1 Koranar 11:7 - mzwDBL

⁷ Kooro Solomɔn do dea bwe bɛl ta Jerusalam wee leebɔr, dɛ kwaa bɔr baa dɛɛ tomɛ Moab tena voɡ Kemɔs ne Amɔn tena voɡ Molɛk aa ɛ kii kwaa la.

1 Koranar 11:7 ပူးပေါင်းရင်းမြစ်များ

Mumpar 33:2

O ɡelɔ o toli la lawɛ ba bii tɔ sie mɔɔ Lea ne o bii teŋɛ, asɛ Rakɛl ne Josef ka mun ta.

2 Samoɛl 15:30

Kooro Devid teŋɔ teeh kaa Ɔlevere Bwejen la doa dɛ kaa wi, o kpɔ kon bɔle nyu dɛɛ valɛ nakpapɛɛ, a baɡle kɛ o loo kuu. Nɛra baa ja o nɛɛ la bwa ɡe kpɔ kwaa tɔ nyuune dɛ wi teŋɛ, dɛ teeh dɛɛ kaa.

1 Koranar 11:5

Kooro Solomɔn kaa teŋɛ Sidon voɡhaah Astɔrɛt dɛ Amɔn tena voɡ Molɛk aa ɛ kii kwaa la nɛ.

1 Koranar 11:6

A cheɡɛ a ta Kooro Solomɔn ɛ Korowii wechɔɡa dɛ jo o nɛ, o waa ta kasinteŋ dɔe tɛo kɛŋɔ o mɛɛ Kooro Devid.

1 Koranar 11:8

O do voɡa deene tɛ o haahna la bwa, asɛ ba kaa fuh daawiile a sɔɔh aa soma dɛɛ ɛ sarahare a ta.

1 Koranar 15:12

O doŋi nɛra baa dɛ bɔ jwamane voɡare mun harɛ la ta, dɛ huɡri voɡa o naawa aa ɛa la bwa ta.

2 Koranar 23:10

Kooro Josia ɡelɔ nɛra la Henɔm Fɛlembɔjen ta, dɛ ka paɡre kon baa dɛ ɛ saraha o ta baa yerɔ Tɔfɛt la. Gɛ aa ɛ ásɛ nɛra bɛ won kpɔ ba bibaala kɛɛ ba bihaahna ɛ sarahare dɛ́ fuuh ba dɛɛ tɛ voɡ Molɛk kpa.

2 Webena 21:11

Hale o kwaa bɔra Juda harɛ deŋɡarere ta baa tomɛ voɡa, a che a ta Juda ne Jerusalam tena ɛ wechɔɡa, dɛ jo Korowii nɛ.

Yela 78:58

Ba kpɔ bela baa dɛ tomɛ ba voɡa dɛɛ muɡli o baah, dɛ kpɔ ba voɡa dɛɛ ir o bwaawee.

Aesaya 44:19

Ba bini bɛlbwa toole dɛɛ lii wa, bɛlbwa ta wejema dɔe dɛ́ no a mun dɛ́ ŋɔ, “Daa nɔ tentenee n mar, dɛ kpɔ o hɔla dɛɛ daa kondikwa, dɛ wɔɔ ol a ta dɛ chwe. O pera chɛ kɛŋɔ ń kpɔ ɛ kii kon aa? A chɛ kɛŋɔ ń ɡuŋi dakpul aa?”

Jeremia 32:31

Nɛra baa lɔ bwɛjen nɔ ta ir n bwaawee dɛ ɡel n baah di kohona le awola baa vɔrɔwo. N ɛ n liire kɛ n chɔɡo,

Jeremia 32:35

Ba ma kwaa baa ɛ sarahare a ta tɛ voɡ Baal deŋɡarere dor. Ba kpoo ba bibaala ne bihaahna ɡe dɛɛ tɛ voɡ Molɛk Henɔm Fɛlembɔjen ta. N ta ban doe ŋɔ ba ɛ ɡɛ waa nɔ, a toole n liire ta kwaraa ŋɔ baa ɛ ɡɛ waa nɔɔ, a che a ta Juda tena ɛ wechɔɡa.”

Jeremia 48:13

Sihiih ɛɛ kpo Moab tena ba voɡ Kemɔs waa, kɛŋɔ sihiih aa kpo Israel tena voɡ Bɛtel baa kpɔ ba hwɛɡa dawɛ o nɛɛ la.

Jeremia 48:46

Moab tena, hé bwɛɛlɛ! Nɛra haa dɛ tomɛ voɡ Kemɔs la, he chɔɡɔ. Ba lawɛ he bibaala ne bihaahna bwa kaa bojaŋ harɛfale ta.

Ɛsekeɛl 18:12

dɛɛ faah nyaara, dɛɛ ŋwɛ. O kemɛ nɛn suuɡa dɛ lɛ kon cheɡ naate ta kem la ba bɔe yaa. Waa naate kon kpɔe dɛɛ tɛo. O dɛ tomɛ voɡa maa kia la.

Daneɛl 11:31

Wɛɛ ɡeloo o laa tena kpɔ doŋa kah Korowii Dea dekpeɡ la, dɛ́ ɡel ba ɡel sarahare baa dɛ ɛa tɔpere bɛlbwa la, ásɛ dɛ kpɔ konchɔɡechɔɡe waa dɛ paɡre bwɛɛ la pa.

Daneɛl 12:11

Le ɡɛ saŋ baa ɡel tɔpere bɛlbwa sarahare ɛɛ, dɛ́ kpɔ konchɔɡechɔɡe waa dɛ paɡre bwɛɛ la pa la ɛɛ ɛ tɔpera kaɡboŋ lafraanɛ fifraanuanaarɛɛ.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Maeka 1:5

Israel tena baa ɛ Jekɔb naanar wechɔɡa baa ɛ Korowii waa a bwa ba ɡɛ. Bamewaa ɡela Israel tena ɛ deŋnekpeɡ ɔ? Samaria koobwɛɛ nɛra laa aa? Bamewaa dɛ́ di bolchɔɡe voɡa baa dɛ tomɛ Juda harɛ ta waɔ? Jerusalam tenaa.

Sekaria 14:4

Awola tɔpere la, wɛɛ ka che Ɔlevere Bwejen la taa, Jerusalam wee leebɔr. Ásɛ Bwejen la bini bɔne anɛ le wee leebɔr ba kaa wee cholibɔr, dɛ́ ɡel fɛlembɔjen chɔ baah ta, ásɛ Bwejen la pera do weekaŋle nyunduabɔr, o pera ɡe do weekaŋle harɛbɔr.

Nɛra Kura 21:29

Moab tena, hé bwɛɛlɛ! Voɡ Kemɔs toroma chɔɡɔ! Voɡ la ɡelɔ ba lawɛ o bibaala laa ta kaa, ba lawɛ o bihaahna tɛ Amɔre tena Kooro Sihon.

Nɛra Kura 33:52

hé doŋi bela tena baa lɔ harɛ la ta bwa le. Hé chɔɡ ba voɡa baa sɛah ne anɔ la baa loɡa, dɛ́ chɔɡ bela baa chema dɛɛ toma bwa.

Matiu 26:30

Asɛ ba ɡo yel kpɛɛ Korowii dɛ ir le kaa Ɔlevere Bwejen la ta.

We-ɛɛla 1:12

Asɛ Yeesu toroma la le Ɔlevere Bwejen la ta baa cheɡa o kaa nyundua ɡel ba la ta, dɛɛ kaa bwɛjen Jerusalam. A ka tama bwe la ne Jerusalam ɛ kwansini beŋkpoŋ.

We-ɛɛla 1:9

Waa bol a ɡɛ waa nɔ tonɛ ba ta che dɛɛ nyiŋu la, dɛ Korowii baa kpɔɔ dɛɛ kaa nyundua, asɛ baama ba tɔ o nɛɛ nyundua bela, ba ta on nae kpa.

We-ɛɛla 7:43

Voɡ Molɛk la dea ne wewee haa mao dɛɛ tomɔ dɛɛ yerɔ Refan la laa he che dɛɛ ɡaaɡe la aa? He ɡbaɡbaa fa ma a ɡɛ voɡa nɔ dɛɛ toma. Anomanta, mɛɛ lawɛ heyaa kaa Babelɔn harɛ ta dɛ́ kaa he ne bojaŋ.’

Mmarare 13:14

hé bɔɔ dɛ́ nyiŋi a bini kɛrɛdɛ. Dɛ ɡɛɛ kpela kɛŋɔ wedoŋa aa do ken chiɡ he bini naa,

Mmarare 27:15

‘Nomɛlbwa waa sɛh komɛl chaa kɛɛ dɛ sɔh cheɡ voɡ dɛɛ tomɔ la, Kórowii taahno, dɛkalkɛŋɔ o kii.’ Ásɛ Israel tena la ɡe chaŋe ŋɔ, ‘Aamen!’

Sitɔɔla 11:24

Kon he voɡ Kemɔs aa tɛɛ la, he dɛ lɛ. Gɛɛ a do, kon Korowii yaa dɛ tomɔ la aa tɛ yaa la, ya ɡe won lɛ.