1 Koranar 12:14 - mzwDBL

¹⁴ O kpɔ o bala o ne baa ira la jae la dɛ ŋɔ, “N mɛɛ ɡelɔ he ɛ tomkpeɡa, kɛ n te ɛɛ ɡeloo a ɡwaa ɡɛ. Chweremi nee o tɛr he deŋne, kɛ n te ɛɛ kpɔ balansoo tɛr he deŋne!”

1 Koranar 12:14 ပူးပေါင်းရင်းမြစ်များ

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

Daneɛl 6:7

Ya nomonome bwa yaa dɛ nyiŋi Babelɔn harɛ nɔ ta, nomonome baa dɛ nyiŋi nɛra nɛ, ne nomonome baa chɔ harɛre nyoo, ne laa sitɔɔla dɛ nomonome baa jaa, sɛoh kɛŋɔ hen n naa kooro do mmara, dɛ nyiŋi na kɛŋɔ wɛɛ ɛ tomaa. Gel bɛlbwa jemɛ kɛŋɔ nomɛlbwa ta ŋwɛnɛ dɔe kɛŋɔ, ó ɡuŋi voɡ kɛɛ nɛn tɔpera fifraatoro nɔ baah ta, atane he ɡbo. Nomɛlbwa waa vɛh ɡɛ mmara nɔ la, bá lawɔ ka do nyujentena bɔɔ bini.

Wejereme 7:8

Komɛlbwa tona wer ɡwaa o mumpar, asɛ bambile lawa ɡe ɡwaa kɛ haa dɛ ɛ mbarafo.

Sɛɡla 17:14

Naɡra mumpar do kɛŋɔ haa teɡɛ nee bio, waa la aa wola dɔe do kan la, teŋe a ta mɔɔ a kaa sie.

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Sɛɡla 13:10

Waa nee jenu ɛɛ ba, wejeremee dɛɛ bɔɔ waa bini.

Sɛɡla 12:5

Nɛn o wa aa toɡra bol waa dɛɛ pa bole aŋwɛnɛ ta, kɛ nɛn o nyondoŋe aa bar o nyu te liire ɛ nyosone ɡbosoo.

Kaala 1:14

Ba ɡelɔ baa teŋe berekese, dɛɛ ma Ijipt tena deene, dɛɛ ɛ ba kooni toma te bwa soo siwi. Ba ta ba nɛɛ sune, ba fiɡ ba taeh.

Kaala 1:13

Ijipt tena ta ɡelɛ ba sie lɛ ba soɡa bini, ba do ba baa ɛ tomkpeɡa.

1 Koranar 12:13

Kooro Rɛhoboam vɛh nomonome la jae baa jao la, dɛ kpɔ nyɛɡa bol waa nɛra la be.

Sɛɡla 29:12

Kooro waa dɛ do deŋna nyosone waa ta la, o nomonome bwa dɛ ɛ wechɔɡa.

Sɛɡla 5:13

N ta nɛra baa baɡ mɛ waa la be noɛ, n ta nɛra baa do mɛ la waa ta teŋɛ.