1 Koranar 20:11 - mzwDBL

¹¹ Kooro Ahab ŋɔ, “Hé ka ŋɔ o be ŋɔ laa te tenten bɛlbwa aa won maŋkura o te, nemenɛ laa la aa tona mɔɔ.”

1 Koranar 20:11 ပူးပေါင်းရင်းမြစ်များ

Sɛɡla 27:1

Bɛ waa haa ɛ kere kpɔ dɛɛ bol wa, haa jemɛ ɡɛ tɔɔ aa dɛ ba he pera.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Matiu 26:75

asɛ Pita lii ɡɛ Yeesu fa aa ŋɔ o be ŋɔ, “Jabal ne sii dɛ he tɔɔh ŋɔ haa men jemɛ kera atoro bwa” la. Waa lii a ɡɛ waa nɔ la, o le dahara dɛ ka wi lokua ne.

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Jeremia 46:17

Belaa baa ba bala dɛ́ ba ŋɔ, ‘Gbɔɡaa Ijipt kooro ɛɛ do pɛɛpɛɛ, o paŋɛ waa aa chɛ kɛ ó dɔ bwa.’

2 Koranar 3:21

Moab tena aa noa kɛŋɔ koranar batoro la dɛ ba bá yoo ba la, ba le baa bɛlbwa waa dɛ ba wona yo, bechale ne nomonome bwa, asɛ ba ka che ba harɛ jwɛh ta nee nyoa.

Job Tɔn 41:8

He te kpɔ nɔn dawɛ o nɛɛ dɛ́ na, hɛɛ nao ɡɛ waa vuuɡi, haa won leɡo nɛɛtena kpa.