1 Koranar 14:6 - mzwDBL

⁶ Korowii keame Ahija aa no Kooro Jɛroboam haah la nakpale sii o doonyoa la, o ŋɔ, “Kooro Jɛroboam haah dɛ ba. Ɛrɛɛ he beɡre he te ɡɛ nɔɔ? N dɔ waane dɛ bol he be, kɛ a ta amanesoma ɛɛ.

1 Koranar 14:6 ပူးပေါင်းရင်းမြစ်များ

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Amanesoma Mak Aa Chwera Tɔn 14:21

Men Nɛn Bie la ɛɛ sewɔɔ ɡɛ Korowii Tɔn aa baɡla kɛŋɔ mɛɛ ɛo la. Kɛ naate waa yoɡ mɛ tɛ bá kpo mɛ la, ó bwɛɛlɛ! Ba fe ta on lolɛ kwaraa fe bɔ!”

Yela 33:10

Korowii chɔɡ harɛre nɛra vɔrɔwa baa vɔrɔwa, o lɔ waa baa dɛ vɔrɔwe bwa ta.

Job Tɔn 5:13

O ɡelɔ nɛra baa dɛ lii kɛŋɔ ba jemɛ waa la ɡbaɡba liire ɛɛ laɡ ba, wobɛlbwa baa ɛ la aa maɡre.

1 Koranar 22:8

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

1 Koranar 20:42

Belaa Korowii keame la ŋɔ o be ŋɔ, “Waa Korowii aa dɛ bol laanee kɛŋɔ, ‘Haa ɡela baa maa kpɔɔ do he nɔn ta ŋɔ o chɛ kpoe, asɛ he ɡel o dɔ bɔr chwa dɛ dɔ o nyu nomanta, hɛɛ kpɔ he nyuu charɛ o kon, ásɛ he laa tena ɡe kpɔ ba nyuune charɛ o laa tena nyuune.’ ”

1 Koranar 14:5

Dɛ Korowii ŋɔ Ahija be ŋɔ, “Kooro Jɛroboam haah dɛ ba he be, o bie bwara dɛ weo wɛɛ ba dɛ́ ba bɔɔre a wa.” Asɛ Korowii baɡlo waa bwa waa bol o be. Kooro Jɛroboam haah la aa bala la, o beɡre o te kɛŋɔ nɛmpɛɛ bɛl ken.

1 Koranar 14:2

asɛ Kooro Jɛroboam ŋɔ o haah be ŋɔ, “Ir dɛ la Silo Korowii keame Ahija be, o lɔ bela. Ka beɡre he te ásɛ ba bɛ jemɛ kɛŋɔ men Kooro Jɛroboam haahnee hen. Onee ŋɔ n be ŋɔ mɛɛ di kora Israel harɛ nɔ taa.

1 Samoɛl 28:18

Haa wola waa Korowii aa doe a ta teŋɛ, he ta Amalɛk tena yoi dɛ kpoo ba kɛrɛdɛ la, a waa Korowii kpɔ waa nɔ ba ta he nɛɛ taraken la.

1 Samoɛl 15:26

Asɛ Samoɛl ŋɔ o be ŋɔ, “N ne haa berɛ kaa. He vɛh waa Korowii aa bola he be, asɛ o vɛɛh kɛŋɔ he ɛ kooro Israel tena nɛ.”

1 Samoɛl 15:16

Ate, Samoɛl ŋɔ o be ŋɔ, “Gel, ásɛ n baɡle waa Korowii aa bol n be dɛ jwaana ne.” Anee Kooro Sɔɔl ŋɔ, “Bol ń no.”

1 Koranar 14:7

La ka ŋɔ Kooro Jɛroboam be ŋɔ Korowii Israel tena aa dɛ tomɔ la ŋɔ, ‘Menee lee le n nɛra Israel tena bini dɛ ŋɔ hɛɛ tɔ ba sie.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.