1 Koranar 14:16 - mzwDBL

¹⁶ Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

1 Koranar 14:16 ပူးပေါင်းရင်းမြစ်များ

1 Koranar 16:2

“He fa toole wobɛlbwa bini, n lawɛ ba ŋɔ he baa nyiŋi n nɛra Israel tena nɛ, kɛ he kpɔ Kooro Jɛroboam ŋwɛnɛre la ta dɛ ɡel n nɛra Israel tena ɛ wechɔɡa dɛ jo n nɛ, dɛ ɛ wechɔɡa dɛɛ muɡli n baah.

1 Koranar 15:34

O ɛ wechɔɡa dɛ jo Korowii nɛ, o kpɔ Kooro Jɛroboam ŋwɛnɛ la ta, ɡɛ waa ɡela Israel tena ɛ wechɔɡa la.

1 Koranar 15:30

Gɛ waa nɔ chiɡo dɛkalkɛ Kooro Jɛroboam ɛ wechɔɡa dɛ ɡel Israel tena ɡe ɛ wechɔɡa, dɛ muɡli Korowii Israel tena aa dɛ tomɔ la baah.

1 Koranar 13:34

Gɛ wechɔɡa nɔɔ ba Kooro Jɛroboam dem ne o kora chɔɡa ne harɛ nɔ ta.

1 Koranar 12:30

Gɛ waa nɔ ɡelɔ nɛra ɛ wechɔɡa, ba la Dan ne Bɛtel kaa toma.

Tɔn Pɔɔl Aa Chwerɛ Rom Tena 14:13

Aa do ɡɛ nɔ, yá ɡel dɔŋa pwaeh. Waa aa chɛ kɛ yaa ɛ laanee kɛŋɔ ya ɛ ya liire kɛŋɔ waa aa ɡel ya dɔŋa lɔ naa dɛ chole kɛɛ ba ɛ wechɔɡa la, yaa ɡel a ɛɛ.

Matiu 18:7

Harɛ nɔ ta nɛra, hé bwɛɛlɛ, he dɔŋa neɡra dɛɛ do wechɔɡa ta nomanta. A ɡɛ waa la ɛɛ bao te, kɛ naate waa ba a ne la, ó bwɛɛlɛ.

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Aesaya 40:24

Ba do kɛŋɔ kwaa baa dua, kɛɛ kwaa baa mera, a pa mun dɛɛ dɔ lune, asɛ Korowii ɡel peu ta a ta a hol, asɛ kawulewule kpɔa kaa kɛŋɔ haahra ken.

Yela 81:12

Anomanta, n ɡel ba deŋnekpeɡ waa tɛɛ ba, ba kaa ɛ anɔ la aa too ba tea.

Kaala 32:35

Gɛɛ a do Korowii kpɔ weechɔɡa ba ta Israel tena la nɛ, suuɡaswɛm nabale Arɔn aa kwaara baa tomɔ la wa.

Kaala 32:21

O bɔɔ Arɔn ŋɔ, “Ɛrɛɛ nɛra nɔ ɛɛ asɛ he ɡel ba ɛ a ɡɛ wechɔɡ damanta nɔɔ?”

Kaala 32:25

Mosis nao kɛŋɔ Arɔn ɡelɔ nɛra la kpaŋe baa wola won toɡ ba ásɛ ba dɔma mam ba.

1 Koranar 15:26

Gɛ o mɛɛ aa ɛa laanee o ɡe ɛ, o ɛ wechɔɡa dɛ jo Korowii nɛ, dɛ ɡel Israel tena bwa ɛ wechɔɡa.

1 Koranar 16:19

wechɔɡa waa ɛa dɛ jo Korowii nɛɛ kɛŋɔ waa kpɔ Kooro Jɛroboam ŋwɛnɛ la dɔŋ ta dɛ ɛ wechɔɡa, a che a ta Israel tena ɛ wechɔɡa la wa.

1 Koranar 21:22

Mɛɛ ɛ he demii ɡɛ maa ɛ Nɛbat bibaa Kooro Jɛroboam ne Ahija bibaa Kooro Baasa dem la. He ɡelɔ n baah di dɛ ɡel Israel tena ɛ wechɔɡa dɛ jo n nɛ.’

2 Koranar 3:3

Dɛ o teŋɔ dɛɛ ɛ Nɛbat bibaa Kooro Jɛroboam wechɔɡa waa ɛa, dɛ ɡel Israel tena ɛ wechɔɡa dɛ jo Korowii nɛɛ la ane.

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

1 Koranar 16:13

dɛkalkɛ, Kooro Baasa ne o bibaa Ɛla wechɔɡa baa ɛa dɛ jo Korowii nɛɛ laanee ɡela Israel tena ɛ wechɔɡa. Ba ɛ voɡa aa wola tɔnɔ bɛlbwa dɔe, dɛ kpɔ muɡli Korowii Israel tena aa dɛ tomɔ la baah.

1 Koranar 16:27

Waa aa chiɡ Kooro Omri kora dii saŋ ne waa waa ɛa bwa, ba chwera do Israel Koranar Waa Tɔne bini.

1 Koranar 22:53

O tomɛ voɡ Baal dɛ ɡuŋu, dɛ muɡli Korowii Israel tena aa dɛ tomɔ la baah ɡɛ o mɛɛ aa ɛa la.

2 Koranar 10:31

Kɛ ane a bwa, Kooro Jehu ta Korowii Israel tena aa dɛ tomɔ la mmarare ta teŋɛ o bambile bwa ne, dɛ teŋɛ wechɔɡa Kooro Jɛroboam aa ɛa, dɛ ɡel Israel tena ɡe ɛ wechɔɡa la ta.

2 Koranar 13:2

Kooro Jehoahas teŋɛ waa Kooro Nɛbat bibaa Kooro Jɛroboam aa ɛa, dɛ ɡel Israel tena che a ta ɛ wechɔɡa, dɛ jo Korowii nɛɛ la ta, o ta an ɡelɛ.

2 Koranar 13:6

Kɛ ba ta wechɔɡa Kooro Jɛroboam aa ɡela Israel tena ɛ dɛ jo Korowii nɛɛ la ta leɛ, dɛ ta teŋɛ dɛɛ ɛa. Ba ta voɡhaah Asera dajaŋa baa paaɡa Samaria la chɔɡɛ.

2 Koranar 14:24

O ɛ wechɔɡa dɛ jo Korowii nɛ. Wechɔɡa Nɛbat bibaa Kooro Jɛroboam aa ɛa a che a ta Israel tena ɡe ɛ wechɔɡa la, o ta an ɡelɛ.

2 Koranar 15:9

Kooro Sekaria ɛ wechɔɡa ɡɛ o naawa fa aa ɛa la, dɛ jo Korowii nɛ. Wechɔɡa Kooro Nɛbat bibaa Kooro Jɛroboam aa ɛa dɛ ɡel Israel tena ɡe ɛ wechɔɡa la, o ta an ɡelɛ.

2 Koranar 15:18

Kooro Mɛnahem ɛ wechɔɡa, dɛ jo Korowii nɛ o kora dii ta bwa, ka tel o serewe wee. Wechɔɡa Nɛbat bibaa Kooro Jɛroboam aa ɛa, dɛ ɡel Israel tena ɡe ɛ wechɔɡa la, Kooro Mɛnahem ɡe ta an ɡelɛ.

2 Koranar 17:21

Korowii aa pere Israel harɛ waa lɔ weekaŋle nyunduabɔr le Juda harɛ waa lɔ weekaŋle harɛbɔr nɛɛ la, Israel tena kpɔ Nɛbat bibaa Kooro Jɛroboam ɛ ba kooro. Kooro Jɛroboam ɡelɔ ba ɡel Korowii toma, a ɡel ba ɛ wechɔɡa kohona.

2 Koranar 17:23

dɛ ka tel kɛŋɔ Korowii aa doŋ ba le o sie, ɡɛ waa cheɡɛ o keamere nɛɛ dɛ bol la. Anomanta, ba lawɛ Israel tena laa ta kaa bojaŋ Asiiria harɛ, ba ta ka bela ba le fini.

2 Koranar 21:16

Kooro Manasɛ kpoo nɛra baa wola wechɔɡa bɛlbwa ɛɛ dɛ warɛ taeh, asɛ ba chale ɛɛ palɛ Jerusalam fɔɡbaahna bwa. O berɔ ɡel Juda harɛ tena jo voɡa toma ta, dɛ ɛ wechɔɡa jo Korowii nɛ.

2 Koranar 23:15

O berɔ ɡel ba paɡre kon baa dɛ ɛ saraha dɛɛ tomɛ voɡa a ta, Nɛbat bie Kooro Jɛroboam aa ɛa Bɛtel la. Kooro Jɛroboam ɡelɔ Israel tena ɛ wechɔɡa dɛ jo Korowii nɛ, hale Kooro Josia paɡre kon baa dɛ ɛ saraha o ta, dɛ fuh bela baa dɛ tomɛ voɡa a ɛ mohooh kɛŋɔ bomboɡ ken, dɛ fuh voɡ Asera dajaŋ ɡe.

2 Webena 28:19

Juda Kooro Ahas wechɔɡa waa ba a ne Juda harɛ ta, ne kasinteŋ waa wola dii tɛ Korowii la nomanta, Korowii kpɔ wahala ba ta Juda tena nɛ.