1 Koranar 11:4 - mzwDBL

⁴ Waa baa hwɛɛh la, haahna la berɛ o liire kaa voɡare toma ta. Dɛ o bambile toole Korowii waa dɛ tomɔ nɛɛ kpa kɛŋɔ o mɛɛ Kooro Devid fa aa ɛa la.

1 Koranar 11:4 ပူးပေါင်းရင်းမြစ်များ

1 Koranar 11:2

Ba ɛ nɛra Korowii aa bol ba waa Israel tena be ŋɔ, “He bɛ ban mo ásɛ ba ba berɛ he liire kaa ba voɡare ta.” Kɛ ane a bwa, ɡɛ nɛra laanee Kooro Solomɔn ka mo.

1 Koranar 11:33

Gɛɛ mɛɛ ba ɛɛ, dɛkalkɛ ba vɛɛh mɛ dɛ kaa tomɛ Sidon tena voɡhaah Astɔrɛt, ne Moab tena voɡ Kemɔs, dɛ Amɔn tena voɡ Molɛk. Ba ta n ŋwɛnɛre ta kpɔe, ba ta waa aa wera n be ɛɛ, kɛɛ dɛ teŋɛ me Mmarare ta kɛŋɔ Kooro Solomɔn mɛɛ Devid aa ɛa la.

1 Koranar 11:38

Dɛ he noɔ dɛ ɛ waa maa doe a ta bwa, dɛɛ ɛ waa aa toɡra n be, dɛɛ teŋɛ me Mmarare ta kɛŋɔ n bonɔɔ Devid aa ɛa la aa, n fe ɛɛ che he mun taa. Mɛɛ ɡeloo he kora che kiŋkiŋ kɛŋɔ maa ɛa tɛ Kooro Devid la, dɛ́ kpɔ Israel harɛ tɛɛ.

1 Koranar 11:42

Kooro Solomɔn di kora Israel harɛ ta Jerusalam bene fifraanaarɛ.

1 Koranar 11:6

A cheɡɛ a ta Kooro Solomɔn ɛ Korowii wechɔɡa dɛ jo o nɛ, o waa ta kasinteŋ dɔe tɛo kɛŋɔ o mɛɛ Kooro Devid.

1 Koranar 11:9

Korowii baah di Kooro Solomɔn nɛ, dɛkalkɛŋɔ dɛ o bambile le on Korowii Israel tena aa dɛ tomɔ o kpɔ o te baɡlo kera anɛ bwa la nɛ.

1 Koranar 14:21

Kooro Solomɔn bibaa Kooro Rɛhoboam di kora Juda harɛ ta, dɛ o di bene fifraanaarɛ dɛ beŋkpoŋ. O di kora bene fi dɛ anuanɛ Jerusalam, bwɛjen Korowii aa lea le Israel deene bwɛɛre bini baa tomɔ bela la. Kooro Rɛhoboam nya sɔne Naama, Amɔn tee.

1 Koranar 15:14

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

1 Koranar 15:3

O ɡe ɛ o mɛɛ wechɔɡa la dɔŋa. O ta o bambile bwa kpɔe tɛ Korowii waa dɛ tomɔ kɛŋɔ o nabaa Kooro Devid aa ɛa la.

1 Koranar 3:3

Kooro Solomɔn teŋɛ waa o mɛɛ Kooro Devid aa ŋɔa la ta, dɛ baɡle nyina waa dɛ nyin Korowii, kɛ dɛ deŋɡarere baa dɛ tomɛ voɡa doree o ɡe ɛɛ fuh konsɔɔhsoma dɛɛ ɛ sarahare.

1 Koranar 6:1

Israel tena aa ira le Ijipt harɛ ta bene lafraanaarɛ fifraanuatoro habɔɔ Kooro Solomɔn ba di kora Israel harɛ ta. Waa di kora bene anaarɛ, korobinɛɛte baa dɛ yerɔ Siv taa o ɡel ba pa mun dɛɛ ma Korowii Dea la.

1 Koranar 8:61

N dɛ soŋe kɛ he nɛra haa dɛ tomɛ Korowii ɛɛ di kasinteŋ dɛɛ valɛ o Mmarare ne waa waa do heyaa la ta ɡɛ aa doa fini nɔ.”

1 Koranar 9:10

Bene fifraanɛɛ Kooro Solomɔn kpɔ do Korowii Dea ne o koodem la.

1 Koranar 9:4

Dɛ hen Solomɔn tom mɛ kɛrɛdɛ, dɛ teŋɛ me Mmarare ne waa maa doe a ta ɡɛ he mɛɛ Devid aa ɛa la aa,

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

1 Webena 29:19

Gel n bie Solomɔn kpɔ o bambile bwa dɛɛ teŋɛ wobɛlbwa haa doo ta, ó won ma Korowii Dea maa kpɔ o laala tɛo nɔ.”

2 Webena 17:3

Dɛ Korowii ja Kooro Jehosafat nɛ, dɛkalkɛ o teŋɛ waa o nabaa Kooro Devid fa aa ɛa la ta. O ta voɡ Baalre tomɛ.

2 Webena 25:2

Kooro Amasea ɛ waa aa too Korowii tea, kɛ dɛ o bambile bwa ne laa.

2 Webena 34:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

Kaala 20:3

He bɛ voɡ bɛlbwa tomɛ ka ja n nɛ.

Mmarare 17:17

Kooro la bɛ haahna mo warɛ, a ba ɡɛ naa, waa sie Korowii waa taa do. O bɛ kondɔɔh kɛŋɔ suuɡapoŋa kɛɛ suuɡaswɛm kohona nyin.

Mmarare 7:4

Gɛ laa aa, baa berɛ he bii liiree baa wola Korowii nɛɛ teŋɛ, dɛ́ kaa tomɛ voɡa, ásɛ o baah di he nɛɛ dɛ́ den kpoo heyaa warane.