1 Koranar 17:12 - mzwDBL

¹² Anee haah la ŋɔ, “N ŋwɛɛ Korowii haa dɛ tomɔ o do le saŋ bɛlbwa kɛŋɔ n ta paanoo dɔe, men tama ne noo tama anee ka vii bini, n ba dɛɛ ba ba nyin daa dɛ́ ka ɛ n ne n bie di. A habɔɔ dɛ́ so lɔr sewɛ.”

1 Koranar 17:12 ပူးပေါင်းရင်းမြစ်များ

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

Mumpar 21:16

asɛ dɛ kaa ɡelo dɛ ɛ naɡale lafa del dɛ ka so. O lii o nyu bini ŋɔ, “Maa won che nyiŋi, ásɛ n bie sewɛ n siwi ta.” O soɡe bela dɛ wi kohona.

Wiile 4:9

Banɔ la baa sewɛ laa ta la, bɔ banɔ la lɔr aa kpoo ba. Kondikwa bɛ toole waa lɔr kpoo ba.

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Jeremia 5:2

A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

2 Samoɛl 15:21

Anee Itai chaŋe kooro ŋɔ, “N ŋwɛɛ Korowii waa lole saŋ bɛlbwa ne n dɔɔ kooro o ta aa soɡe le kɛŋɔ, bobɛlbwa n dɔɔ kooro aa kaa, dɛ sewee kɛɛ mkpaa yoo, belaa men maa ɛ o bonɔɔ ɡe ɛɛ ba doe.”

1 Samoɛl 26:10

Dɛ berɛ ŋwɛɛ ŋɔ, “Korowii aa lole nɔ, dɛ o seo tɔpere ta tele o sewɛ, kɛɛ o sewɛ laa ta naa, Korowii ɡbabirii dɛ́ kpoo.

1 Samoɛl 25:26

Taraken, Korowii aa lɛɛ le nɛra kpoora dɛ tɔ wel ta nɔ, n ŋwɛɛ Korowii waa lole saŋ bɛlbwa asɛ he ɡe so le nɔ, ó ɡel he dɔma baa dɛ nyini dɛ́ kpo la do kɛŋɔ Nabal ken.

1 Samoɛl 20:21

Mɛɛ tomɛ n bonɔɔnee dɛ́ ŋɔ, ‘La ka ɡaaɡe hɛma la bɔr.’ Dɛ n ŋɔ o be ŋɔ, ‘Na, hɛma la lɔ he baŋ bonɔ, kpɔa ba bonɔ naa,’ a dɛ baɡle kɛ he dɔ he nyu name, ásɛ he le ba. N ŋwɛɛ Korowii kɛŋɔ dɛ ɔmee bɛlbwa toole kpa.

1 Samoɛl 20:3

Anee Devid ŋwɛɛ ŋɔ, “He mɛɛ jemɔ kɛŋɔ n dɛ nyin he wa, asɛ o lii o nyu bini ŋɔ, ‘Jonatan ta chɛ kɛ ó jemɛ ɡɛ waa nɔ, ɡɛ laa aa, o bambile ɛɛ chɔɡoo.’ N ŋwɛɛ Korowii waa lole saŋ bɛlbwa nɔ kɛŋɔ, n ne seo baah aa jaŋɛ kpa.”

1 Samoɛl 14:45

Kɛ nɛra la ŋɔ o be ŋɔ, “Jonatan aa cheɡɛ o nɛɛ Israel tena bwa dɔ lɛɛ nɔ chɛ kɛŋɔ ó sewaa? Akai, ya ŋwɛɛ Korowii waa lole saŋ bɛlbwa kɛŋɔ, nomɛlbwa aa won ɛo wobɛlbwa, dɛkalkɛ Korowiirii chao o won ɛ waa waa ɛa fini nɔ.” Gɛɛ a do nɛra la lɛ Jonatan ba ta on kpoe.

1 Samoɛl 14:39

N ŋwɛɛ Korowii waa ɛ Israel tena Lɛɛ la kɛŋɔ, hale dɛ n bibaa Jonatan ɛ wechɔɡa ane kwaraa naa, a chɛ kɛ ó sewɛ.” Kɛ ba bini bɛlbwa ta waane bolɛ.

Matiu 26:7

Yeesu aa lɔ dem bela dɛɛ di kwaa la, haah bɛl kpoŋe nosɔɔhsoma ane a yoɡ aa kpeɡa a su loŋ bɛl dɛ ba o be, asɛ dɛ ba fuɡe do Yeesu nyu ta.

Mumpar 21:15

Pur bini nee la baa tonɛ o kpɔ bie la ka bil dajeɡa bɛl lɔɡa,

1 Koranar 17:11

Haah la aa dɛ kaa ka ɛ nee la, Elaeja berɛ ŋɔ, “Mɔn paanoo tama ja ba tɛ mɛ.”

1 Koranar 17:13

Anee Elaeja ŋɔ, “Bɛ ɡel a we he nɛ, he te kaa dɛ́ ka ɛ he kondikwaa la. Kɛ tɔ sie ɛ ane ba tɛ mɛ mɔɔ, dɛ́ ɛ he ne he bie la kwa.