1 Koranar 18:4 - mzwDBL

⁴ Dɛ Kooro Ahab haah Jɛsɛbɛl ɡelɔ ba kpoo Korowii keamere. Asɛ Obadia kpɔ Korowii keamere lafa ka sɔh bwebɔɔne anɛ bini, dɛɛ tɛɛ ba nee ne kondikwa. O bɔne ba bini, fifraanunue ba do bɔɔ beŋkpoŋ bɛlbwa bini.

1 Koranar 18:4 ပူးပေါင်းရင်းမြစ်များ

1 Koranar 13:16

Korowii keame la ɡe chaŋo ŋɔ, “Maa won berɛ la mun ta kpa, maa won di kwaa kɛɛ dɛ́ nyɔ nee kwaraa bonɔ,

1 Koranar 17:11

Haah la aa dɛ kaa ka ɛ nee la, Elaeja berɛ ŋɔ, “Mɔn paanoo tama ja ba tɛ mɛ.”

1 Koranar 18:13

N dɔɔ, he ta noɛ ɡɛ maa ɛa ɡɛ saŋ Jɛsɛbɛl aa dɛ kpoo Korowii keamere la kɛɛ? N sɔh keamere lafa bwebɔɔne anɛ bini. N pere ba bini fifraanunue bɔɔ beŋkpoŋ bɛlbwa bini, dɛɛ tɛɛ ba nee ne kondikwa.

1 Koranar 18:5

Kooro Ahab ŋɔ Obadia be ŋɔ, “Yá ka ɡaaɡe harɛ nɔ bwa ta, neerare nyuune ne fɛlembɔɔne bwa ta, ya ken ɛɛ dɔ kpɔɡaa ba tɛ ya jaɡre ne keeɡore nɔ, ásɛ ya bɛ an kpoo.”

2 Koranar 6:32

Asɛ o tomɛ ŋɔ bá ka yerɛ Elaesa ba, dɛ o lɔ o dem Israel nomonome so o be. Torome la aa wola tele mɔɔ la, Elaesa ŋɔ nomonome la be ŋɔ, “He ta nae kɛŋɔ nɛn waa dɛ kpoo nɛra nɔ aa tomɛ nɛn ŋɔ ó ba kpo mɛ naa? Dɛ torome la balaa, hé laa ɡbera tɔ dɛ bɛ ɡel o dɔ bɔr jo. O dɔɔ kooro nakpale sio teŋɛ o nɛɛ wɛɛ ba.”

2 Koranar 9:7

A chɛ kɛ he kpo he dɔɔ Kooro Ahab luɡe nɛra, dɛ́ he ba kwaraa, ásɛ n bɔ Jɛsɛbɛl kem n keamere ne n bonɔɔna waa kpoo ba la wa.

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Aesaya 16:3

Ba ŋɔ Juda harɛ nɛra be ŋɔ, “Hé ja yaa, hé baɡle yaa ɡɛ yaa ɛ. Hé ɡel ya so he lɔɡa, hé chunchuli tɔ ya nɛ. Hé kpɔ yaa sɔh, he bɛ yaa le tɛ nɛra baa dɛ yo yaa nɔ.

Jeremia 26:24

Kɛ ane a bwa, men Jeremia te dɔ n nyu di, dɛkalkɛ Safan bibaa Ahikam cha mɛ o ta ɡelɛ ba laɡ mɛ tɛ nɛra la ba kpo mɛ.

Jeremia 36:19

Belaa ba ŋɔ o be ŋɔ, “He ne Jeremia bwa ka nyin bɔr sɔh. He bɛ ɡel bɛlbwa jemɛ bela haa lole.”

Matiu 21:35

Anee nɛra la lawɛ bonɔɔna la, dɛ lɔɔ bɛl, dɛ kpo bɛl, asɛ dɛ foɡre bɛl ɡe bwea.

Matiu 25:35

dɛkalkɛŋɔ lɔr aa dɛ kpo mɛ la, he tɛ mɛ kondikwaa n di, nyɔɡre aa dɛ kpo mɛ la, he tɛ mɛ nee n nyɔ. Maa ɛ hɔɔh la, he kpɔ mɛ kaa he deremi,

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Hibru 11:38

Dɛ nɛra baa dɔ harɛ nɔ ta ɡbo liire ta chɛɛ kɛ ba ne a ɡɛ Korowii nɛra baa ɛ nɛnjena nɔ pɛ so. Ba ta soŋnibɔr dɔe, dɛ do pua hɛŋle ɡbo harɛ ne bwea dor dɛɛ ɡaaɡe, dɛɛ so bwebɔɔne ne bɔpɛɛne bini.