1 Koranar 11:25 - mzwDBL

²⁵ Kooro Solomɔn saŋ bwa dɛ Resɔn ɛ Israel tena dɔm, dɛ ja anɔ la Kooro Hadad aa ɛa la ta dɛ hah Israel tena. Anomanta, Resɔn di kora Aram harɛ ta dɛ ɛ Israel dɔm.

1 Koranar 11:25 ပူးပေါင်းရင်းမြစ်များ

Sekaria 11:8

Korobibeŋkpoŋ ɡbo ta, n doŋi peteɡra batoro bane baa hah mɛ. Peera la chwao le n be, n mee le a wa.

Yela 106:40

Anomanta, he baah di he nɛra nɛɛ kohona, asɛ he ki ba we-ɛɛla.

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

1 Koranar 5:4

Taraken, Korowii maa dɛ tomɔ alaworomɛ, o tɛ mɛ deŋnesɔɔhna, wechɔɡa kɛɛ dɔm bɛlbwa toole n harɛ ta kpa.

2 Samoɛl 16:21

Anee Ahetofɛl chaŋe ŋɔ, “La ka lawɛ he mɛɛ sɛnanar waa ɡel ba habɔɔ baa daah koodem la he ne ba chɔ. Anee dɛ́ ɡel Israel tena bwa no kɛŋɔ he ɛ he mɛɛ dɔm kɛrɛdɛ, dɛ́ ɡel nɛra baa ja he nɛɛ la bwara do kpeɡri name.”

Mmarare 23:7

He bɛ nɛra baa dɛ yer ba Edom tena hah, he lolanaree dɔŋa. Gɛɛ Ijipt tena ɡe, he bɛ ba ɡe hah, he fa soɡe ba harɛ ta kɛ hɔɔhra ka.

Mumpar 34:30

Asɛ Jekɔb ŋɔ Simeon ne Lewi be ŋɔ, “He nyin waa dɛ ba dawɛ n nɛ, dɛ ɡel dɔm ba chɔ n ne Keenan ne Pɛrɛs tena baa soɡe harɛ nɔ ta la baah ta. Yaa wola kanɛ nɔ, dɛ ɡɛ nɛra nɔ kaa pɛ nyoa ŋɔ bá ba yoo mɛ naa, amɔ dɛ ya bwaa dena dɛɛ ba hee laɔ.”

1 Koranar 11:24

Resɔn nɔɔ fa boa baala bane nyoa dɛ ɛ ba nomoa ɡɛ saŋ Kooro Devid aa kpoo Soba tena la. Asɛ ɡɛ dɔm la kaa bwɛjen Damaskɔs, dɛ ka lɛ bela dɔɔh dɛɛ di bela kora.

1 Koranar 11:26

Dɛ baa bɛl sɔne Jɛroboam, o mɛɛ sɔne Nɛbat, Efrem tee on o le Sɛrɛda. O nya ɡe sɔne Sɛroa dɛ ɛ luhaah. Dɛ Jɛroboam ɛ Kooro Solomɔn nomonome la bini bɛl dɛ do o lɔɡa, dɛ ɛ Kooro dɔm.