1 Koranar 12:13 - mzwDBL

¹³ Kooro Rɛhoboam vɛh nomonome la jae baa jao la, dɛ kpɔ nyɛɡa bol waa nɛra la be.

1 Koranar 12:13 ပူးပေါင်းရင်းမြစ်များ

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.

Wejereme 10:12

Jirima lɔ wejereme nyoa, kɛ ɡɛne te, o ɡbabir nyoa wobolee dɛɛ chɔɡo.

Sɛɡla 18:23

Nyaa dɛ bol wa aa, o kpɔ nɔɔra dawɛ dɔŋa nɛɛ dɛɛ soŋe, kondɔɔhnee dɛɛ chaŋe waa kpeɡri nɛ.

Sɛɡla 13:20

Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.

Sɛɡla 10:32

Nɛn o wa aa toɡra wobol dɛ́ sɔɔh baah, kɛ nɛnchɔɡe te, o wobol dɛ muɡli baah.

Sɛɡla 10:11

Nɛn o wa aa toɡra wobol dɛ́ ba mkpa ne, kɛ nɛnchɔɡe te mur, waa yoi waa bol á le baŋ.

2 Samoɛl 19:43

Asɛ Israel laa tena la chaŋ ba ŋɔ, “Ya dɔ kooro baŋne fi bwa. A habɔɔ ya ne o pɛo ɡwaa kɛ he ne waa doa. Ɛrɛ waa hɛɛ nyiŋi ya nyubaahna nɔɔ? Ya laa tɔ sie bol kooro ka kpɔe dɛ́ ba wa aa?” Kɛ Juda laa tena la chaŋɔ bandia kohona ne, dɛ ɡwaa Israel baala la kwara.

1 Samoɛl 20:10

Anee Devid bɔɔro ŋɔ, “Dɛ he mɛɛ baah diu o ta sɛɛh yaa, umee dɛ́ bol n be nɔ?”

Kaala 10:28

Asɛ o ŋɔ Mosis be ŋɔ, “Le n sie bonɔ kaa! Dɛɛ berɛ n sie bonɔ bala kpa. Awola haa ba n sie bonɔ la, dɛ he sewee.”

Kaala 5:2

Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

Mumpar 42:30

“Nomoa harɛ la wobɛlbwa aa lɔ o nɔn ta la nyɛɡ ya nɛɛ dɛ ɛ yaa kɛŋɔ nɛra yaa laŋa dɛ́ ka sɔh nyiŋi ba harɛ dɛ́ ɛɛ ba waane ken.”

Mumpar 42:7

Josef aa na ba la, dɛ o te deno jem ba, kɛ o ɛ o te kɛŋɔ waa ban jemɛ ken. Asɛ dɛ nyɛɡ ba nɛɛ ŋɔ, “Leperaa he leɔ?” Asɛ ba chaŋe ŋɔ, “Keenan harɛ taa ya le dɛɛ ba ba yawɛ boyu.”

Mumpar 16:6

Belaa Abram ŋɔ Sarai be ŋɔ, “He toloo, he dɔ o kpeɡri dɛ́ doo ɡɛ haa dɛ nyin.” Asɛ Sarai fiiɡu kohona o ba chwa le o be.

Sɛɡla 15:1

Tahaah dɛ sɔɔh bandia, takpeɡ ɡe ɛɛ ir bwaawee.

1 Koranar 12:12

Tɔpera atoro habɔɔ la, Jɛroboam ne nɛra baa ja o nɛɛ la bwa berɔ ba Kooro Rɛhoboam be ɡɛ waa ŋɔ ba be la.

1 Koranar 12:14

O kpɔ o bala o ne baa ira la jae la dɛ ŋɔ, “N mɛɛ ɡelɔ he ɛ tomkpeɡa, kɛ n te ɛɛ ɡeloo a ɡwaa ɡɛ. Chweremi nee o tɛr he deŋne, kɛ n te ɛɛ kpɔ balansoo tɛr he deŋne!”

Wejereme 2:19

Umee dɛ́ won jemɛ kɛ naate ɛ wejereme kɛɛ ɡɛne ɔ? Kɛ onee dɛ́ di kpeɡri kondɔɔh maa koah, dɛ nyina cheɡ harɛ nɔ ta bwa ta. Anɔ bwa ɡe ɛ wepuu.