1 Koranar 14:9 - mzwDBL

⁹ He ɛ wechɔɡa kohona dɛ ɡwaa banɔ la baa tɔ he sie bwa. He ɛ voɡa, dɛ kpɔ kwaa ɛ voɡa muɡli n baah, dɛ berɛ habɔɔ kpo mɛ.

1 Koranar 14:9 ပူးပေါင်းရင်းမြစ်များ

Ɛsekeɛl 23:35

Kenii men Nemenɛ Korowii ɛɛ bol hen Oholiba be. Haa soh n waa dɛ berɛ habɔɔ kpo mɛ nomanta, hɛɛ dɔ deŋnetɛra he pɛlchɔɡa ne he jwamane la waa.”

Yela 50:17

He hah waa maa do heyaa a ta la, dɛ kpɔa ta habɔɔ.

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

2 Webena 11:15

Kooro Jɛroboam le o ɡbaɡba kerekpoŋra ba so voɡa ta, dɛɛ tomɛ daabii ne nabali, dɛ voɡa waa sɛah la.

1 Koranar 12:28

O ja o te, dɛ kpɔ suuɡaswɛm ɛ nabali anɛ. Dɛ ŋɔ Israel tena la be ŋɔ, “He bɛ he te koh dɛɛ la Jerusalam kpa. He voɡa aa cha heyaa he won le Ijipt harɛ ta he naawa bere saŋ ba laanee la.”

Kaala 34:17

He bɛ buni bɛlbwa kpɔ ɛ voɡ dɛɛ tomɔ.

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?

Ɛsekeɛl 8:17

Korowii berɔ ŋɔ n be ŋɔ, “Nɛwɛnyini bie, he na anɔ kenɛ? Juda tena dɛ ɛ waa maa kia la, a ɡbo ta ba ne maɡrɛ, ba berɔ kpɔ naɡrenyin we-ɛɛla perɛ bwɛɛre la bwa, dɛɛ muɡli n baah, dɛɛ chɛɡ mɛ kohona.

Ɛsekeɛl 8:3

O tɛr komɛl kɛŋɔ nɛn nɔn dɛ lawɛ n nyumpona, asɛ Korowii Doma ɡɔɔ mɛ n do harɛ ne nyundua baah ta. A ɡɛ wepila nɔ ta la, Korowii kpɔ mɛ kaa Jerusalam o Dea la dembaah doonyoa waa lɔ weekaŋle nyundua pera, dɛ voɡ Korowii aa kiu kɔkɔkɔkɔ lɔ bela.

Yela 106:29

Ba we-ɛɛla ɡelɔ hen Korowii baah di, asɛ he ɡel weechɔɡa ba le ba nɛ.

Yela 78:40

Keraŋwɛnɛ bwaa ba ɛ deŋnekpeɡ o nɛ, pua hɛŋle ɡbo harɛ ta, dɛ teŋɛ ɡel o bambile chɔɡ.

Yela 78:56

Kɛ ba ɛ Nemenɛ Korowii deŋnekpeɡ, dɛ daahno na, ba vɛh o Mmarare ta teŋa.

2 Webena 33:6

O kpoo o bibaala, dɛ fuuh ba ɛ saraha Henɔm Fɛlembɔjen bini. O ɛ sɔm we-ɛɛla, dɛ voɡɛ dɛ yerɛ lala, dɛ la tɛɡre tena be. O ɛ wechɔɡa taeh, dɛ jo Korowii nɛɛ dɛ ir o bandia kohona.

2 Koranar 23:26

Kɛ ane a bwa, Korowii bandichɔɡe waa lɔ Juda harɛ ta tena nɛɛ la, dɛ o ta sɔɔhnɛ, Kooro Manasɛ waa waa ɛa dɛ kpɔ ir o bandia la wa.

2 Koranar 21:3

Kooro Manasɛ kwaarɔ cheɡ voɡa o mɛɛ Kooro Hɛsɛkea aa paɡra bela voɡtoroma aa dɛ tomɛ la, dɛ berɛ ɛ kwaa baa dɛ ɛ saraha a ta tɛ voɡbaa Baal, dɛ paaɡe voɡhaah Asera dajaŋa, ɡɛ Israel Kooro Ahab fa aa ɛa la. O berɔ tomɛ kwaa aa lɔ nyundua kɛŋɔ wee ne korobie dɛ weweela bwa.

1 Koranar 16:31

O ta ɡelɛ a jaɡɛ bela dɛ ɡe ɛ Nɛbat bibaa Kooro Jɛroboam wechɔɡa la dɔŋa. O berɔ mo Sidon Kooro Etbaal bihaah Jɛsɛbɛl dɛ pa mun dɛɛ tomɛ voɡ Baal.

1 Koranar 15:34

O ɛ wechɔɡa dɛ jo Korowii nɛ, o kpɔ Kooro Jɛroboam ŋwɛnɛ la ta, ɡɛ waa ɡela Israel tena ɛ wechɔɡa la.

1 Koranar 14:22

Juda harɛ ta nɛra ɛ wechɔɡa dɛ jo Korowii nɛ, a che a ta Korowii bandia ir ba nɛ. Dɛ ba kwaa la ɡwaa anɔ la ba naawa aa ɛa la kwara.

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

Sitɔɔla 5:8

Gɛ saŋ Israel tena aa dɛ tomɛ voɡa la, laa ba bwɛɛre la ta. Baala kaɡboŋa fifraanaarɛ baa lɔ harɛ la ta, bɛlbwa ta lampea kɛɛ dɔmkon bɛlbwa kpoŋe.

Mmarare 32:21

Ba ɡelɔ mɛɛ meeh voɡa aa wola tɔnɔ dɔe hɛɛ toma la, n bwaawee ir ba voɡpuune nɛ. Anomanta, mɛɛ ɡeloo he dɔ bɔweela nɛra baa wola ban kure dɛɛ ja n nɛra nɛɛ la nɛ, dɛ́ ɡel he bwaawee ir harɛ o nɛra aa ɡɛna nɛ.

Mmarare 9:24

Le ɡɛ saŋ maa jemɛ heyaa bwaa he le ɛ Korowii lwɛmkpeɡ.

1 Koranar 15:29

Kooro Baasa aa baa di kora la, o kpoo Kooro Jɛroboam dem tena bwa. O ta Kooro Jɛroboam nɛn bɛlbwa ɡelɛ o so le, o kpoo ba bwa, ɡɛ Korowii aa cheɡɛ o keame Ahija waa ɛ Silo te nɛɛ dɛ bol la.

1 Koranar 16:25

Kooro Omri ɛ wechɔɡa dɛ jo Korowii nɛɛ ɡwaa koranar baa tɔ sie la bwa.

1 Koranar 16:30

Kooro Ahab ɛ wechɔɡa dɛ jo Korowii nɛɛ ɡwaa koranar baa tɔ sie la.

1 Koranar 16:33

O pa voɡ Asera dajaŋ. O ɛ wechɔɡa dɛ muɡli Korowii Israel tena aa dɛ tomɔ la baah ɡwaa ɡɛ Israel koranar baa tɔ sie la aa ɛa.

2 Koranar 3:3

Dɛ o teŋɔ dɛɛ ɛ Nɛbat bibaa Kooro Jɛroboam wechɔɡa waa ɛa, dɛ ɡel Israel tena ɛ wechɔɡa dɛ jo Korowii nɛɛ la ane.

Yela 78:58

Ba kpɔ bela baa dɛ tomɛ ba voɡa dɛɛ muɡli o baah, dɛ kpɔ ba voɡa dɛɛ ir o bwaawee.

Jeremia 7:18

Ba bechale cheɡɛ damara ba bil, ba mɛɛnanar ɛɛ mar nii, asɛ haahna kpɔ noo koo men ta, dɛ charama dɛ wɔɔra kɛŋɔ paanoo, dɛɛ tɛ ba voɡ baa dɛ yerɔ Nyundua Haŋkooro la. Ba berɔ fuɡe sen dɛ kpɔ ɛ sarahare tɛ voɡare ane ɡe, dɛ kpɔ dɛɛ muɡli n baah.

Jeremia 32:18

He baɡle he nyina nɛra kaɡboŋa nɛ, kɛ he berɔ dɛɛ tɛr nɛra deŋne ba mɛɛnanar wechɔɡa baa ɛa wa. He kan dɛ do kpeɡri, henee Koranar Bwa Kooro.

Lewi Dea Tena 19:4

He bɛ he liire charɛ dɛ́ kaa tomɛ voɡa kɛɛ dɛ́ kpɔ bune ɛ voɡa dɛɛ toma. Menee Korowii haa dɛ tom mɛ la.

1 Koranar 15:30

Gɛ waa nɔ chiɡo dɛkalkɛ Kooro Jɛroboam ɛ wechɔɡa dɛ ɡel Israel tena ɡe ɛ wechɔɡa, dɛ muɡli Korowii Israel tena aa dɛ tomɔ la baah.

Nehemia 9:25

He nɛra yoo dɛ pɔ bwɛjena baa ma danjwɛkpeɡa bara nɛ, ne harɛpare ondɛɛɡe, ne deremi kondɛɛɡa bwa soo siwi aa lɔ a ta, ne bɔɔne baa kwia a won nee lɛɛ, ne ɡrepo daa kooni ne ɔleve daa kooni, dɛ daa baa dɛ di a nɔna bwa soo siwi aa wara. Ba diu vaɡre dɛ je, ba sie lɛ kondɛɛɡa kohona haa tɛɛ ba la wa.

Jeremia 7:26

Kɛ he ta deŋne cheɡɛ dɛ no n be. Hale he bambile berɔ do kpeɡri dɛ ɛ deŋnekpeɡ tena kohona ɡwaa he naawa.