ nɔ taa.

2 Samoɛl 14:2

Anomanta, o ɡelɔ ba ka kpɔ haah bɛl waa jemɛ waa kohona le Tekoa ba. Haah la aa bala la, o ŋɔ o be ŋɔ, “Saah ɛ he te kɛŋɔ haa lɔ lwe ta ken. Li he lweyal dɛ bɛ toli di. Ɛ he te kɛŋɔ haah waa lɔ lwe ta biɡri.