1 Koranar 20:7 - mzwDBL

⁷ Belaa Kooro Ahab yerɛ Israel harɛ ta nomonome bwa cheme dɛ ŋɔ, “Hé na ɡɛ Kooro Bɛn Hadad aa dɛ nyin ya ne waa ɡɛ. O tomɛ toroma n be dɛɛ lɛ n haahna ne n bii ne suuɡapoŋa ne suuɡaswɛm, asɛ n sɛh.”

1 Koranar 20:7 ပူးပေါင်းရင်းမြစ်များ

2 Koranar 5:7

Israel kooro aa cha tɔn la nyoa dɛ kure la, o kɛɛ o batakaare a baɡle kɛ o liire chɔɡɔ, dɛ ŋɔ, “Na Siiria kooro aa dɛ nyin n ne waa ɡɛ! Korowiirii men n dɔ mkpa ne seo kpeɡri, he ŋɔ n chah baa nɔ naa? A ɛ kasinteŋ kɛŋɔ o dɛ nyin mɛ naɡra!”

Daneɛl 11:27

Gɛ koranar banɛ baa dɔ liichɔɡa tɛ dɔŋa nɔ ɛɛ pɛo so tiɡ ta dɛɛ neɡre dɔŋa, kɛ aa tɔnɔ bɛlbwaa dɔ tɛɛ ba, dɛkalkɛ saŋ baa lea cheɡ la ta dɛ ba.

Sɛɡla 24:2

Waa ba liire yon do a ta laanee naɡre wa, ba wobol ɡe ɛ bichɔɡwa.

Sɛɡla 11:27

He dɛ nyin wedɛɛɡa aa, nɛra dɛ nyin he wa, kɛ he dɛ nyin wechɔɡa aa, he dɛ dɔ.

Sɛɡla 11:14

Dɛ wejerema toole dɛ nyiŋi harɛ bɛl ta naa, o dɛ paɡre. Bela nomondɛɛɡa aa lole la, deŋnesɔɔhna lɔ bela.

Sɛɡla 6:14

ba dɔ liichɔɡa ba nyu bini, dɛɛ vɔrɔwe wechɔɡa ba bambile ta. Wobochɔɡa lɔ ba nyoo baa ir nɛra bandia.

Yela 140:2

Saŋ bɛlbwaa baa vɔrɔwe wechɔɡa vɔrɔwa, dɛɛ ba waa aa dɛ ir nɛra bambile baa yo tɔpere bɛlbwa ne.

Yela 62:3

Saŋ besoo hé bwa ɛɛ ba nɛn waa wola kpeɡe kɛ danjwɛɛ waa kɔɔhna dɛ́ chole nɔ yoi ɡela ɔ?

Yela 36:4

Ba chɔ ba chɔɔbɔra kwaraa naa, baa wobɛlbwa aa wera ɛ, baa wechɔɡa bɛlbwa ɡe vɛh.

Yela 7:14

Na ɡɛ wechɔɡ-ɛɛra aa dɛ vɔrɔwe wechɔɡa! Ba dɛ le jina dɛɛ neɡre nɛra.

Job Tɔn 15:35

Gɛ nɛra nɔɔ dɛɛ vɔrɔwe wechɔɡa, neɡra ɡe ɡboo ba bwa saŋ bɛlbwa.”

1 Webena 28:1

Kooro Devid yerɛ Israel nomonome la bwa cheme Jerusalam. Nomonome baa chɔ Israel deene nyoo ne nomonome baa chɔ kooro tomare nyoo, ne sitɔɔla baa chɔ laa tena kaɡboŋa ne lafare nyoo, ne nomonome baa chɔ kooro bibaala ne o laala ne kondɛɛre nyoo, ne koodem nomonome dɛ banyoola bwa.

1 Webena 13:1

Kooro Devid ne o laa sitɔɔla baa chɔ laa tena kaɡboŋa ne lafare nyoo chemo dɛ kpɔ liire.

1 Koranar 8:1

Ate, Kooro Solomɔn yerɛ Israel nomonome, ne nomonome baa chɔ ba deene nyoo, ne nomonome baa chɔ ba lolanar nyoo bwa ba cheme o sie Jerusalam, kɛŋɔ bá la ka kpɔ Korowii Ne Nɛwɛnyina Fɔo Daka la le Jerusalam waa ɛ Kooro Devid Bwɛjen ta ba cheɡ Korowii Dea.

1 Koranar 20:6

Kere saŋ nɔ, mɛɛ tomɛ n nomonomee bá ba nyiŋi he koodem ne he nomonome deremi, dɛ́ pa kwaa a yoɡ aa kpeɡa bɛlbwa baa naa.”

1 Koranar 20:8

Asɛ nomonome la ŋɔ, “Bɛ no, a ba ɛ kɛŋɔ hɛɛ sɛh a taa tɛo.”

1 Koranar 21:8

Jɛsɛbɛl kpɔ Kooro Ahab sɔn chwerɛ tɔne asɛ o kpɔ o noniseɡ ɛɡre a ta, dɛ tomɛ ba kpɔ ka tɛ nomonome ne banɔ la baa soɡe nomombɔra Jesreel bela Nabɔt aa lole la.