1 Koranar 16:30 - mzwDBL

³⁰ Kooro Ahab ɛ wechɔɡa dɛ jo Korowii nɛɛ ɡwaa koranar baa tɔ sie la.

1 Koranar 16:30 ပူးပေါင်းရင်းမြစ်များ

1 Koranar 16:25

Kooro Omri ɛ wechɔɡa dɛ jo Korowii nɛɛ ɡwaa koranar baa tɔ sie la bwa.

1 Koranar 21:25

Nomɛlbwa toole o siwi swɛɛ wechɔɡa ɛɛ Korowii siwi ta kɛŋɔ Kooro Ahab waa teŋɛ o haah Jɛsɛbɛl nyoa wobol ta la.

1 Koranar 14:9

He ɛ wechɔɡa kohona dɛ ɡwaa banɔ la baa tɔ he sie bwa. He ɛ voɡa, dɛ kpɔ kwaa ɛ voɡa muɡli n baah, dɛ berɛ habɔɔ kpo mɛ.

2 Koranar 3:2

Kooro Joram ɛ wechɔɡa dɛ jo Korowii nɛ, kɛ dɛ a ta do kɛ anɔ la o mɛɛ ne o nya Jɛsɛbɛl aa ɛa la. O le voɡ Baal o mɛɛ aa cheɡo dɛɛ tomɔ la ne.

1 Koranar 16:33

O pa voɡ Asera dajaŋ. O ɛ wechɔɡa dɛ muɡli Korowii Israel tena aa dɛ tomɔ la baah ɡwaa ɡɛ Israel koranar baa tɔ sie la aa ɛa.

1 Koranar 16:31

O ta ɡelɛ a jaɡɛ bela dɛ ɡe ɛ Nɛbat bibaa Kooro Jɛroboam wechɔɡa la dɔŋa. O berɔ mo Sidon Kooro Etbaal bihaah Jɛsɛbɛl dɛ pa mun dɛɛ tomɛ voɡ Baal.

1 Koranar 16:29

Kooro Asa aa di kora Juda harɛ ta bene fifraatoro dɛ anuatoro taa Kooro Omri bibaa Kooro Ahab di kora Israel harɛ ta. O di kora Israel harɛ, dɛ so Samaria bene fifraanɛ dɛ anɛ.

1 Koranar 22:53

O tomɛ voɡ Baal dɛ ɡuŋu, dɛ muɡli Korowii Israel tena aa dɛ tomɔ la baah ɡɛ o mɛɛ aa ɛa la.

2 Koranar 9:22

Kooro Joram aa na Kooro Jehu la, o bɔɔro ŋɔ, “Kooro Jehu, a somaa?” O chaŋe ŋɔ, “Ɛrɛɛ deŋnesɔɔhna ɛɛ ba wona do le nɔ? He nya Jɛsɛbɛl ɡelɔ nomɛlbwa ɛɛ tomɛ voɡa dɛɛ ɛ sɔm we-ɛɛla.”

2 Koranar 17:2

Kooro Hosia ɛ wechɔɡa dɛ jo Korowii nɛ, kɛ o wechɔɡa la ta Israel koranar baa tɔ sie la kwaa baa ɛa la tele.

2 Webena 21:13

He teŋɛ waa Israel koranar aa ɛa la ta, a che a ta Juda ne Jerusalam tena kaa tomɛ voɡa, ɡɛ Kooro Ahab ne banɔ la baa di kora o habɔɔ aa ɛa la. Hale he berɔ kpoo he nimanar ba waa aa wera ɡwaale la.