1 Koranar 2:4 - mzwDBL

⁴ Dɛ he ɛ ɡɛ naa, Korowii ɛɛ teŋɛ nyoa waa baɡ mɛ kɛŋɔ waa ŋɔa ŋɔ, ‘Dɛ he naanar soɡo kɛrɛdɛ ɡɛ aa wera dɛɛ teŋɛ n nɛɛ ba bambile ne ba liire bwa ne naa, banee dɛɛ ba baa di Israel harɛ ta kora la.’ ”

1 Koranar 2:4 ပူးပေါင်းရင်းမြစ်များ

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

1 Koranar 8:25

Name, n Naa Korowii Israel tena aa dɛ tomɛ, teŋɛ nyoa haa baɡɛ n mɛɛ Kooro Devid waa ɛ he bonɔɔ la ta, ɡɛ haa ŋɔa ŋɔ dɛ o bii do sie dɛɛ teŋɛ he waa ta, ɡɛ he Mmarare aa dɛ baɡle la aa, o naanar bini bɛlee dɛ́ so Israel tena kora ta he sie.

2 Samoɛl 7:25

N Naa Korowii, ɡel he nyobaɡa haa baɡɛ he bonɔɔ ne o naanar la do le saŋ bɛlbwa dɛɛ la. Ɛ ɡɛ haa ŋɔa la,

Matiu 22:37

Yeesu chaŋɔ ŋɔ, “ ‘Hé nyin N Naa Korowii he bambile bwa, he hweera ne he liire bwa ne.’

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Sekaria 14:2

Korowii ɛɛ boa harɛre nɛra nyoa bá ba yo bwɛjen Jerusalam tena, dɛ́ lɛ bwɛjen la dɔɔh. Baa jo ba deene, dɛ́ pa ba laala, dɛ́ ɡuɡri ba haahna chɔ. Baa lawɛ bwɛjen la pera nɛraa kaa bojaŋ harɛfale ta, dɛ́ ɡel ba kar bwɛjen la ta.

Yela 37:22

Nɛra Korowii aa swee ba andɛɛɡa la, ɛɛ dɔ harɛ laanee, kɛ banɔ la waa taah ba la te, wɛɛ doŋ baa le o ta.

Yela 37:9

Nɛra baa dɔ hwɛɡa Korowii nɛɛ la ɛɛ dɔ harɛɛ dɛ́ so o ta, kɛ nyubinikpeɡ tena te, baa doŋ ba le o ta.

2 Webena 17:3

Dɛ Korowii ja Kooro Jehosafat nɛ, dɛkalkɛ o teŋɛ waa o nabaa Kooro Devid fa aa ɛa la ta. O ta voɡ Baalre tomɛ.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

2 Koranar 23:25

Kooro bɛlbwa ta do kɛ Kooro Josia, dɛ nyin Korowii o bambile bwa, o hweera dɛ o bokpeɡa bwa ne, ɡɛ waa aa lɔ Mosis Mmara la bini bwa aa dɛ baɡle la.

2 Koranar 23:3

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne, ɡɛ tɔn la bini fɔo waa la aa dɛ baɡle la. Asɛ nɛra la bwa baɡɛ nyoa kɛŋɔ baa dɛɛ teŋɛ fɔo la taa.

1 Koranar 9:5

amɔ te, mɛɛ ɡeloo kora haa dɛ di Israel tena nɛɛ la che kiŋkiŋ saŋ bɛlbwa, ɡɛ maa baɡɛ he mɛɛ Devid nyoa ŋɔ, ‘He naanaree dɛɛ ba Israel tena nɛɛ nyiŋa saŋ bɛlbwa’ la.

1 Koranar 8:23

dɛ ŋɔ, “N Naa Korowii Israel tena aa dɛ tomɛ, voɡa nɛra aa dɛ tomɛ ta kpeɡri dɔe nyundua kɛɛ harɛ kɛ hen! He dɛ teŋɛ fɔo he ne he nɛra aa fɔwa ta, dɛɛ nyin nomɛlbwa waa dɛ teŋɛ he waa ta bambile bwa ne.

1 Koranar 3:14

Dɛ hɛɛ dɛɛ yarada mɛɛ dɛɛ teŋɛ me Mmarare ta kɛ he mɛɛ Kooro Devid aa ɛa la aa, mɛɛ tɛɛ mkpajaŋee.”

1 Koranar 3:3

Kooro Solomɔn teŋɛ waa o mɛɛ Kooro Devid aa ŋɔa la ta, dɛ baɡle nyina waa dɛ nyin Korowii, kɛ dɛ deŋɡarere baa dɛ tomɛ voɡa doree o ɡe ɛɛ fuh konsɔɔhsoma dɛɛ ɛ sarahare.

Mmarare 11:13

Anomanta, dɛ he teŋɛ Korowii Mmarare maa kpɔa dɛɛ tɛ heyaa fini nɔ ta, dɛ nyin Korowii dɛ tomɔ he bambile ne he hweera bwa ne naa,

Mmarare 10:12

Mosis berɔ ŋɔ, “Israel tena, waa Korowii aa dɛ nyin dɛ le he be taraken laanee kɛŋɔ, hɛ́ɛ ɔmɔ dɛ́ɛ teŋɛ o waa bwa ta, dɛ́ nyinu dɛ́ɛ tomɔ he bambile ne he hweera bwa ne,

Mmarare 7:12

Dɛ he no ɡɛ waa nɔ dɛ teŋɛ a ta kasinteŋ ne naa, Korowii haa dɛ tomɔ ɛɛ teŋɔɔ dɛ́ kpoŋe o fɔo la bini, dɛ́ɛ nyin he waa ɡɛ waa ŋwɛɛra baɡle he naawa la.

Mmarare 6:5

Hé nyin Korowii he bambile bwa, he hweera ne he bokpeɡa bwa ne.

Lewi Dea Tena 26:3

Hé dɛ teŋɛ me Mmarare ne waa maa dɛ do heyaa a ta kɛrɛdɛ naa,

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

2 Webena 6:16

Name, N Naa Korowii Israel tena aa dɛ tomɛ, teŋɛ he nyoa haa baɡɛ n mɛɛ Kooro Devid waa ɛ he bonɔɔ la ta, ɡɛ haa ŋɔa ŋɔ, dɛ o bii do sie dɛɛ teŋɛ he waa ta, ɡɛ he Mmarare aa dɛ baɡle la aa, o naanar bini bɛlee dɛ́ so Israel tena kora ta he sie.

2 Webena 7:18

amɔ te mɛɛ ɡeloo kora haa dɛ di Israel tena nɛɛ la che kiŋkiŋ saŋ bɛlbwa, ɡɛ maa baɡɛ he mɛɛ Devid nyoa ŋɔ, ‘He naanaree dɛɛ ba Israel tena nɛɛ nyiŋa saŋ bɛlbwa,’ la.

Yela 39:1

N lii n nyu bini ŋɔ, “Mɛɛ nyiŋi n ŋwɛnɛre ta kɛrɛdɛɛ, maa ɡel a che n nyoa wobol ta, n ɛ wechɔɡa. Nɛnchɔɡa bɛn mɛ naa, maa wobɛlbwaa bol.”

Yela 119:9

Ɛrɛɛ bonɔɔ we-ɛɛla ɛɛ ba wona do wer he be nɔ? Nemenɛ wɛɛ teŋɛ he Mmarare ta.

Jeremia 33:17

Anomanta, kenii Korowii ɛɛ bol, “Kooro Devid naa ɛɛ do le saŋ bɛlbwaa dɛɛ di kora Israel harɛ,

1 Koranar 1:48

‘Korowii Israel tena aa dɛ tomɔ laanee chɛ kpɛɛra kɛŋɔ waa ɡela n na n bibaa Solomɔn o ba chiɡ n naa ta dɛɛ di kora fini nɔ.’ ”

1 Koranar 6:12

“Dea haa dɛ ma nɔ, dɛ he no n deŋna waa dɛ teŋɛ n waa bwa ta naa, mɛɛ che he nɛɛ dɛ́ ɡel nyoa maa baɡɛ he mɛɛ Kooro Devid la maɡre.

1 Koranar 11:36

Mɛɛ kpɔ dea beŋkpoŋ nɛraa do o nɔn ta, ɡɛ aa ɛ ásɛ n dɔ n bonɔɔ Devid naa saŋ bɛlbwa wɛɛ di kora Jerusalam, bwɛjen maa lea cheɡ ŋɔ baa tom mɛ la ta.