1 Koranar 13:21 - mzwDBL

²¹ Asɛ o kpɔ takpeɡ bol waa o dɔŋ waa le Juda harɛ la be ŋɔ, “Korowii ŋɔ, ‘He ta waa maa bola la noɛ, dɛ vɛh waa maa doe a ta la.

1 Koranar 13:21 ပူးပေါင်းရင်းမြစ်များ

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Ɛsta 6:13

Waa kaa jo dem la, o baɡle waa aa puu la bwa o haah ne o daamanar la be. Asɛ ba jao ŋɔ, “Haa dena pa mun di sihiih Mɔdekae sie nɔ, o lɔɡaa hɛɛ ba doe, ásɛ o pɔ he nɛ, dɛkalkɛŋɔ o ɛ Juu te.”

1 Koranar 13:17

dɛkalkɛŋɔ, Korowii ŋɔ n be ŋɔ n bɛ komɛlbwa di kɛɛ dɛ́ nyɔ ne, dɛ bɛ ŋwɛnɛ maa kpɔ o ta kaa la ɡe ta kpɔ ba.”

2 Samoɛl 24:13

Anomanta, Gad la Kooro Devid be ka bɔɔro ŋɔ, “He dɛ nyin kɛŋɔ lɔr chole he harɛ ta bene atoro, kɛɛ he teŋɛ chwa dɛɛ le he dɔma be, ásɛ ba ɡe chwa dɛɛ tii korobie atoro bwa nɔ? Kɛɛ weechɔɡa chole he harɛ ta tɔpera atoro nɔ? He ɡbaɡba kpɔ a liire, dɛ́ ɡel n jemɛ waa maa ka bol naate waa tom mɛ be.”

2 Samoɛl 6:7

Korowii baah di Ussa nɛɛ kohona, dɛkalkɛ o kono kɛ waa lawɛ Korowii Ne Nɛwɛnyina Fɔo Daka la kpoŋe la. Anomanta, Ussa sewɔ chɔ Korowii Fɔo Daka la keŋkeŋ.

1 Samoɛl 15:19

Ɛrɛɛ haa wola Korowii waa noɔ? Ɛrɛɛ he la ka kam kwaa baa paa laa ta dɛ ɛ wechɔɡa Korowii sie ken?”

1 Samoɛl 4:18

Sɔfo Eli aa no Korowii Ne Nɛwɛnyina Fɔo Daka la waa la, o le o kara waa soɡe o ta la ta chole hanjala ɡbera jwɛh, asɛ o baŋa ku o sewɛ, dɛkalkɛ o hwɛɛhrɔ dɛ do tɔɡre. Bene fifraanaarɛ bwaa o tɔ Israel tena sie.

Nɛra Kura 20:24

“Arɔn ɛɛ sewɔɔ ka pu o naawa. Waa harɛ maa baɡɛ Israel tena nyoa la taa tel. He nɛra banɛ nɔ ɛ lwɛmkpeɡ waa maa do heyaa a ta Mɛreba la.

Nɛra Kura 20:12

Belaa Korowii ŋɔ Mosis ne Arɔn be ŋɔ, “Haa wola men yaradae, dɛ kpɔ jirima tɛ mɛ kɛ n do ɡoroŋ Israel tena siwi ta nɔ, haa ba sie tɔ dɛ́ kpɔ ba ka jo harɛ maa baɡ ba nyoa la ta.”

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Mumpar 3:7

Baa dia tonɛ la, buɡ la ta, ba bwa sie pilo, ba na kɛŋɔ ba cheɡɛ mumɡbal. Anomanta, ba nyin ɔɡ papooni dɛ nyara dɛ kpɔ li.

1 Koranar 13:20

Baa soɡa dɛɛ di kwaa la, Korowii bol waa banjena la waa kaa kpɔɔ ba la be.

1 Koranar 13:22

He berɔ ba di kwaa dɛ nyɔ nee bela maa ŋɔa, bɛ kwaa bela di, bɛ nee ɡe nyɔ la. Gɛ nomanta, haa he naawa hoɡa taa chɔ.’ ”

1 Koranar 20:36

Anee keame la ŋɔ o dɔŋ la be ŋɔ, “Haa vɛh Korowii waa nomanta, haa den le n be bonɔ dɛɛ kaa la, nyujente ɛɛ kpoe.” Waa dena le bela la, nyujente lawɔ dɛ kpoo.