1 Koranar 19:2 - mzwDBL

² Anee o haah la tomɛ torome Elaeja be ŋɔ, “N ŋwɛɛrɔ kɛŋɔ kere saŋ nɔ dɛ n ta hen kpoe kɛŋɔ haa kpoo voɡ tena la aa, voɡare la kpo mɛ.”

1 Koranar 19:2 ပူးပေါင်းရင်းမြစ်များ

2 Koranar 6:31

A habɔɔ, kooro la ŋwɛɛ ŋɔ, “Dɛ n ta Safat bibaa Elaesa nyu teŋe fini naa, Korowii kpo mɛ!”

1 Koranar 20:10

Belaa Kooro Bɛn Hadad berɛ tomɛ nɛra Kooro Ahab be dɛ ŋɔ, “Dɛ n ta ɡelɛ ba chɔɡ Samaria kwaraa naa, voɡare la tɛr n deŋne kohona.”

Rut Tɔn 1:17

Bela haa sewɛ laanee n ɡee ba sewa, ásɛ ba huɡ mɛ bela. Dɛ seo laa aa, n ŋwɛɛrɔ kɛŋɔ wobɛlbwa aa won pere ya baah.”

Daneɛl 3:15

Dɛ he baa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii, dɛ ɡuŋi suuɡaswɛm voɡ la aa, dɛ a wer. Kɛ dɛ he vɛh ɡuŋa aa, baa denoo kpɔ heyaa ka do fononoo nijena aa dɛ hɔ kohona la bini. Dɛ voɡ besoo dɛ́ won lɛ heyaa le n nɔn ta jaɔ?”

Sɛɡla 27:1

Bɛ waa haa ɛ kere kpɔ dɛɛ bol wa, haa jemɛ ɡɛ tɔɔ aa dɛ ba he pera.

Kaala 10:28

Asɛ o ŋɔ Mosis be ŋɔ, “Le n sie bonɔ kaa! Dɛɛ berɛ n sie bonɔ bala kpa. Awola haa ba n sie bonɔ la, dɛ he sewee.”

1 Koranar 2:28

Joab aa wola Absalɔm chae o di kora dɛ cha Adonija la, waa noa kɛŋɔ ba kpo Adonija la, o chwao ka jo Korowii Tɛnte Dea la bini, dɛ ka lawɛ kwaa aa do kɛŋɔ nyeɡlare dɛ paaɡe kon baa dɛ ɛ saraha o ta loŋkoni la kpoŋe.

2 Koranar 19:22

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Kaala 15:9

Ya dɔma tamanɔ dɛ ŋɔ, ‘Mɛɛ ti baa dɛ́ ka pɔ ba nɛ. Ba kondɔɔh bwaa mɛɛ ba pae ɡɛ maa dɛ nyin. Mɛɛ tɛr n kere ba nɛɛ dɛ́ chɔɡ ba bwa.’

2 Samoɛl 3:9

N ŋwɛɛrɔ kɛŋɔ dɛ n ta waa Korowii aa baɡɛ Kooro Devid nyoa la ɛɛ tɛo waa, ó tɛr n deŋne kohona,

2 Samoɛl 19:13

Kooro berɔ ŋɔ ba bɔɔ Amasa ŋɔ, “N lole laa hen ya bwa ɛ nɛmbeŋkpoŋ aa? Le fini dɛɛ kaa dɛ he laa dɛ́ ɛ nomoa dɛ́ chiɡ Joab naa ta, dɛ́ chɔ n laa tena nyoa aa, amɔ te Kórowii tɛr n deŋne kohona.”

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Jeremia 26:21

Kooro Jehoiakim ne o laa tena dɛ o nomonome bwa aa no waa Uria aa bola la, dɛ o dɛ nyinu dɛ́ kpo. Kɛ Uria noɔ kɛ kooro dɛ nyinu dɛ́ kpo, asɛ dɛ kpɔ ɔmee chwa kaa Ijipt harɛ ta.

1 Koranar 2:23

Ate, Kooro ŋwɛɛ Korowii ŋɔ, “Dɛ Adonija ta o nyu kpɔe bol o wesoŋa nɔ wa aa, Korowii tɛr n deŋne kohona ɡɛ bwa aa chɛa.