1 Koranar 13:2 - mzwDBL

² Korowii keame la cheɡɛ Korowii waa ta dɛ kpɔ takpeɡ ŋɔ, “Korowii tom mɛ ŋɔ ń ba bol kon baa dɛ ɛ saraha o ta nɔ wa. O ŋɔ, ‘Baa lolɛ bibaalee ó ɛ Kooro Devid naa baa yerɔ Josia. He taa wɛɛ ba ó kpoo kerekpoŋra baa soɡe voɡa baa cheɡa deŋɡarere ta dɛɛ ɛ sarahare, dɛ́ fuh ba hoɡa he ta.’ ”

1 Koranar 13:2 ပူးပေါင်းရင်းမြစ်များ

1 Koranar 13:32

Korowii waa waa bola saraha kon baa kpo kwaa o ta dɛɛ fuah Bɛtel bonɔ, ne voɡare aa lɔ deŋɡarere ta Samaria bwɛɛre ta bwa waa la ɛɛ chiɡuu kpela.”

2 Webena 34:1

Josia aa di kora dɛ o dɔ bene anuatoro. O soɡe Jerusalam dɛ di kora bene fifraatoro dɛ beŋkpoŋ.

2 Webena 34:3

Kooro Josia aa di kora bene anuatoro la, dɛ o ta ɛ bonɔmbi, asɛ o pa mun dɛɛ tomɛ Korowii o nabaa Kooro Devid aa tomɔ la. Bene fi dɛ anɛ ta la, o pa mun dɛɛ chɔɡ bela Juda harɛ ne Jerusalam tena aa dɛ tomɛ voɡa, ne voɡ Asera dajaŋa ne voɡare baa sɛah ne anɔ la bwa aa jaa.

Aesaya 1:2

Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Aesaya 42:9

Na, webena maa bol a waa la chiɡo, asɛ mɛɛ bol anfala wa. N ɡelɔ hɛɛ no a waa mɔɔ a chiɡ.”

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Jeremia 1:2

Korowii bol waa Jeremia be ɡɛ saŋ Amɔn bibaa Kooro Josia aa di kora Juda harɛ ta bene fi dɛ atoro ta,

Jeremia 22:29

Harɛ nɔɔ dɛ́ ɛ danseɛ dɛ́ cheɡ deŋne dɛ́ no Korowii waa waa bola.

Ɛsekeɛl 36:1

Korowii ŋɔ men Ɛsekeɛl be ŋɔ, “Nɛwɛnyini bie, bol Israel bwejena be waa aa dɛ ba a nɛɛ bala, ŋɔ á no waa Nemenɛ Korowii aa dɛ bol a be.

Ɛsekeɛl 36:4

Anomanta, Israel bwejena ne deŋɡarere, ne nenabɔɔne ne fɛlembɔjena, ne bwɛɛre aa chɔɡa dɛ chɔ pɛɛ, dɛ bwɛjena baa pa a laala laa ta kaa, harɛre nɛra baa bar heyaa cheme la mamɛ heya.

Ɛsekeɛl 38:4

Mɛɛ sɔɔh o nyoa, dɛ́ kpɔ ɡoŋre do o nyoa ta, dɛ́ tɛɡro, dɛ́ kpɔ o ne o laa tena bwa kaa. O nɛra baa vɔwɛ ntoa dɛ so jaɡre ta, ne laa tena baa kpoŋe kwaa baa kpɔa dɛɛ tɔ ba te ɡbemɡbe, ba bwa ɛɛ beɡre ba keri bobɛlbwa.

Amanesoma Luk Aa Chwera Tɔn 19:40

Anee Yeesu ŋɔ ba be ŋɔ, “Dɛ ba helaa, bwea kwara ɛɛ mooluu.”

Mmarare 32:1

Waa aa lɔ Mosis yel la bini laanee nɔ. “Nyundua ne harɛ hé no n be, hé cheɡ deŋne dɛ́ no waa maa dɛ ba bola nɔ.