1 Koranar 18:12 - mzwDBL

¹² Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

1 Koranar 18:12 ပူးပေါင်းရင်းမြစ်များ

We-ɛɛla 8:39

Baa le nee la ta la, Korowii Domadɛɛɡe baa kpɔ Felep kaa buɡ la ta. Nomoa la ta on nae kpa, dɛ chiɡ ŋwɛnɛ ta kaa silɛɛ ne.

2 Koranar 2:16

dɛ ŋɔ o be ŋɔ, “Yan yaa ɛ he bonɔɔna lɔ baala fifraanue ya bwara aa kpeɡa bonɔ. Gel yá ka ɡaaɡe he nomoa bɔr, Korowii domaa ken baa kpɔɔ kaa dɛ ka ɡelo bwejen bɛl doa kɛɛ fɛlembɔjen bɛl bini.” Anee Elaesa ŋɔ, “Akai, he bɛ nomɛlbwa tomɛ.”

Ɛsekeɛl 8:3

O tɛr komɛl kɛŋɔ nɛn nɔn dɛ lawɛ n nyumpona, asɛ Korowii Doma ɡɔɔ mɛ n do harɛ ne nyundua baah ta. A ɡɛ wepila nɔ ta la, Korowii kpɔ mɛ kaa Jerusalam o Dea la dembaah doonyoa waa lɔ weekaŋle nyundua pera, dɛ voɡ Korowii aa kiu kɔkɔkɔkɔ lɔ bela.

Ɛsekeɛl 37:1

Korowii kpeɡri ba men Ɛsekeɛl nɛ, asɛ o Doma kpɔ mɛ le ka che fɛlembɔjen bɛl bini, dɛ hoɡa su o ta bwa.

Ɛsekeɛl 11:24

Wepila la ta la, Korowii Doma la kpɔ mɛ ir ba n bala baa laɡ ba kaa harɛfale ta Babelɔn la be. Belaa wepila la ba a jaɡa,

2 Koranar 2:11

Ba taa bol waa dɛ valɛ dɛɛ kaa la, buɡ la ta, dɛ torɔɡo ne jaɡre baa che Elaesa ne Elaeja baah ta a bwa ɛɛ lawɛ nii, asɛ buɡ la ta, kawulewule den ba kpɔ a ne Elaeja kaa nyundua.

We-ɛɛla 12:19

Kooro Hɛrɔd aa baa no kɛŋɔ Pita nyoɡrɔ la, o ɡelɔ ba nyin o bɔr, kɛ ba ta on nae. Anomanta, o ɡelɔ ba bɔɔ soojare la waa kɛrɛdɛ, dɛ ŋɔ bá kpoo ba. A habɔɔ la, Kooro Hɛrɔd le Juda harɛ dɛ ka so Sisaaria tama.

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

Matiu 4:1

Belaa Korowii Domadɛɛɡe la kpɔ Yeesu kaa pua hɛŋle ɡbo harɛ ta, ásɛ Bɔnsam daahno na.

Wejereme 7:18

Lawɛ a bwa bini kpoŋe, dɛ bɛ ɡel bɛlbwa le he nɔn ta. Naate waa dɛ ɔmɛ Korowii ɛɛ won le ɡɛ waa nɔ bwa nyoa.

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

2 Webena 34:3

Kooro Josia aa di kora bene anuatoro la, dɛ o ta ɛ bonɔmbi, asɛ o pa mun dɛɛ tomɛ Korowii o nabaa Kooro Devid aa tomɔ la. Bene fi dɛ anɛ ta la, o pa mun dɛɛ chɔɡ bela Juda harɛ ne Jerusalam tena aa dɛ tomɛ voɡa, ne voɡ Asera dajaŋa ne voɡare baa sɛah ne anɔ la bwa aa jaa.

1 Samoɛl 2:26

Samoɛl nao dɛ ɡee kpeɡ, o waa do wer Korowii ne nɛwɛnyini bwa be.

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

2 Timoti 3:15

He bechale saŋ bwaa he le jemɛ Korowii Tɔn bini waa aa dɛ ba wona ɡel he dɔ wejema, dɛ che yarada haa dɛ yarada Yeesu Kristo la ta Korowii lɛɛ.

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

1 Koranar 18:11

Taraken he dɛ nyin ń la ka ŋɔ o be ŋɔ he lɔ bonɔ kɛɛ?

1 Samoɛl 16:2

Anee Samoɛl ŋɔ, “Dɛ n laŋɔ Kooro Sɔɔl noɔ kɛ n ba bela aa, wɛɛ kpo mɛɛ.” Anee Korowii ŋɔ, “Lawɛ nalor ásɛ he laŋaa, he ŋɔ he dɛ ba ba kpo ɛ saraha tɛ men Korowii.”

Yela 71:5

Dɛkalkɛ Nemenɛ Korowii, he nɛɛ mɛɛ hwɛɡɛ, n kpɔ n te dawɛ he nɛ, dɛ le n bechale saŋ bwa.