1 Koranar 20:1 - mzwDBL

¹ Siiria Kooro Bɛn Hadad boa o laa tena bwa nyoa, dɛ koranar fifraatoro dɛ banɛ, ne ba jaɡre ne torɔɡore baa vɔwɛ jaɡre pɛla. Ba laŋɔ ka chɔ bar Samaria tena ba ne ba yo.

1 Koranar 20:1 ပူးပေါင်းရင်းမြစ်များ

1 Koranar 15:18

Kooro Asa kpɔ suuɡapoŋa ne suuɡaswɛm bwa aa kaa, dɛ do deene baa kpɔ kwaa a yoɡ aa kpeɡa dɛɛ cheɡ koodem bela, dɛ Korowii Dea la tomɛ nomonome ba kpɔ ka tɛ Kooro Bɛn Hadad. Dɛ Kooro Hadad mɛɛ sɔne Tabrimɔn, o nabaa ɡe ɛ Aram Kooro Heseɔn dɛɛ di kora Damaskɔs.

1 Koranar 15:20

Kooro Bɛn Hadad no Kooro Asa be, dɛ tomɛ o laa sitɔɔla ba ka yo Israel harɛ bwɛɛre. Ba pɔ bwɛɛre baa dɛ yera Ijon ne Dan dɛ Ebel Bɛt Maaka ne harɛ waa chɔa kaa Galilia Moo bwa dɛ Naftale dea harɛ bwɛɛre bwa ta.

1 Koranar 16:24

Kooro Omri yawɛ deŋɡare bɛl, taraken baa dɛ yerɔ Samaria, dɛ le Sɛma be. O yawɔ suuɡapoŋa a tɔɡre aa ɛ kilore fifraanumɛl dɛ anuatoro, asɛ dɛ vɔrɔwe bwɛɛ bela dɛ ma danjwɛɛ baro, dɛ kpɔ Sɛma sɔn pao dɛɛ yerɔ Samaria.

1 Koranar 20:16

Laa tena la leɔ webaŋa, ɡɛ saŋ wee aa cheɡɛ nyufala. Dɛ Kooro Bɛn Hadad ne o koranar fifraatoro dɛ banɛ baa ja o nɛɛ soɡe ba tɛnte deene bini dɛ nyɔ sen dɛɛ dɛɛ.

1 Koranar 20:2

Dɛ Kooro Bɛn Hadad tomɛ toroma Israel Kooro Ahab be o bwɛjen Samaria ta ŋɔ,

1 Koranar 20:24

Ir koranar fifraatoro dɛ banɛ la bwa, dɛ kpɔ laa sitɔɔla chiɡ ba buɡ ta.

1 Koranar 22:31

Dɛ Siiria kooro do o laa sitɔɔla fifraatoro dɛ banɛ baa dɛ nyiŋi torɔɡore baa vɔwa pɛl jaɡre la ŋɔ, “He bɛ nomɛlbwa ka yo ka ja Israel kooro ɡbo nɛ.”

2 Koranar 6:8

Dɛ laa chɔ Siiria kooro ne Israel tena baah. Siiria kooro ŋɔ o laa nomonome be, asɛ ba le bobɛl baa kpɔ ba laa tena ka so cheɡ.

2 Koranar 8:5

Gehasi aa dena dɛɛ bol kooro be ɡɛ Elaesa aa chum bibaa bɛl seo ta la, dɛ haah la Elaesa aa chum o bibaa seo ta la, deno baa soŋe kooro ŋɔ, ó berɛ kpɔ o dem ne o harɛ tɛo. Gehasi ŋɔ, “N naa kooro, haah laanee la, o bie Elaesa aa ɡela o berɛ dɔ mkpa la ɡee la.”

Ɛsra 7:12

“Tɔn nɔ le men Atasɛksɛs maa ɛ koranar bwa koojen be. N chwerɔ dɛɛ tɛ sɔfo Ɛsra haa ɛ chicha, dɛɛ baɡle Korowii Waa Dɛ Di Kora Nyundua la Mmarare. N dɛ nae.

Kaala 14:7

O kpɔ kwaa aa do kɛ torɔɡo aa lɔ Ijipt harɛ bwa ta ne anɔ la aa kpeɡa kɛrɛdɛ la lafraanumɛl, asɛ dɛ le o laa nomonome ba chɔ a nyoo.

Aesaya 10:8

O dɛ maŋkura o te ŋɔ, ‘N laa sitɔɔla bwa ɛ koranar!

Aesaya 37:24

He tomɛ he toroma ba ɛ mbarafo baɡ mɛ ŋɔ, he wono kpɔ torɔɡore teeh kaa bwejena aa lɔ Lɛbanɔn dor. He ŋɔ belaa he teŋni peleme daa aa jaŋa kohona, ne dadɛɛɡa bwa soo siwi, dɛ jo kaa kɔr la baah tenten.

Jeremia 49:27

Mɛɛ do nii Damaskɔs danjwɛɛre taa, ásɛ a fuh Kooro Bɛn Hadad koodem dekpeɡa.”

Ɛsekeɛl 26:7

Nemenɛ Korowii ŋɔ, “Mɛɛ ɡeloo Babelɔn Kooro Nebukadnesa waa ɛ koranar bwa koojen bá yo Taaya tena. O ne o laa tena ɛɛ warɔɔ le weekaŋle nyunduabɔr, bane valɛ, bane so jaɡre ne kwaa aa do kɛ torɔɡore baa vɔwa pɛl jaɡre ta, dɛ́ ba yoo ba.

Daneɛl 2:37

N naa kooro, he ɛ koranar bwa kooro. Korowii Waa Dɛ Di Kora Nyundua ɛɛ koojen dɛ ɡel he do kan, dɛ tɛɛ kpeɡri ne jirima.

Lewi Dea Tena 26:25

Laa mɛɛ ba kpɔe ba ta he nɛ, chɔɡa haa chɔɡ n ne he fɔo la wa. He dɛ nyin he nyuune dɛ chwa kaa bwɛɛre ta kaa sɔh aa, mɛɛ kpɔ weechɔɡaa ba ta he nɛ. Anɔ taa aa ba cheɡa hé kpɔ he te do he dɔma nɔɔra ta, ásɛ dɛɛ tom ba.

Emɔs 1:4

Mɛɛ ba fuh koodem Kooro Hasael aa doo laanee, dɛ́ ba fuh Kooro Bɛn Hadad dekpeɡa la, dɛ́ chɔɡa.

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 28:52

Wɛɛ ɡeloo he dɔma tɔ heyaa do bwɛjena waa kpɔa dɛɛ ba heyaa tɛɛ la bwa ta, ásɛ he lɔ harɛ. Ásɛ danjwɛkpeɡa haa maa bara dɛɛ hwɛɡɛ a ta la choɡli.

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.

Sitɔɔla 4:3

Dɛ Kooro Jabin dɔ bune kwaa aa do kɛ torɔɡo ba vɔwɛ dɛɛ pɛl jaɡre la lafraanuanaarɛ. O fɔɡɛ Israel tena kɛrɛdɛ bene fifraanɛ, asɛ ba berɛ wi no Korowii ŋɔ ó cha ba.

1 Samoɛl 13:5

Filisti tena la chemo kɛ bá ka yo Israel tena. Ba dɔ kwaa aa do kɛ torɔɡo baa vɔwa pɛl jaɡre kaɡboŋa atoro, asɛ laa tena kaɡboŋa banumɛl so jaɡre ta, dɛ laa tena baa wara kohona kɛŋɔ mpo nyoa hɛŋle ken. Ba kaa cheme Mikmas, waa lɔ bwɛɛ Bɛt Avɛn wee leebɔr.