1 Koranar 22:22 - mzwDBL

²² Asɛ Korowii chaŋe ŋɔ, ‘Ŋwɛnɛ besoo taa hɛɛ ba kpɔe neɡro wɔ?’ Asɛ doma la ŋɔ, ‘Mɛɛ ɡeloo Korowii keamere baa dɛ tomɛ Kooro Ahab neɡro.’ Asɛ Korowii ŋɔ, ‘Kaa dɛ́ ka ɛ ɡɛ.’ ”

1 Koranar 22:22 ပူးပေါင်းရင်းမြစ်များ

Sitɔɔla 9:23

Korowii kpɔ waa ba ta Abemɛlɛk ne Sɛkem tena baah ta, asɛ ba leo tɛ.

1 Samoɛl 19:9

Kɛ Korowii ɡelɔ kwaa ir Kooro Sɔɔl nɛɛ kpeɡri nɛ, dɛ o soɡe o dem dɛ kpoŋe lampea. Dɛ Devid ɡe dɛ lɔ o janjela,

1 Samoɛl 16:14

Dɛ Korowii Doma la le Kooro Sɔɔl nɛ, asɛ o ɡel kwaa ir o nɛɛ dɛ ɡel o bwara ɛɛ nyɛɡ.

Wepila 20:10

Ba lawɛ Bɔnsam waa neɡ ba la ɡe, dɛ ta bela nii ne jebɔrɔwe aa yɛɛra chɔ kɛŋɔ moo la, bela olchɔɡe ne keame nyosonteŋna la aa lole la. Baa na hɔhɔrɔwa chɔɔ ne jwaanaa aa wola jaɡa dɔe.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Ɛsekeɛl 14:9

N keame bɛlbwa baa neɡro o bol waane la, dɛ men Korowiirii neɡro o bol. N nɔn dawɛ naate nɛ, mɛɛ chɔɡo le Israel tena bini.

Job Tɔn 12:16

Korowiirii dɔ kpeɡri ne wejema, nɛra baa dɛ neɡre nɛra ne banɔ la baa neɡ ba bwa lɔ o lɔɡa.

1 Koranar 22:20

Ate, Korowii pɛɛ ŋɔ, ‘Umee dɛ́ neɡre Kooro Ahab ásɛ o la Ramɔt Gelead dɛ́ ka yoo ba ásɛ ba kpoo bela ɔ?’ Korowii dɔm baa cheɡa baro nyundua la bwa waa koɡrɔ. Bane ŋɔ ken, bane ɡe ŋɔ ken.

1 Samoɛl 18:10

Tɔ aa pera la, Korowii ɡelɔ kwaa ir Kooro Sɔɔl nɛɛ kpeɡri nɛ, o do dem dɛɛ bol waa kɛŋɔ choɡla te ken. Dɛ Devid ɡe soɡo dɛɛ lɔ o janjela kɛ wubwa la, anɔ te la dɛ Kooro Sɔɔl kpoŋe lampea.

Wepila 20:7

Dɛ bene kaɡboŋ la telaa, baa pur Bɔnsamee dɛ́ yao ta.

Wepila 20:3

dɛ kpɔɔ ka ta Bɔnsam Bɔluŋ la bini, dɛ laa tɔ, dɛ karɔ kiŋkiŋ o bɛ nɛra baa lɔ harɛ ta neɡre ka tel kɛŋɔ bene kaɡboŋ la aa tela. Dɛ tɔpere la telaa, baa puruu o le tama.

Wepila 17:17

dɛkalkɛŋɔ Korowiirii kpɔ ɡɛ do ba bambile bini kɛŋɔ bá ɛ waa waa dɛ nyin, dɛ́ ɡel ba ɛ liire beŋkpoŋ, dɛ́ kpɔ ba kpeɡri tɛ olchɔɡe la ó di ka tel kɛŋɔ waa Korowii aa bola la aa ɛa.

1 Jɔn 4:6

Ya te ɛ Korowii bii. Nomɛlbwa waa jemɛ Korowii la dɛ no ya wa. Nomɛlbwa waa wola Korowii jemɛ la aa ya waa no. Anɔ taa yaa ba cheɡa dɛ́ jemɛ banɔ la baa dɔ kasinteŋ Doma waa ɛ Korowii kon ne banɔ la baa dɔ nyosone kon la.

1 Timoti 4:1

Korowii Domadɛɛɡe la pili waa nɔ bini chasee ken baɡle heyaa ŋɔ, kerekere la nɛra bane ɛɛ vɛh Yeesu waa nɔɔ dɛ́ kaa yarada koŋkwaa aa dɛ neɡ ba, ásɛ dɛɛ no a be.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Yela 109:17

N dɔm la dɛ nyin nɛra taahna, ɡel o taahna ɡure o nyu ta. O hah sweera dɛ tɛ o dɔŋ, bɛ ɡel nomɛlbwa swee tɛ o ɡe.

1 Koranar 22:21

Ate, doma bɛl ba che Korowii sie dɛ ŋɔ, ‘Mɛɛ neɡroo.’

2 Koranar 3:13

Anee Elaesa ŋɔ Israel Kooro Joram be ŋɔ, “Bɔkwa waa nee he ba dɛɛ nyin ń chae nɔ? La keamere he nya ne he mɛɛ aa la ba be la be.” Kooro Joram ŋɔ, “Akai! Korowiirii yerɛ ya koranar batoro nɔ bonɔ, dɛ kpɔ yaa ba do Moab laa tena nɔn ta.”

Sekaria 13:2

Mɛɛ le voɡa aa lɔ harɛ la ta la nee awola, baa wola a sɔnaa lii kpa. Mɛɛ le keame nyosonteŋna la nee, ásɛ dɛ ɡel ba pɛla le voɡa toma ta.

1 Koranar 13:18

Ate, Korowii keame banjena la chaŋe ŋɔ, “N ɡe ɛ Korowii keame kɛ hen. Korowii ɡelɔ nyundua torome ba ŋɔ n be ŋɔ ń ba kpɔe kaa dem, dɛ ka tɛɛ kondikwaa ne nee he nyɔ.” Kɛ dɛ neɡraa wɛɛ neɡro.

Job Tɔn 1:12

Anee Korowii ŋɔ Bɔnsam be ŋɔ, “A wer, komɛlbwa waa dɔa la lɔ he nɔn ta, kɛ o te ɡbabir te, bɛ nɔn kpɔ leɡo.” Asɛ Bɔnsam le Korowii be dɛ kaa.

Aesaya 19:14

Korowii perewi sibir ta ba nɛ, dɛ ɡel Ijipt tena ɛ sakaa ba we-ɛɛla ta, kɛŋɔ sennyɔdɛɛ yon chwɛɛ dɛɛ ɡbaɡre a ta la.