1 Koranar 2:32 - mzwDBL

³² Korowii ɛɛ bɔɔ kem nɛra waa kpoo ba la waa, dɛkalkɛ o le n mɛɛ habɔɔ dɛ ka yo nɛra banɛ dɛ kpoo ba kere ne. Banee, Nɛr bibaa Abna waa ɛ Israel laa sitɔɔ, ne Jɛta bibaa Amasa o ɡe aa ɛ Juda laa sitɔɔ. Dɛ ɡɛ nɛra la do kaih dɛ ɛ nɛndɛɛɡa ɡwaalo.

1 Koranar 2:32 ပူးပေါင်းရင်းမြစ်များ

Sitɔɔla 9:24

Korowii ɛ ɡɛ dɛ kpɔ bɔ Abemɛlɛk ne Sɛkem tena baa chao dɛ kpoo Gedeɔn bibaala fifraanuanɛ la kem.

Yela 7:16

Naɡrenyin waa baa liira la ɡure ba nɛ, waa baa ba a ne la, ba ɡbaɡbaa dɛ́ na a wa.

2 Webena 21:13

He teŋɛ waa Israel koranar aa ɛa la ta, a che a ta Juda ne Jerusalam tena kaa tomɛ voɡa, ɡɛ Kooro Ahab ne banɔ la baa di kora o habɔɔ aa ɛa la. Hale he berɔ kpoo he nimanar ba waa aa wera ɡwaale la.

Sitɔɔla 9:57

Korowii berɔ bɔ Sɛkem tena nyubinikpeɡ baa ɛa la kem, dɛ ɡel Gedeɔn bibaa Jotam nyotaahna la laɡ ba.

1 Koranar 2:5

Kooro Devid berɔ ŋɔ, “He ɡbabir na ɡɛ Seruya bibaa Joab aa ɛɛ mɛ dɛ kpo Israel laa sitɔɔla banɛ. Nɛr bibaa Abna ne Jɛta bibaa Amasa. O saahnɔ kpoo ba kɛŋɔ nɛra baa kpoo ba laa ta bɔ kem, ɡɛ saŋ yaa soɡe deŋnesɔɔhna ta, laa yoi aa wola toole kpa ta. O kpɔ ba chale fɔɡɛ o kiriso ne o naŋɡawa, ba seo ɡure o nyu ta.

Ɛsta 1:19

Mɛmokan ŋɔ, “N naa kooro, dɛ hɛɛ sɛoh waa, do mmarafale bá chwerɛ ja Pɛɛsea ne Midia harɛre mmarare ta, nomɛlbwa aa wola won beɡra bwa, kɛŋɔ Vasti bɛ hen Kooro Sɛksɛs sie tire kpa. O bɛ he haah ɡe ɛ kpa, bá nyin haah waa dɔ da dɛ ɡwaalo tɛɛ he moo.

1 Koranar 2:44

He ɡbabir jemɛ chɔɡre haa di n mɛɛ Kooro Devid. Korowii ɛɛ tɛr he deŋne a waa.

2 Samoɛl 17:25

Dɛ Absalɔm le Amasa o chiɡ Joab naa ta dɛ chɔ laa tena la nyoa. Amasa mɛɛ sɔne Jɛta, o le Israel harɛ ta. O nya sɔne Abiɡel. Abiɡel ɡe nya sɔne Nahas asɛ o nahaah ɛ Joab nya baa dɛ yerɔ Seruya la.

2 Samoɛl 4:11

Ɛrɛɛ mɛɛ ba nɛn waa wola wechɔɡa bɛlbwa ɛɛ dɛ chɔ o dea mpa ta nyubinikpeɡ tena ka kpoo waa bola ɔ? A ta chɛ kɛ o seo ɡure he nyu ta ń kpoo heyaa bɔ kem le harɛ nɔ ta naa?”

2 Samoɛl 3:37

Awola tɔpere la, nɛra la bwa ne Israel tena bwa nao kɛŋɔ kooro nɔn toole Abna seo ta.

1 Samoɛl 15:28

Anee Samoɛl ŋɔ o be ŋɔ, “Korowii chɔɡ Israel kora la kɛŋɔ batakaare nɔ dɛ le he nɔn ta fini, dɛ kpɔ tɛ he dɔŋ o wa aa wera ɡwaale.

Mumpar 4:11

N taahne, dɛ doŋi le harɛ nɔ ta, haa won parɛ o ta kpa, he nime haa kpoo la nomanta.

Mumpar 9:6

Nomɛlbwa waa kpo o dɔŋ la, ɡɛɛ o dɔŋ bɛl ɡe ɛɛ ba o kpoe, dɛkalkɛ ɡɛ Korowii aa doa laanee o ta nɛwɛnyini.

Mumpar 42:22

Belaa Rubin ŋɔ, “N te ŋɔ he be ŋɔ he bɛ bie la wobɛlbwa ɛ, kɛ he ta noɛ. Taraken, kpoe yaa kpoo laanee ɡure ya nyu ta la.”

2 Samoɛl 1:16

Dɛ Devid fa bol baa la be ŋɔ, “He waa haa ɛa laanee ɡure he nyu ta la. Waa aa le he nyoa he ŋɔ henee kpo nɛn Korowii aa cheɡo kora ta laanee ɛ danseɛ.”

2 Samoɛl 3:39

Fini, Korowii fuɡe noo do n nyu ta dɛ lee mɛ cheɡ kɛ kooro te, kɛ n ɡwɛɡrɔ. Seruya bibaala nɔ kpeɡri ɡwaa n nɛ. Korowiirii dɛ́ bɔ nɛnchɔɡe waa ɛ ɡɛ nɔ kem ɡɛ aa chɛa.”

2 Webena 21:14

Anomanta, Korowii ɛɛ tɛr he nɛra deŋnee taeh, he bii ne he haahna, dɛ chɔɡ kwaa haa dɔa ɡe bwa.

Nɛra Kura 32:23

Dɛ he vɛoh he ta ɡɛ ɛɛ yaa, dɛ he ɛ wechɔɡa dɛ jo Korowii nɛ, aa ɡure he nyu taa.

2 Samoɛl 3:29

Korowiirii dɛ́ tɛr Joab ne o lolanar deŋne a wa. Kórowii kpɔ ŋwɛra kɛɛ bwadabii weechɔɡa, kɛɛ nɛn waa dɛ valɛ daa ne, kɛɛ laa ta seo, kɛɛ kondikwaa nyae, ba ta ba naanar baa ka ba bwa nɛ!”

1 Koranar 8:32

noa nyundua bela, dɛ́ pa bole, dɛ́ tɛr onɔ la waa di bolchɔɡe la deŋne dɛ́ ɡel boldɛɛɡe te la.

Yela 7:17

N dɛ jam N Naa Korowii, dɛkalkɛ o waa toɡrɔ. Mɛɛ ɡo yelaa kpɛɛ Nemenɛ Korowii.

Ɛsekeɛl 17:19

Nemenɛ Korowii ŋɔ, “N ŋwɛɛrɔ kɛ n taa lole nɔ, mɛɛ tɛr o deŋnee, chɔɡa waa chɔɡ n ne o fɔo ne ŋwɛɛra waa ŋwɛɛra baɡ mɛ la wa.