1 Koranar 14:3 - mzwDBL

³ Kpɔ paanoo fi, ne kwaa baa kpɔ noo koo a ta dɛ wɔɔra la ane, ne tooh loŋ del la o be, ɡɛ bwa aa dɛ ba bie la chiɡa la, wɛɛ baɡlee.”

1 Koranar 14:3 ပူးပေါင်းရင်းမြစ်များ

2 Koranar 4:42

Awola bɛl, baa bɛl le bwɛɛ baa dɛ yerɔ Baal Salisa, dɛ kpɔ meloɡla baa koma le koo ta a bena la, dɛ kpɔ ɛ paanoo fifraanɛ, dɛ kpɔ boyulwɛɛ ane ɡe ja ba tɛ Korowii keame Elaesa. Anee Elaesa ŋɔ, “Kpɔ tɛ n bala Korowii keamere baa pɛa dɛɛ valɛ nɔ bá di.”

1 Koranar 13:7

Ate, Kooro Jɛroboam ŋɔ Korowii keame la be ŋɔ, “Ba ya kaa dem he ka di kwa, ásɛ n berɛ kɛɛ kwa waa haa ɛa nɔ wa.”

Amanesoma Jɔn Aa Chwera Tɔn 11:3

Asɛ o nimambii la tomɛ nɛra ba ka ŋɔ Yeesu be ŋɔ, “N Dɔɔ, he dandɛɛɡe la bwara dɛ weo.”

2 Koranar 5:15

Naaman ne o bonɔɔna la bwa berɔ ba Korowii keame Elaesa be, asɛ Naaman ka che o sie dɛ ŋɔ, “N nao kɛŋɔ Korowii bɛlbwa toole harɛ nɔ ta bobɛlbwa ka ja Israel harɛ ta. N dɔɔ, n poori lɛ koŋkɛɛla he bonɔɔ aa ba a ne ba tɛɛ nɔ.”

2 Koranar 5:5

Kooro la ŋɔ, “Ir, mɛɛ chwerɛ tɔnee tɛɛ he kpɔ ka tɛ Israel kooro.” Ate, Naaman ir kpɔ suuɡapoŋa a tɔɡre aa ɛ kilore lafraatoro fifraanaarɛ, ne suuɡaswɛm kaɡboŋa anumɛl, dɛ yadɛɛɡa bele fi.

2 Koranar 1:2

Awola bɛl, Kooro Ahasia le o abrɔsane waa lɔ Samaria saldoa bobɛl waa kpɔ daa sam o koodem bela, dɛ le ba le harɛ dɛɛ we weela. Asɛ o tomɛ toroma Filisti tena bwɛjen bɛl baa dɛ yerɔ Ekron voɡ Baal Sibab ta ŋɔ bá ka voɡɛ kɛ wɛɛ dɔ o nyuu yaa.

Matiu 26:7

Yeesu aa lɔ dem bela dɛɛ di kwaa la, haah bɛl kpoŋe nosɔɔhsoma ane a yoɡ aa kpeɡa a su loŋ bɛl dɛ ba o be, asɛ dɛ ba fuɡe do Yeesu nyu ta.