1 Koranar 11:26 - mzwDBL

²⁶ Dɛ baa bɛl sɔne Jɛroboam, o mɛɛ sɔne Nɛbat, Efrem tee on o le Sɛrɛda. O nya ɡe sɔne Sɛroa dɛ ɛ luhaah. Dɛ Jɛroboam ɛ Kooro Solomɔn nomonome la bini bɛl dɛ do o lɔɡa, dɛ ɛ Kooro dɔm.

1 Koranar 11:26 ပူးပေါင်းရင်းမြစ်များ

2 Webena 13:6

Kɛ Nɛbat bibaa Jɛroboam fa aa wola kooro ɛɛ mɔɔ la, o ɛ o dɔɔ Kooro Solomɔn deŋnekpeɡ dɛ pere o te le o nɛ.

1 Koranar 12:2

Nɛbat bibaa Jɛroboam o fa aa chwaa le Kooro Solomɔn be dɛ kaa Ijipt harɛ ta aa no ɡɛ waa la, o le Ijipt bela dɛ ba.

1 Koranar 11:28

Dɛ Jɛroboam ɛ bonɔɔ he kpɔ toma do o nɔn ta naa, ó won ɛa kɛrɛdɛ, Kooro la aa na ɡɛ o toma ɛɛ aa doa la, o kpɔɔ chɔ Manasɛ ne Efrem deene tom-ɛɛra baa dɛ ɛ tomkpeɡa nyoa.

1 Koranar 11:11

Anomanta, Korowii ŋɔ o be ŋɔ, “Haa saahna chɔɡ n ne he fɔo yaa fɔwa dɛ ɛ deŋnekpeɡ waa maa doe a ta nomanta, mɛɛ laa kora laanee lɛ he be, dɛ́ kpɔ tɛ nomonome baa lɔ he lɔɡa la bini bɛl.

2 Samoɛl 20:21

Gɛ laa waa la do. Bikri bibaa Seeba waa le Efrem deŋɡarere harɛ ta laanee ɛ Kooro Devid deŋnekpeɡ. Hé le Seeba ɡbo ne tɛ mɛ, ásɛ n ɡel wobɛlbwa dɛ́ berɛ kaa.” Belaa haah la ŋɔ Joab be ŋɔ, “Yaa kpoo dɛ́ kpɔ o nyu ba che danjwɛɛ ta viɡri tɛɛ.”

1 Samoɛl 1:1

Baa bɛlee fa lole baa yerɔ Ɛlkana, o le Efrem dea. Dɛ o soɡe Rama waa lɔ Efrem deŋɡarere harɛ ta. O mɛɛ sɔne Jɛroham, o nabaa ɡe sɔne Elihu. Elihu ɡe mɛɛ Tohu, asɛ Tohu ɡe mɛɛ sɔne Suf.

Rut Tɔn 1:2

Baa la sɔne Ɛlemɛlɛk, o haah ɡe sɔne Naomi. O bibaala la bɛl sɔne Maalɔn, asɛ nɛɛte la ɡe sɔne Keleɔn. Dɛ Efrat dea naanaree ban, ba le Bɛtlɛham waa lɔ Juda harɛ ta.

1 Webena 2:19

A habɔɔ, Asuba baa sewɛ, asɛ Kaleb ka mo Efrat dɛ lolɛ bibaa baa yerɔ Hur.

1 Koranar 21:22

Mɛɛ ɛ he demii ɡɛ maa ɛ Nɛbat bibaa Kooro Jɛroboam ne Ahija bibaa Kooro Baasa dem la. He ɡelɔ n baah di dɛ ɡel Israel tena ɛ wechɔɡa dɛ jo n nɛ.’

1 Koranar 16:3

Gɛ maa ɛ Nɛbat bibaa Kooro Jɛroboam dem la, ɡɛɛ mɛɛ ba hen Kooro Baasa ne he dem tena chɔɡa.

1 Koranar 15:30

Gɛ waa nɔ chiɡo dɛkalkɛ Kooro Jɛroboam ɛ wechɔɡa dɛ ɡel Israel tena ɡe ɛ wechɔɡa, dɛ muɡli Korowii Israel tena aa dɛ tomɔ la baah.

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

1 Koranar 9:22

Kɛ Israel tena la te, Kooro Solomɔn ta bɛlbwa kpɔe ɛ yom. Bane ɛ laa tena dɛ yo dɛɛ tɛo, ne nomonnyuune ne laa sitɔɔla ne nomonome baa chɔ kwaa aa do kɛ torɔɡo ba vɔwɛ dɛɛ pɛl jaɡre, dɛ banɔ la baa dɛ so jaɡre ta bwa nyoa.

1 Samoɛl 17:12

Devid mɛɛ sɔne Jese. O le Efrat waa lɔ Bɛtlɛham, Juda harɛ ta. Jese bibaala lɔ banuatoro. Gɛ saŋ Kooro Sɔɔl aa di kora Israel la, dɛ o hwɛɛhrɔ kɛrɛdɛ.

Mumpar 35:16

Asɛ ba ir Bɛtel dɛ kaa. Baa dɛ kaa a ka tama ba tel bobɛl baa dɛ yerɛ bela Efrat la, loltea lɔ Rakɛl. Asɛ a do kpeɡri.

1 Koranar 11:25

Kooro Solomɔn saŋ bwa dɛ Resɔn ɛ Israel tena dɔm, dɛ ja anɔ la Kooro Hadad aa ɛa la ta dɛ hah Israel tena. Anomanta, Resɔn di kora Aram harɛ ta dɛ ɛ Israel dɔm.

Sitɔɔla 12:5

Gelead tena kaa teŋe leebɔɔne baa cheɡɛ a ta dɛ ɡale Jɔɔdan Moo dɛɛ kaa Efrem harɛ ta la. Dɛ nomɛlbwa chwao le laa la ta dɛ ba tel bela aa, ɡɛɛ ba bɔɔro ŋɔ, “Efrem dea tee hen aa?” Dɛ o ŋɔ, “Ɔɔhɔh” naa,

2 Webena 9:29

Waa ane ɡe Kooro Solomɔn aa ɛa o kora dii saŋ, le mumpar ba a jaɡa, ba chwera do Korowii Keame Netan tɔn bini, ne Silo Te Ahija, dɛ Ido waa dɛ na chaahna waa tɔne bini. Ba berɔ chwerɛ Nɛbat bibaa Israel Kooro Jɛroboam ɡe bwara waa do a bini.