1 Koranar 20:16 - mzwDBL

¹⁶ Laa tena la leɔ webaŋa, ɡɛ saŋ wee aa cheɡɛ nyufala. Dɛ Kooro Bɛn Hadad ne o koranar fifraatoro dɛ banɛ baa ja o nɛɛ soɡe ba tɛnte deene bini dɛ nyɔ sen dɛɛ dɛɛ.

1 Koranar 20:16 ပူးပေါင်းရင်းမြစ်များ

Hosia 4:11

Sembena ne anfala nyɔe chɔɡ n nɛra liire baa waa mun no.

Aesaya 54:15

Nomɛlbwa nyini naɡra aa, n be laa a le. Bɛlbwa waa kpɔ yoi ba pui la aa hen wo.

1 Koranar 16:9

Kooro Ɛla bonɔɔ bɛl baa dɛ yerɔ Simri, dɛ onee dɛɛ nyiŋi kooro kwaa aa do kɛŋɔ torɔɡore ba vɔwɛ dɛɛ pɛl jaɡre ane ta. O ɛ kooro dɔm. Dɛ Kooro Ɛla lɔ nomoa bɛl baa dɛ yerɔ Arsa dem dɛ nyɔ sen dɛɛ. Dɛ Aasaa dɛɛ nyiŋi koodem waa lɔ bwɛjen Tirsa ta.

1 Koranar 16:7

Anɔ bwa habɔɔ la, dɛ Korowii cheɡɛ o keame bɛl baa dɛ yerɔ Jehu nɛɛ bol wa, Hanani bibaalee on. Keame Jehu baa bol Korowii wa Kooro Baasa ne o dem tena be, wechɔɡa waa ɛa dɛ muɡli on Korowii baah kɛŋɔ Kooro Jɛroboam aa ɛa, ne kpoe waa kpo o ne o dem tena bwa la wa.

1 Koranar 20:15

Anomanta, Kooro Ahab yerɛ laa tena bechale baa lɔ laa sitɔɔla lɔɡa harɛ la ta, dɛ ba lɔ nɛra lafraanɛ fifraatoro dɛ banɛ. O berɔ boa Israel harɛ laa tena kabora nyoa, dɛ ba ɡe bwa lɔ nɛra kaɡboŋa banuanɛ.

1 Koranar 20:17

Israel laa tena bechale baa lɔ laa sitɔɔla lɔɡa harɛ la ta laanee tɔ sie le. Dɛ Kooro Bɛn Hadad ɡe tomɛ nɛra ba tɔ sie ka nyiŋi, asɛ ba ba ŋɔ o be ŋɔ, “Laa tena bane le Samaria dɛɛ ba.”

1 Koranar 22:31

Dɛ Siiria kooro do o laa sitɔɔla fifraatoro dɛ banɛ baa dɛ nyiŋi torɔɡore baa vɔwa pɛl jaɡre la ŋɔ, “He bɛ nomɛlbwa ka yo ka ja Israel kooro ɡbo nɛ.”

Sɛɡla 20:1

Sen nyɔe kohona ɡelɔ nɛn ɛɛ do ɡbɔɡa dɛɛ ɡɛn. Nomɛlbwa waa kpɔ a nyɔe berɛ o toma la ta liire dɔe.

Emɔs 6:7

Anomanta, hɛɛ ja nɛra baa tɔ sie dɛ́ laɡ ba laa ta kaa bojaŋ harɛre ta la nɛɛ, ásɛ kwaa haa dia dɛɛ lɛ sie, ne he waa bwa ba a jaɡa.

Aesaya 5:22

Hé bwɛɛlɛ, he banɔ la haa dɛ yerɛ he te baala sen nyɔe ta, he baah su haa wola sen baa kpɔa koo dɔŋa nyɔe ɔmɛ la.