1 Koranar 22:23 - mzwDBL

²³ Korowii keame Mikaya berɛ ŋɔ, “Korowiirii ɡela he keamere la neɡre, o ɡbabirii bol he chɔɡa waa kɛŋɔ a chɛ kɛ hé sewɛ.”

1 Koranar 22:23 ပူးပေါင်းရင်းမြစ်များ

Ɛsekeɛl 14:9

N keame bɛlbwa baa neɡro o bol waane la, dɛ men Korowiirii neɡro o bol. N nɔn dawɛ naate nɛ, mɛɛ chɔɡo le Israel tena bini.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Aesaya 3:11

Wechɔɡ-ɛɛra bwɛɛlɛ! Aa do kpeɡrii tɛɛ ba taeh. Waa ba ɡbaɡba aa ɛa la kembɔree baa ba dɔe.

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

1 Koranar 20:42

Belaa Korowii keame la ŋɔ o be ŋɔ, “Waa Korowii aa dɛ bol laanee kɛŋɔ, ‘Haa ɡela baa maa kpɔɔ do he nɔn ta ŋɔ o chɛ kpoe, asɛ he ɡel o dɔ bɔr chwa dɛ dɔ o nyu nomanta, hɛɛ kpɔ he nyuu charɛ o kon, ásɛ he laa tena ɡe kpɔ ba nyuune charɛ o laa tena nyuune.’ ”

Mmarare 2:30

Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.

Nɛra Kura 24:13

‘Hale dɛ Kooro Balak kpɔ o kara mun suuɡapoŋa ne suuɡaswɛm bwa tɛ mɛ naa, maa won le Korowii habɔɔ dɛ́ ɛ n bambile wa, dɛ́ ɡel anɔ la Korowii aa do mɛ ŋɔ n bɛ ɛ la. A wer oo, aa were oo, a ta chɛ kɛ ń ɛ anɔ la Korowii aa bola ɡbo aa?’

1 Koranar 21:19

Ŋɔ o be ŋɔ men Korowii ŋɔ, ‘Ahab, he kpo nɛn dɛ berɛ kpɔ o kwaa di aa? Bela nyootena aa kpɛle Nabɔt chal la, bela tentenee aa ba he ɡe chal kpɛla.’ ”

Kaala 10:20

Kɛ Korowii ɡelɔ kooro la bambile ta do kpeɡri o vɛh Israel tena la ŋwɛnɛ tɛɛ bá kaa.

Kaala 4:21

Belaa Korowii berɛ ŋɔ o be ŋɔ, “Haa bera dɛɛ kaa Ijipt harɛ ta nɔ, na kɛŋɔ kpeɡri maa tɛɛ he kpɔ dɛɛ ɛ nyokpowaa la, hɛɛ ɛa Ijipt kooro siwi taa. Kɛ mɛɛ ɡeloo o deŋne do kpeɡri, waa wola ɡel n nɛra la kaa.

1 Koranar 22:24

Ate, Kenaana bibaa Korowii keame Sedekia la dɛ ka kpaa Korowii keame Mikaya lwɛɛma dɛ ŋɔ, “Saŋ besoo Korowii Doma ɡel mɛ dɛ ba bol wa he be bwa nɔ?”

Sitɔɔla 9:23

Korowii kpɔ waa ba ta Abemɛlɛk ne Sɛkem tena baah ta, asɛ ba leo tɛ.

Jeremia 18:11

Anomanta, ŋɔ Juda tena ne nɛra baa lɔ Jerusalam be ŋɔ kenii men Korowii ɛɛ bol, ‘Hé na, n dɛ ba ń kpɔ wenaale ane ba ta he nɛ, dɛ́ɛ vɔrɔwe he vɔrɔwa ɡe. Anomanta, bɛlbwa charɛ o liire dɛ́ ɡel o ŋwɛnɛre ne o we-ɛɛla do wer.’