1 Koranar 22:10 - mzwDBL

¹⁰ Dɛ Israel Kooro Ahab ne Juda Kooro Jehosafat do ba koolaala, dɛ so ba kookane ta, pɛla bɛl waa bɛne bwɛjen Samaria doonyoa, asɛ Korowii keamere la bwa che ba sie dɛɛ bol waa baa naa ba be.

1 Koranar 22:10 ပူးပေါင်းရင်းမြစ်များ

We-ɛɛla 25:23

Tɔ aa pera la, Kooro Aɡrepa ne Bɛnes do ba koolaala, asɛ ba waa dɔ nyɛl kohona, asɛ ba ne bela bwɛjen soojanomonome ne bela nomonjena ba jo lamu ta. Baa chema la, Fɛstɔs ɡelɔ ba ba Pɔɔl ne.

We-ɛɛla 12:21

Kooro Hɛrɔd tɛɛ ba tɔpere báa berɛ kpɔ ba o be ja. A ɡɛ tɔpere la aa tela la, o do o koolaala dɛ so o kookara ta, dɛ bol waa baɡle nɛra la.

Matiu 11:8

Dɛ ɡɛ laa ɡe aa, dɛ bɔkwa tenee he ka nyiŋi ɔ? Nɛn waa do laaladɛɛɡaa he ka nyiŋi kɛɛ? Nɛra baa dɛ do laaladɛɛɡa la, kooderemii ba do.

Matiu 6:20

Kɛ hé ɡel he siwi swɛɛ Korowii doa kondɔɔh ta. Belaa kwaa aa wola toole dɛ́ chwea, aa wola dee, ŋwɛɛra ɡe aa wola won jo dea ka ŋwɛa.

Ɛsta 5:1

Baa vɔwɛ ba nyoa tɔpetooro wee tonɛ la, Ɛsta kpɔ laala aa baɡla kɛ o ɛ kooro haah la do, dɛ ka che koodem baah bela kooro dea doonyoa aa chaɡa, dɛ kooro soɡe o kookara ta o sie chaɡɛ doonyoa.

1 Koranar 22:30

Israel Kooro Ahab ŋɔ Kooro Jehosafat be ŋɔ, “Mɛɛ beɡre n tenee dɛ́ ka ja laa tena nɔ nɛ, kɛ he te, do he koolaala.” Anomanta, Kooro Ahab beɡre o te dɛ kaa laa la ta.

1 Koranar 22:6

Anomanta, Kooro Ahab yerɛ Korowii keamere lafraanaarɛ, dɛ kpɔ bil ba sie ŋɔ, “Ń ka yo Ramɔt Gelead tena kɛɛ ń ɡel ɔ?” Ba ŋɔ, “La ka yoo ba. Korowii ɛɛ kpɔ baa do he nɔn taa.”

1 Koranar 18:29

Ba teŋɔ soŋe ka tel kɛŋɔ webaŋa aa baa ɡarɛ, kɛ o ta ban chaŋɛ, ba ta wobɛlbwa ɡe noɛ.

1 Koranar 22:9

Asɛ Kooro Ahab yerɛ o nomonome la bini bɛl dɛ ŋɔ, “La ka kpɔ Imla bibaa Mikaya ba taraken.”