1 Koranar 17:18 - mzwDBL

¹⁸ Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

1 Koranar 17:18 ပူးပေါင်းရင်းမြစ်များ

Amanesoma Luk Aa Chwera Tɔn 5:8

Seemɔn baa bera dɛɛ yerɔ Pita aa na a ɡɛ waa nɔ la, o kaa ɡuŋi Yeesu sie dɛ ŋɔ, “Oo, n Dɔɔ, wechɔɡ-ɛɛree men! N poori, le n be.”

Amanesoma Luk Aa Chwera Tɔn 4:34

“Aa! Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ waa ŋɔa ŋɔ o dɛ ba bala la.”

2 Koranar 3:13

Anee Elaesa ŋɔ Israel Kooro Joram be ŋɔ, “Bɔkwa waa nee he ba dɛɛ nyin ń chae nɔ? La keamere he nya ne he mɛɛ aa la ba be la be.” Kooro Joram ŋɔ, “Akai! Korowiirii yerɛ ya koranar batoro nɔ bonɔ, dɛ kpɔ yaa ba do Moab laa tena nɔn ta.”

Amanesoma Jɔn Aa Chwera Tɔn 2:4

Anee Yeesu bɔɔ o nya ŋɔ, “N nya, aah ɛrɛ waa he berɛ dɛɛ nyiŋi n te siwi ta nɔɔ? Gɛ saŋ maa dɛ ba n toma ɛɛ la ta tele mɔɔ.”

2 Samoɛl 16:10

Ate, kooro ŋɔ, “Abisae ne Joab, bɔkwa waa n ne he dɔ ɛɛ yɔ? Dɛ Korowiirii ŋɔa Abisae taah men Devid aa, umee dɛ́ won bɔɔ ŋɔ ɛrɛ waa wɛɛ ɛ ken ɔ?”

Amanesoma Luk Aa Chwera Tɔn 8:28

Gɛ baa nɔ aa na Yeesu la, o chwao dɛ ba ɡuŋi o sie, dɛ kpɔ takpeɡ ŋɔ, “Yeesu, Nemenɛ Korowii Bie, bɔkwaa hɛɛ nyin n be nɔ? N dɛ soŋe, bɛ men weweele do.”

Amanesoma Mak Aa Chwera Tɔn 6:16

Belaa Kooro Hɛrɔd aa no waa nɔ la, o ŋɔ, “Jɔn maa ɡela ba teŋe o nyu la weero.”

Amanesoma Mak Aa Chwera Tɔn 5:7

dɛ kpɔ takpeɡ ŋɔ, “Yeesu, Nemenɛ Korowii Bie, bɔkwaa hɛɛ nyin n be nɔ? N kpɔ Korowii dɛɛ soŋe, bɛ men weweele do.”

Job Tɔn 13:26

He chwerɛ n bwara waa aa wola were, hale anɔ la maa ɛa n bonɔɔne saŋ.

Job Tɔn 13:23

Keraŋwɛnɛɛ n ɛ wechɔɡa dɛ koni waa ta nɔ? Gel ń jemɛ waa maa koni a ta.

2 Webena 35:21

Kɛ Kooro Neko kpɔ kala tɛ Juda Kooro Josia ŋɔ, “Juda kooro, n ne he laa dɛɛ yo laa nɔ, n ne n dɔmaa mɛɛ ba dɛ́ ba yoo ba, asɛ Korowii ŋɔ ń ɛ warane, o cheɡɛ n mun ta, anomanta, bɛ men tɔŋle, ásɛ o ba kpoe.”

1 Koranar 18:9

Obadia ŋɔ, “Wechɔɡa besoo n ɛ asɛ he le men maa ɛ he bonɔɔ dɛɛ tɛ Kooro Ahab ó kpo mɛ nɔɔ?

1 Koranar 13:1

Awola bɛl, Korowii ɡelɔ o keame bɛl le Juda harɛ dɛ kaa Bɛtel. Dɛ Kooro Jɛroboam lɔ kon baa ɛ saraha o ta la bɔr dɛɛ ba saraha ɛɛ.

2 Samoɛl 19:22

Anee Kooro Devid chaŋe ŋɔ, “Seruya bii, bɔkwa waa n ne he dɔ ɛɛ yɔ? He nyin wa ba dawɛ n nɛ, dɛ berɛ n dɔma! A chɛ kɛ bá lawɛ nɛn kpo Israel harɛ ta fini ɡɛ naa? N laa kooro Israel harɛ ta taraken nɔ naa?”

1 Samoɛl 16:4

Samoɛl ɛ ɡɛ Korowii aa baɡlo la bwa. Waa tel bwɛjen Bɛtlɛham la, bwɛɛ la nomonome ɔmɔ, dɛ kpɔ bochechela ka chemo dɛɛ bɔɔro ŋɔ, “Deŋnesɔɔhna nee he ba tenaa?”

Mumpar 50:17

o ŋɔ ya ŋɔ he be ŋɔ, ‘Hé kpɔ ya wechɔɡa yaa ɛɛ la bwa kɛ yaa. Ya dɛ soŋe, kpɔ ya wechɔɡa kɛ yaa. Kpɔ Korowii he mɛɛ aa tomɔ la bonɔɔna wechɔɡa kɛ yaa.’ ” Waa la aa tel o be la, o wio.

Mumpar 50:15

Josef mɛɛ aa sewa la, o dɔɔranar la ŋɔ, “Dɛ Josef ŋɔ wɛɛ hah yaa dɛ́ bɔ yaa ya wechɔɡa yaa ɛo la kem sɛ?”

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

Nɛra Kura 5:15

a chɛ kɛ báa la kpɔ o haah la la sɔfo be, dɛ́ che haah la naa ta, dɛ́ nyin men aa kpera kuruwa beŋkpoŋ, dɛ bɛ noo kɛɛ daawiile a sɔɔh aa soma baa dɛ fuah a ta do, dɛkalkɛŋɔ a ɛ mea saraha dɛ tɛ meera. A ɛ saraha aa dɛ baɡle kɛ nɛn di bolchɔɡe kɛɛ o ta bolchɔɡe dii.

1 Koranar 12:22

Dɛ Korowii bol o keame Sɛmaya be ŋɔ,

1 Koranar 17:17

A baa tel saŋ bɛl luhaah la bibaa bwara ɛɛ weo. A baa ɡwaa asɛ o sewɛ.

1 Koranar 17:19

Elaeja ŋɔ, “Kpɔ he bie la ba tɛ mɛ,” dɛ lɛ bie la o be, dɛ kpɔɔ kaa abrɔsane doa dea o ɡbaɡba Elaeja aa soɡa la, dɛ kpɔɔ ka bil mpa ta.

1 Koranar 20:28

Belaa Korowii keame la la Israel Kooro Ahab be dɛ ŋɔ Korowii ŋɔ, “Siiria tena dɛ lii kɛŋɔ men Korowii lɔ deŋɡarere ta, n toole harɛre aa chɔa kaa ta nomanta, mɛɛ kpɔ laa tena damanta nɔɔ do he nɔn taa, ásɛ he jemɛ kɛŋɔ menee Korowii.”

Mumpar 44:16

Anee Juda chaŋe ŋɔ, “N dɔɔ, ɛrɛɛ yaa ba he be bola ɔ? Ɛrɛɛ yaa ba wona tɔŋle ŋɔ ya laa ɔ? Ɛrɛɛ yaa ba wona ŋɔ ya waa dɔ kasinteŋ kpa ɔ? Korowii le ya mun ne. Taraken naate baa na numol nɔ o be ɡbo laa dɛ́ ɛ he yom, ya bwa ɛɛ ɛ he yomaa.”

Sitɔɔla 13:6

Asɛ haah la la o jaa be ka ŋɔ, “Korowii nɛn bɛl ba n be. O le Korowii nyundua torome, o ɔma kɛrɛdɛ. N ta on bɔɔrɛ bela waa lea, o ta men o sɔn ɡe baɡlɛ.

2 Koranar 1:9

Ate, kooro la tomɛ o laa sitɔɔ, dɛ laa tena fifraanue ŋɔ bá ka kpɔ Elaeja ba. Dɛ Elaeja soɡe deŋɡare bɛl doa, asɛ laa sitɔɔ la la o be dɛ ka ŋɔ, “Korowii keame, kooro ŋɔ he tu ba o be he ne ó bol wa.”