1 Koranar 21:3 - mzwDBL

³ Anee Nabɔt ŋɔ, “N naa kooro, n naawa kapɛrɛ koo, asɛ n di, Korowii ɛɛ la ane bojaŋ kɛŋɔ ń kpɔ ya kapɛrɛ kon tɛɛ.”

1 Koranar 21:3 ပူးပေါင်းရင်းမြစ်များ

Nɛra Kura 36:7

Israel dea bɛlbwa harɛ waa dɔa la bɛ o dɔŋ dea kon ta ka ja, nomɛlbwa kpɔ o naa harɛ ó ɛ o kon.

Lewi Dea Tena 25:23

Hɛ́ɛ berɛ harɛ yoɡa tɛ nɛn o den ɛ o kon kwara, dɛkalkɛ he ɡbabir kon laa. Men Korowii konee. He do kɛŋɔ hɔɔhra dɛɛ nyiŋi o ta.

Ɛsekeɛl 46:18

Kooro la ta chɛ kɛ ó lɛ nɛra la kapɛrɛ kon bɛlbwa le ba be. A chɛ kɛ ó tɛ o bii la ba ɡe harɛ ó ɛ ba ɡe kapɛrɛ kon, ɡɛ aa ɛ ásɛ n nɛra nɔ bini bɛlbwa komɛlbwa bɛ o nɔn ta le.”

Tɔn Pɔɔl Aa Chwerɛ Rom Tena 6:15

Yaa lɔ Korowii suna waa sune ya nɛɛ lɔɡa yaa wola toole Mmara lɔɡa nɔ, a chɛ kɛ yaa ɛ wechɔɡa kɛɛ? Akai!

Galaasia 6:14

N te aa n te maŋkura wobɛlbwa ta, ya Dɔɔ Yeesu Kristo daɡaɡre ta sewa la waa taa n te ɛɛ jaaɡi. O seo la ɡelɔ harɛ ta bonɔ waa berɛ wepɛɛ n be, a ta kpeɡri dɔe n nɛɛ kpa.

1 Kɔrent 6:15

Haa jemɛ kɛŋɔ he bwadabii ɛ Yeesu Kristo bwadabii pera kɛɛ? Dɛ ɡɛɛ a do te naa, amɔ a chɛ kɛŋɔ ń kpɔ n bwadabii waa ɛ Yeesu bwadabii pera la ka bɔ jwamane aa? Akai! He bɛ ɡel a ba ɡɛ.

Tɔn Pɔɔl Aa Chwerɛ Rom Tena 7:13

Aah dɛ kon waa wera nɔ, o taa a berɛ che mɛɛ ba seo dɔe yaa? O ta laa. Liichɔɡaa cheɡɛ kon waa wera ta dɛ ɡel n dɔ seo, dɛ baɡle o dor ásɛ n jemɔ kɛrɛdɛ. Mmara la taa a che asɛ ya jemɛ kɛŋɔ liichɔɡa doŋo, aa wola were kwaraa.

Tɔn Pɔɔl Aa Chwerɛ Rom Tena 7:7

Aa do ɡɛ nɔ, dɛ Mmara la aa were kɛɛ? O wer, kɛ on ɡela n jemɛ kɛŋɔ komɛl lole baa yerɔ wechɔɡa. Dɛ Mmara la fe ta ŋɔe ŋɔ nɛwɛnyini bɛ ɡel o sie beɡre o dɔŋ kon aa, n fe aa jemɛ kɛŋɔ sibeɡra aa were.

Tɔn Pɔɔl Aa Chwerɛ Rom Tena 6:2

Akai! Gɛ nɛn sewaa, waa wola toole wobɛlbwa bini kpa la, ɡɛɛ ya ne wechɔɡa baah do. Aah dɛ ya ne wechɔɡa aa wola toole wobɛlbwa bini nɔ, ŋwɛnɛ besoo taa yaa ba wona dɛɛ ɛ wechɔɡa jaɔ?

Tɔn Pɔɔl Aa Chwerɛ Rom Tena 3:31

Aa do ɡɛ nɔ, dɛ ya dɛ yarada Yeesu aa, dɛ ya tɔ Mmara la ŋwɛnɛ kɛɛ? Akai! Yeesu yaradae nɔ te kwaraa dɛɛ ba ɡela ya won teŋɛ Mmara la ta.

Tɔn Pɔɔl Aa Chwerɛ Rom Tena 3:6

Kɛ ɡɛ laa a do. Dɛ Korowii waa ta toɡraa, ɛrɛɛ wɛɛ ba ɛɛ dɛ te won bol nɛwɛnyini waa dɛ́ pa bole ɔ?

Tɔn Pɔɔl Aa Chwerɛ Rom Tena 3:4

Akai! Dɛ nɛwɛnyini bwa ɛ nyosonteŋna kwara naa, Korowii te wa ɛɛ dɔ kasinteŋii saŋ bɛlbwa. Anee Korowii Tɔn la bol la. O baɡle Korowii waa ŋɔ, “He wobol ɛɛ baɡloo kɛŋɔ he dɔ kasinteŋ, hɛɛ dɛɛ di bole he waa taa.”

Job Tɔn 27:5

Maa won ŋɔ he waa wer, maa sɛh ŋɔ n di bolchɔɡe ka tel kɛŋɔ maa sewa.

1 Webena 11:19

Asɛ o ŋɔ, “Korowii ɛɛ la ane bojaŋ kɛŋɔ ń nyɔ nee nɔ. Aa ɛo kɛŋɔ maa dɛ nyɔ baala baa ta ba nyu, dɛ won la ka dɔ nee nɔ ba tɛ mɛ nɔ chal.” Anomanta, o vɛh nee la nyɔe. Waa banyoola batoro la aa ɛa laanee la.

1 Samoɛl 24:6

Asɛ o ŋɔ o laa tena la be ŋɔ, “Korowii ɛɛ la ane bojaŋ kɛŋɔ n ɛ nɛn n dɔɔ Korowii aa fuɡe noo do o nyu ta, dɛ cheɡo kora ta wechɔɡa ŋwɛnɛ bɛlbwa ta.”

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.

Josua 24:16

Anee ba ŋɔ, “Korowii ɛɛ la ane bojaŋ kɛŋɔ ya ɡel o toma, dɛ́ berɛ kaa tomɛ voɡa.

Josua 22:29

Korowii ɛɛ la ane bojaŋ kɛ ya ɛo deŋnekpeɡ dɛ́ vɛh o nɛɛ teŋa, dɛ́ ma saraha kon baa dɛ fuh kwaa dɛɛ tɛo ta, kɛɛ dɛ́ ɛ mea saraha kɛɛ dɛɛ kpoo kwaa o ta, dɛ́ le onɔ la baa mao o che Korowii Tɛnte Dea sie la.”

Mumpar 44:17

Anee Josef ŋɔ, “Akai, maa an ɡɛɛ ɛ bwa. Nemenɛ naate baa na numol la o be la ɡboo dɛ́ ɛ n yom. He kabora la te ɛɛ won kaa he mɛɛ be deŋnesɔɔhna ne.”

Mumpar 44:7

Asɛ ba chaŋo ŋɔ, “Nomoa, ɛrɛɛ hɛɛ nyin he chaɡle nɔɔ? Korowii ɛɛ kisi yaa, yaa ɡɛɛ ɛ.

Nɛra Kura 36:9

Dea bɛlbwa harɛ bɛ o dɔŋ kon ta ka ja, dea bɛlbwa kpɔ o kon.”