1 Koranar 2:26 - mzwDBL

²⁶ Kooro Solomɔn ŋɔ Sɔfo Abiata be ŋɔ, “Berɛ kaa he bwɛ, Anatɔt harɛ ta. He chɛ kpoe, kɛ maa hen kpo taraken, dɛkalkɛŋɔ ɡɛ saŋ n mɛɛ Devid aa ɛ kooro la, dɛ henee dɛɛ che Nemenɛ Korowii Ne Nɛwɛnyina Fɔo Daka la, dɛ berɛ na wahala n mɛɛ aa naa la ane.”

1 Koranar 2:26 ပူးပေါင်းရင်းမြစ်များ

2 Samoɛl 12:5

Kooro Devid aa no waa nɔ la, o baah di suuɡa te la nɛɛ kohona, dɛ ŋɔ Netan be ŋɔ, “N ŋwɛɛ Korowii waa lole kɛŋɔ, naate waa ɛ ɡɛ waa nɔ deno chɛ kɛŋɔ bá kpoo!

1 Koranar 1:25

Fini o iro dɛ la ka kpoo nae ne nabiiri aa jea, dɛ peera aa wara. O ta nɔn yerɛ he bibaala bwa, ne Joab waa chɔ he laa tena nyoa dɛ sɔfo Abiata. Maa dɛ bol nɔ, taraken ba ne o pɛo dɛɛ di kondikonjena, dɛ nyɔ sen dɛɛ lɛ ba sie, dɛɛ do lɔŋɔre ŋɔ, ‘Kórowii tɛ Kooro Adonija mkpajaŋ!’

1 Koranar 1:7

Adonija ne Joab waa ɛ Seruya bibaa, dɛ Abiata waa ɛ sɔfo la ɛ nyoa beŋkpoŋ asɛ ba teŋɛ o nɛɛ dɛ chao.

1 Koranar 2:35

Kooro kpɔ Bɛnaya chiɡ Joab naa ta kɛŋɔ laa sitɔɔ, dɛ kpɔ Sadɔk chiɡ sɔfo Abiata ɡe naa ta.

Aesaya 10:30

Galim tena, hé do lɔŋɔre! Nɛra haa lɔ Laisa ɡe, hé no. Anatɔt tena, hé waa sum.

Jeremia 1:1

Baa bɛl sɔne Hilkia, dɛ o ɛ sɔfore baa lɔ Anatɔt la bɛl, dɛ do Bɛnjamen dea harɛ ta. O bibaa sɔne Jeremia, Jeremia waa waa bola laanee teŋa nɔ.

Matiu 10:42

Kasinteŋ, dɛ nomɛlbwa koh n wa, dɛ tɛ n habɔteŋra bechale nɔ bini bɛlbwa nesɔna o nyɔ aa, waa o kembɔr paŋa ba bwa.”

Amanesoma Luk Aa Chwera Tɔn 22:28

Heyaa ja n nɛɛ n wahala bwa bini.

Galaasia 3:4

Amɔ waa he sie aa naa ne anɔ la haa noa la bwa ɛ pɛɛ aa? Dɛ a ɛ pɛɛ te naa, dɛ aa were kwaraa!

Josua 21:18

ne Anatɔt ne Almɔn, dɛ a kondɛɛra dibɔra. A lɔ bwɛjena anaarɛ.

1 Samoɛl 2:32

Hɛɛ di suna bela maa lole laanee, ásɛ n swee andɛɛɡa tɛ Israel tena baa kaa la. Kɛ he lolanar bini te, bɛlbwa aa kpeɡ dɛ́ ba hwɛɛh bwa.

1 Samoɛl 26:16

He ta he toma ɛɛ, Abna. N ŋwɛɛ Korowii waa lole saŋ bɛlbwa kɛŋɔ, a chɛ kɛ he bwa sewɛ, dɛkalkɛŋɔ he ta he dɔɔ Korowii aa cheɡo kora ta daahnɛ. Leperaa kooro lampea ne loŋ waa dɛ do nee o bini a che o nyu bɔr la dɔɔ?”