1 Koranar 12:1 - mzwDBL

¹ Kooro Rɛhoboam la bwɛjen Sɛkem, dɛ Israel tena bwa cheme bela, dɛ́ chiɡu kora ta.

1 Koranar 12:1 ပူးပေါင်းရင်းမြစ်များ

Mumpar 12:6

Baa tel Keenan la, Abram ɡaaɡe harɛ la ta dɛ ka tel dajen bɛl mun More, o lɔ bwɛjen Sɛkem, dɛɛ nyin wɛɛ tomɛ Korowii bela. A ɡɛ saŋ baa tel bela la, dɛ Keenan tena soɡe harɛ la ta.

1 Koranar 11:43

A habɔɔ, Kooro Solomɔn sewɔ ka pu o naawa, asɛ ba huɡo Jerusalam, o mɛɛ Kooro Devid bwɛjen ta, asɛ o bibaa Rɛhoboam ba chiɡ o naa ta di kora.

1 Koranar 12:25

Kooro Jɛroboam ɡelɔ ba ma danjwɛkpeɡ bar bwɛjen Sɛkem waa chɔ Efrem deŋɡarere ta dɛ lɛo cheɡ. O le bela dɛ berɛ ka ma danjwɛkpeɡ bar Pɛnoɛl ɡe.

2 Webena 11:1

Kooro Rɛhoboam aa tel Jerusalam la, o boa Juda ne Bɛnjamen deene tena baala baa jemɛ yoi nyoa nɛra kaɡboŋa lafa fifraanuatoro ŋɔ, bá ka yo Israel deene aa lɔ weekaŋle nyunduabɔr, ásɛ o won di kora harɛ la bwa ta.

Yela 60:6

Korowii bol waa o Dea bela waa do ɡoroŋ la dɛ ŋɔ, “Mɛɛ yo bwɛjen Sɛkem tenaa, dɛ́ pɔ ba nɛ, dɛ́ bɔne o ne Sukot Fɛlembɔjen bini tɛ n nɛra.

Jeremia 41:5

dɛ baala fifraanuatoro fonɛ ba tampona dɛ kɛɛ ba laala, dɛ kpɔ keri mɔne ba bwara, a baɡle kɛŋɔ ba lɔ lwe ta, dɛ le bwɛɛre Sɛkem ne Silo dɛ Samaria ba. Dɛ ba kpoŋe mea ne daawiile a sɔɔh aa soma, dɛ́ kpɔ ba ɛ sarahare Korowii Dea.

We-ɛɛla 7:16

Baa serewa la, ba kpɔ ba kaa Sɛkem, dɛ ka huɡ ba lalbɔɔ la Abraham fa aa yawa Hamɔ dea tena be la ta.

Josua 20:7

Asɛ Israel tena la le bwɛjen Kedes waa lɔ Galilia harɛ dɛ do Naftale dea deŋɡarere ta. Dɛ le bwɛjen Sɛkem waa lɔ Efrem dea tena harɛ deŋɡarere ta, dɛ bwɛjen Kiriat Aaba, o do Juda dea tena harɛ deŋɡarere ta.

Josua 24:1

Josua berɔ yerɛ Israel deene la bwa, ba nomonome la ne nɛra baa bol waa dɛɛ pa bole bwa cheme bwɛjen Sɛkem. Baa tel bela la, o yerɛ ba bwa ka che Korowii sie.

Josua 24:32

Gɛ saŋ baa le Ijipt harɛ ta dɛɛ ba la, ba kpɔ Josef hoɡa kaa dɛ ka huɡe Sɛkem. Harɛ Jekɔb aa yawa le Sɛkem bibaa Hamɔ bibaala be suuɡapoŋa lafa la ta. Harɛ la baa ɛ Josef naanar kapɛrɛ kon.

Sitɔɔla 9:1

Gedeɔn bibaa Abemɛlɛk la Sɛkem o nya nimambii ne o nɛra bwa be, dɛ ka ŋɔ bá bɔɔ Sɛkem tena ŋɔ,

Sitɔɔla 9:6

Ate, nɛra baa lɔ Sɛkem ne Bɛt Milo cheme pila bɛl jwɛh dajen la mun, dɛɛ ba Abemɛlɛk kora ta cheɡa.