1 Koranar 15:14 - mzwDBL

¹⁴ A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

1 Koranar 15:14 ပူးပေါင်းရင်းမြစ်များ

1 Koranar 22:43

Kooro Jehosafat ɛ ɡɛ o mɛɛ Kooro Asa aa ɛa wobɛlbwa ta, o ta an ɡelɛ. O ɛ waa aa toɡra Korowii be. Deŋɡarere voɡtoroma aa dɛ kpoo kwaa a ta la te, o ta an chɔɡɛ, ba ta teŋɛ kpoo kwaa dɛɛ fuh daawiile a sɔɔh aa soma bela.

1 Koranar 15:3

O ɡe ɛ o mɛɛ wechɔɡa la dɔŋa. O ta o bambile bwa kpɔe tɛ Korowii waa dɛ tomɔ kɛŋɔ o nabaa Kooro Devid aa ɛa la.

1 Koranar 8:61

N dɛ soŋe kɛ he nɛra haa dɛ tomɛ Korowii ɛɛ di kasinteŋ dɛɛ valɛ o Mmarare ne waa waa do heyaa la ta ɡɛ aa doa fini nɔ.”

2 Koranar 12:3

Kɛ Kooro Joas ta ɡelɛ ba chɔɡ bɔra voɡtoroma aa dɛ tomɛ ba voɡa, asɛ ba ta teŋɛ ɛ sarahare dɛɛ fuh daawiile a sɔɔh aa soma bela.

2 Webena 14:5

O chɔɡ bela baa dɛ tomɛ voɡa, ne kwaa baa dɛ fuh daawiile a sɔɔh aa soma a ta bwa Juda harɛ bwɛjen bɛlbwa ta, asɛ deŋnesɔɔhna do harɛ la ta o bere saŋ.

2 Webena 14:3

O le harɛre ane kwaa baa dɛ ɛ saraha a ta, ne bela baa dɛ tomɛ voɡa deŋɡarere ta bwa ne. O paɡre bwea baa paaɡa dɛɛ duura, dɛ teŋe voɡhaah Asera dajaŋa ta.

2 Koranar 14:4

O ta ɡelɛ ba chɔɡ bɔra baa dɛ tomɛ voɡa la, asɛ ba ta kpoo kwaa dɛɛ ɛ sarahare, dɛɛ fuh daawiile bela.

2 Webena 25:2

Kooro Amasea ɛ waa aa too Korowii tea, kɛ dɛ o bambile bwa ne laa.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

2 Koranar 15:4

O ta bɔra voɡtoroma aa dɛ ɛ sarahare la chɔɡɛ. Dɛ nɛra la teŋɔ kpo kwaa dɛɛ ɛ sarahare dɛɛ fuh daawiile a sɔɔh aa soma bela.

1 Koranar 11:4

Waa baa hwɛɛh la, haahna la berɛ o liire kaa voɡare toma ta. Dɛ o bambile toole Korowii waa dɛ tomɔ nɛɛ kpa kɛŋɔ o mɛɛ Kooro Devid fa aa ɛa la.

1 Koranar 3:2

Baa wola Korowii Dea mae mɔɔ la, dɛ deŋɡarere taa baa ɛ sarahare.

1 Koranar 3:3

Kooro Solomɔn teŋɛ waa o mɛɛ Kooro Devid aa ŋɔa la ta, dɛ baɡle nyina waa dɛ nyin Korowii, kɛ dɛ deŋɡarere baa dɛ tomɛ voɡa doree o ɡe ɛɛ fuh konsɔɔhsoma dɛɛ ɛ sarahare.