‘Hale dɛ Kooro Balak kpɔ o kara mun suuɡapoŋa ne suuɡaswɛm bwa tɛ mɛ naa, maa won le Korowii habɔɔ dɛ́ ɛ n bambile wa, dɛ́ ɡel anɔ la Korowii aa do mɛ ŋɔ n bɛ ɛ la. A wer oo, aa were oo, a ta chɛ kɛ ń ɛ anɔ la Korowii aa bola ɡbo aa?’
Anee Balam ŋɔ ba be ŋɔ, “Hale Kooro Balak kpɔ o kara mun suuɡapoŋa ne suuɡaswɛm bwa tɛ mɛ naa, maa won ɛ wobɛlbwa Korowii aa do mɛ ŋɔ n bɛ ɛ la. Hale kohona kɛɛ tama bɛlbwa.
Maa ŋɔ ken nɔ, dɛ nɛwɛnyini bee mɛɛ nyin sɔn kɛɛ Korowii be nɔ? Maa sɔn nyin nɛwɛnyini be, Korowii bee mɛɛ nyin sɔn. Dɛ nɛwɛnyini bee mɛɛ nyin sɔn te naa, n fe ta Yeesu Kristo bonɔɔ ɛɛ.
Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.
Nɛra kɛrɛdɛ kpɔ Korowii waa la berɛ bona dii dɛ yoɡ dɛɛ di. Ba laa yan. Korowiirii tɛ yaa waa nɔ ŋɔ yáa bola, ásɛ yaa bola o siwi ta bambile bwa ne, pɛɛ ya ne Yeesu Kristo aa pɛa la nomanta.
Keame bɛlbwa na waane chaahna ta naa, o yon ŋɔ deeraa o dee, kɛ n keame bɛlbwa waa dɛ bol waa aa le n be la te, wɛ́ɛ bola kasinteŋ ta. Haahra ta korɛ, asɛ mea ɡe koraa?
N ŋwɛɛ Korowii haa dɛ tomɔ o do le nɔ kɛŋɔ, kooro ɡelɔ ba ka ɡaaɡe he bɔr harɛre bwa ta. Bobɛlbwa toole baa wola he bɔr ɡaaɡɛ. Bobɛlbwa nomoa ŋɔ o ta hen nae o harɛ ta naa, Kooro Ahab yon ɡel o ŋwɛɛ ntam kɛŋɔ o ta hen nae.
Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”
Torome waa laŋa ka ɡaaɡe Mikaya bɔr la ŋɔ o be ŋɔ, “Korowii keamere la bwa nyoa pɛo ba bol ŋɔ kooro wobɛlbwa chiɡo kɛrɛdɛ. Sɛh dɛ́ ɡel he ne ba waa la ɛ beŋkpoŋ.”