1 Koranar 16:9 - mzwDBL

⁹ Kooro Ɛla bonɔɔ bɛl baa dɛ yerɔ Simri, dɛ onee dɛɛ nyiŋi kooro kwaa aa do kɛŋɔ torɔɡore ba vɔwɛ dɛɛ pɛl jaɡre ane ta. O ɛ kooro dɔm. Dɛ Kooro Ɛla lɔ nomoa bɛl baa dɛ yerɔ Arsa dem dɛ nyɔ sen dɛɛ. Dɛ Aasaa dɛɛ nyiŋi koodem waa lɔ bwɛjen Tirsa ta.

1 Koranar 16:9 ပူးပေါင်းရင်းမြစ်များ

Mumpar 15:2

Anee Abram ŋɔ, “Nemenɛ Korowii, bɔkwa konee hɛɛ ba kpɔe tɛ mɛ ó ɡwaa kɛŋɔ maa wola bie lolɛ bwa nɔɔ? N bonɔɔ Eliesa waa le Damaskɔs laanee dɛɛ ba n kapɛrɛ dii.

Mumpar 24:10

Belaa bonɔɔ la kpɔ o nomoa nyoɡmare fi, dɛ kpɔ nomoa la laaladɛɛɡa bwa soo siwi ja, dɛ chiɡ ŋwɛnɛ ta kaa Neehɔ bwɛ, Mɛsopoteemea harɛ ta.

Mumpar 24:2

Asɛ o ŋɔ o bonɔɔna bwa nomoa waa dɛ nyiŋi o komɛlbwa ta dem bela la be ŋɔ, “Gɔɔ nɔɔra nyundua,

Mumpar 39:4

Anomanta, Pɔtefa sie lɛ o nɛ asɛ dɛ kpɔɔ ɛ o bonɔɔ, dɛ ɡel wɛɛ nyiŋi o dem ne o komɛlbwa waa dɔa ta.

Mumpar 39:9

Nomɛlbwa toole dɛ dɔ kpeɡri n nɛɛ dem bonɔ nemenɛ on. O ta komɛlbwa ɡe waa lɔ dem bonɔ kpɔe sɔɔh mɛ, nemenɛ he ɡbosoroo dɛkalkɛ o haahnee hen. Ɛrɛɛ mɛɛ ba wona ɛ a ɡɛ wechɔɡa nɔ dɔŋa dɛ́ jo Korowii nɛɔ?”

1 Koranar 15:27

Dɛ Kooro Ahija bibaa Kooro Baasa le Isaaka dea, o vɔrɔwe Kooro Nadab vɔrɔwa, dɛ kpoo Filisti tena bwɛɛ baa dɛ yerɔ Gebɛtɔn ta. Dɛ Kooro Nadab ne Israel tena kaa bar Gebɛtɔn tena dɛ tɔ ba do.

1 Koranar 16:10

Ate, Simri ka jo koodem bela dɛ lɔ Kooro Ɛla kpo, dɛ kpɔ kora la di. Bene fifraanɛ dɛ anuanɛ ta Kooro Asa aa di kora Juda harɛ taa o kpoo.

1 Koranar 16:8

Kooro Asa aa di kora Juda harɛ ta bene fifraanɛ dɛ anumɛl taa Kooro Baasa bibaa Ɛla di kora Israel harɛ ta. O soɡe Tirsa bene anɛ.

1 Koranar 18:3

Anee Kooro Ahab yerɛ baa bɛl waa dɛ nyiŋi o koodem ta baa yerɔ Obadia. Dɛ Obadia dɛ yarada Korowii dɛɛ tomɔ kɛrɛdɛ.

1 Koranar 20:12

Kooro Bɛn Hadad aa no ɡɛ waa la, dɛ o ne o koranar soɡe ba tɛnte deene lɔɡre dɛ nyɔ sen dɛɛ lɛ ba sie. Asɛ o ŋɔ o laa tena la be ŋɔ, “Hé kpɔ he te dɛ́ ka yo.” Anomanta, ba iro kpɔ ba te dɛ ka yo bwɛjen Samaria.

1 Koranar 20:16

Laa tena la leɔ webaŋa, ɡɛ saŋ wee aa cheɡɛ nyufala. Dɛ Kooro Bɛn Hadad ne o koranar fifraatoro dɛ banɛ baa ja o nɛɛ soɡe ba tɛnte deene bini dɛ nyɔ sen dɛɛ dɛɛ.

2 Koranar 12:20

O nomonome vɔrɔwe o vɔrɔwa dɛ ɛo dɔm, dɛ kpoo Bɛt Milo, o chɔ ŋwɛnɛ waa chɔa kaa bwɛɛ bɛl baa dɛ yerɔ Sila.

2 Koranar 15:10

Asɛ Jabes bibaa Salum vɔrɔwe o vɔrɔwa, dɛ kpoo nɛra o siwi ta Ibleam, dɛ kpɔ kora la di.

2 Koranar 15:25

Anee Remalia bibaa Pɛka waa ɛ Kooro Pɛkahea laa nomoa vɔrɔwe Kooro Pɛkahea vɔrɔwa, dɛ kpɔ Gelead tena fifraanue ja o nɛ. Ba kaa kpo Kooro Pɛkahea ne baala bane baa dɛ yer ba Aaɡob ne Arie, koodem bela waa ma danjwɛkpeɡ baro bwɛjen Samaria. Asɛ dɛ chiɡ o naa ta di kora.

2 Koranar 15:30

Ussia bibaa Kooro Jotam aa di kora Juda harɛ bene fifraanɛ taa Ɛla bibaa Hosia vɔrɔwe Remalia bibaa Kooro Pɛka vɔrɔwa dɛ kpoo. O chiɡ o naa ta dɛ di Israel harɛ ta kora.

2 Koranar 9:14

Anomanta, Jehosafat bibaa Kooro Jehu, o nabaa aa ɛ Nimsi la vɔrɔwe Kooro Joram vɔrɔwa dɛ ɛo dɔm. Dɛ Kooro Joram ne Israel tena bwa fa lɔ Ramɔt Gelead, ba ne Siiria Kooro Hasael ne o laa tena ɛɛ yo.

Sɛɡla 31:4

Lɛmoɛl, a ta chɛ kɛŋɔ koranar nyɔ seŋkpeɡa, a ta chɛ kɛŋɔ ba pɛla do a ta.

Jeremia 51:57

Mɛɛ ɡeloo o koranar ne nomonome, ne wejerema dɛ laa tena, nyɔ sen dɛɛ. Baa chɔ domii baa wola won ir kpa. Men Koranar Bwa Kooro maa ɛ Kooro laanee bola.”

Daneɛl 5:30

Awola jwaana la tentenee ba kpo Babelɔn Kooro Bɛlsasa,

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,