1 Koranar 21:2 - mzwDBL

² Awola bɛl, Kooro Ahab ŋɔ Nabɔt be ŋɔ, “He bodɛɛɡe haa du daa nɔ bɛne n koodem, kpɔ tɛ mɛ ń parɛ papooni baa kpɔa dɛɛ ɛ dɔkpɔɡa dɔr ne kela ne ntoosi dɛ ŋwana. Mɛɛ tɛɛ daa koo waa wera ɡwaalo, dɛ he dɛ nyin ɡe aa, n tɛɛ suuɡa aa chɛ o yoɡ.”

1 Koranar 21:2 ပူးပေါင်းရင်းမြစ်များ

Mumpar 16:6

Belaa Abram ŋɔ Sarai be ŋɔ, “He toloo, he dɔ o kpeɡri dɛ́ doo ɡɛ haa dɛ nyin.” Asɛ Sarai fiiɡu kohona o ba chwa le o be.

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

1 Koranar 21:3

Anee Nabɔt ŋɔ, “N naa kooro, n naawa kapɛrɛ koo, asɛ n di, Korowii ɛɛ la ane bojaŋ kɛŋɔ ń kpɔ ya kapɛrɛ kon tɛɛ.”

1 Koranar 21:6

Kooro chaŋe o haah ŋɔ, “Nabɔt waa lɔ Jesreel la bee n ŋɔ ó yoɡ o daa koo tɛ mɛ, dɛ ɡɛ laa ɡe aa, ń tɛo bɛl o chiɡ o kon la naa ta. Kɛ o vɛoh ŋɔ waa kpɔ tɛ mɛ.”

2 Koranar 9:27

Juda harɛ Kooro Ahasia aa na ɡɛ la, o chwao kpɔ o torɔɡo la, dɛ lawɛ ŋwɛnɛ bɛl waa kaa bwɛɛ bɛl baa dɛ yerɔ Bɛt Haɡan ta. Asɛ Kooro Jehu tiu dɛɛ dooɡe lɔŋɔre o laa tena la be ŋɔ, “Hé kpo o ɡe.” Ba do Kooro Ahasia bol ɡɛ saŋ waa cheɡɛ o torɔɡo la bini, asɛ jaɡre la tɛɡre torɔɡo la, dɛ chwa kpɔ ŋwɛnɛ waa kaa bwɛɛ baa dɛ yerɔ Gur, waa bɛne Ibleam. Kɛ o berɔ won teŋɛ chwa kaa bwɛjen Meɡido ta, dɛ ka sewɛ bela.

Kaala 20:17

He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”

Wejereme 2:5

Mɛɛ ɛ bodɛɛɡee dɛ́ du daa bwa soo siwi aa dɛ nɔnɛ.

Yelsom 4:15

He do kɛŋɔ nenapale nyu bodɛɛɡe baa du daa, kɛŋɔ bule waa dɛ palɛ wɔrɔbe nɛ, dɛ le Lɛbanɔn bwejena dor dɛɛ ba.

Jeremia 22:17

Kɛ he sie beɡre anɔ la he ɡbo aa dɔ ta, dɛɛ kpoo nɛra baa wola wechɔɡa bɛlbwa ɛɛ, dɛɛ fiɡ ba, dɛ ɛɡ ba dɛɛ lɛ ba kwa. Men Korowiirii bola.”

Amanesoma Luk Aa Chwera Tɔn 12:15

O ŋɔ ba be ŋɔ, “Hé ɡel he sie chɔ harɛ he nyiŋi kɛrɛdɛ dɛ bɛ kwaa dɛɛ kam, dɛkalkɛŋɔ nɛwɛnyini kondɔɔh kohona laa o mkpa.”

Mmarare 11:10

Harɛ haa dɛ kaa o ta la ta doe kɛŋɔ Ijipt harɛ haa le o ta la. Ijipt harɛ he yon du kwaa dɛ́ pere nee bɔra tɛa dɛ́ dɔ nee dɛɛ do a ta la.

Mmarare 5:21

He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa deremi, ba harɛre ne ba bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.’

1 Timoti 6:9

Nɛra ba siwi aa swɛɛ suuɡa ta la dɛ́ chole. Suuɡa sibeɡra dɛ neɡ ba dɛɛ do pɛlchɔɡa ta, dɛ ɡel baa na wa, dɛɛ pɛlɛ konsale ne waa aa dɛ ba waa ne nɛ, dɛ yon ɡel ba chɔɡ kwaraa.

1 Samoɛl 29:6

Belaa Kooro Akis yerɛ Devid dɛ ŋɔ, “N ŋwɛɛ Korowii Israel tena aa dɛ tomɔ o do le saŋ bɛlbwa kɛŋɔ, he waa dɔ kasinteŋ tɛ mɛ. N sie fe ɛɛ lɛo kɛ he ja n nɛɛ dɛ́ ka yo laa nɔ. Dɛ le awola haa ba n be ba le fini, n ta he wechɔɡe bɛlbwa nae, kɛ koranar la bane sie ta he nɛɛ lɛɛ.

1 Samoɛl 8:14

Wɛɛ lɛ he harɛdɛɛɡa ne he daa koonii tɛ o nomonome.

1 Samoɛl 8:6

Baa ŋɔ o be ŋɔ ó tɛɛ ba kooro wɛɛ tɔ ba sie la, a ta o som doe asɛ o soŋe Korowii a wa.