1 Koranar 11:9 - mzwDBL

⁹ Korowii baah di Kooro Solomɔn nɛ, dɛkalkɛŋɔ dɛ o bambile le on Korowii Israel tena aa dɛ tomɔ o kpɔ o te baɡlo kera anɛ bwa la nɛ.

1 Koranar 11:9 ပူးပေါင်းရင်းမြစ်များ

2 Samoɛl 11:27

Waa wiu tonɛ la, kooro ɡelɔ ba ka kpɔɔ ba o be dem o berɛ o haah, dɛ lolɛ bibaa tɛo. Kɛ Korowii sie ta waa kooro aa ɛa la ta lɛɛ.

2 Samoɛl 6:7

Korowii baah di Ussa nɛɛ kohona, dɛkalkɛ o kono kɛ waa lawɛ Korowii Ne Nɛwɛnyina Fɔo Daka la kpoŋe la. Anomanta, Ussa sewɔ chɔ Korowii Fɔo Daka la keŋkeŋ.

1 Koranar 11:8

O do voɡa deene tɛ o haahna la bwa, asɛ ba kaa fuh daawiile a sɔɔh aa soma dɛɛ ɛ sarahare a ta.

1 Koranar 3:5

Waa lɔ Gebeɔn bela la, Korowii ba o be jwaana deera ta dɛ ba ŋɔ o be ŋɔ, “Baɡle komɛlbwa haa dɛ nyin ásɛ n kpɔ tɛɛ.”

1 Koranar 9:2

Korowii ba o be ja, ɡɛ waa la o be Gebeɔn la.

1 Webena 21:7

Dɛ Korowii ɡe sie ta waa la ta lɛɛ, anomanta, o kpɔ deŋnetɛra ba ta Israel tena nɛ.

Kaala 4:14

Belaa Korowii baah di o nɛɛ kohona asɛ dɛ ŋɔ, “He dɔɔ baa dɛ yerɔ Arɔn o ɛ Lewi dea te la sɛ? N jemɔ kɛŋɔ o te ɛɛ won bol waa kɛrɛdɛ. Hale o lɔ ŋwɛnɛ ta taraken dɛɛ ba dɛ́ ba cheme. O balɔ ba nae naa, o sie ɛɛ lɛo taeh.

Sɛɡla 4:23

He dɛ lii wa aa, dɛɛ nyiŋa kɛrɛdɛ, waa haa dɛ lii la, anee hɛɛ ɛ.

Hosia 4:11

Sembena ne anfala nyɔe chɔɡ n nɛra liire baa waa mun no.

Nɛra Kura 12:9

Korowii baah di ba nɛɛ kohona, dɛ kaa ɡel ba.

Mmarare 3:26

He nomanta, Korowii bandia ta lɔ n nɛ o ta n wesoŋa la noɛ, dɛ ŋɔ, ‘He fele! Dɛɛ berɛ ɡɛ waa nɔ n be bola kpa.

Mmarare 7:4

Gɛ laa aa, baa berɛ he bii liiree baa wola Korowii nɛɛ teŋɛ, dɛ́ kaa tomɛ voɡa, ásɛ o baah di he nɛɛ dɛ́ den kpoo heyaa warane.

Mmarare 9:20

Korowii baah fa di Arɔn ɡba nɛɛ ɡɛ saŋ taeh kɛŋɔ wɛɛ chɔɡoo, asɛ n soŋe tɛ o ɡe ɡɛ.

Mmarare 9:8

Sinai Bwejen la lɔɡaa he ɡel o baah di kohona kɛŋɔ o fee kpoo heya.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.