1 Koranar 11:24 - mzwDBL

²⁴ Resɔn nɔɔ fa boa baala bane nyoa dɛ ɛ ba nomoa ɡɛ saŋ Kooro Devid aa kpoo Soba tena la. Asɛ ɡɛ dɔm la kaa bwɛjen Damaskɔs, dɛ ka lɛ bela dɔɔh dɛɛ di bela kora.

1 Koranar 11:24 ပူးပေါင်းရင်းမြစ်များ

2 Samoɛl 10:18

Kɛ Siiria laa tena ta wone che Israel laa tena la sie. Kooro Devid ne o laa tena kpoo nɛra baa soɡe kwaa aa do kɛŋɔ torɔɡore bini lafraanuanɛ, ne laa tena kaɡboŋa fifraanaarɛ baa dɛ valɛ. Ba kpo Sobak waa chɔ ba laa tena nyoa la ɡe.

2 Samoɛl 10:8

Amɔn tena la kpɔ ba te, dɛ ba che Raba waa ɛ ba bwɛjen la doonyoa, asɛ Siiria tena baa le Soba ne Rehob dɛ laa tena baa le Tob ne Maaka ɡe ka che bwɛɛ la dahare.

We-ɛɛla 9:2

dɛ ka soŋo ŋɔ ó tɛo o nɔn bini tɔn ásɛ o kpɔ ɡaaɡe bwɛɛ la baa dɛ yerɔ Damaskɔs la cheremi deene ta, ásɛ dɛ o na Yeesu ŋwɛnɛfale tena la bɛlbwa naa, baalee yoo, haahnee yoo, ó laɡ ba dɛ́ vɔɡ ba, dɛ́ kpɔ ba ba Jerusalam.

1 Koranar 20:34

Kooro Bɛn Hadad ŋɔ Kooro Ahab be ŋɔ, “Mɛɛ berɛ bwɛjena n mɛɛ aa lɛa le he mɛɛ be laanee tɛɛ, ásɛ he ɛ he ɡbaɡba bonadibɔra Damaskɔs, ɡɛ n mɛɛ aa ɛa Samaria la.” Asɛ Kooro Ahab ŋɔ, “Dɛ he ɡelɔ ya fɔwɛ ɡɛ fɔo aa, mɛɛ kpɔe ta he kaa.” Anomanta, o ne o fɔwɛ fɔo asɛ o tao ŋwɛnɛ o kaa.

1 Koranar 19:15

Anee Korowii ŋɔ, “Berɛ kpɔ ŋwɛnɛ haa kpɔ o ta ba la, dɛ́ kaa Damaskɔs pua hɛŋle ɡbo harɛ la ta. He tel bela aa, kpɔ noo fuɡe do Hasael nyu ta, dɛ́ cheɡo Siiria harɛ ta kooro.

Mumpar 14:15

Bɔr aa joa la, Abram bɔne o bonɔɔna la bini kuore ta, asɛ ba ka yo nɛra la dɛ pɔ ba nɛ. Ba doŋ ba ɡɛ naaa dɛ ka tel bobɛl baa dɛ yerɛ bela Hoba waa lɔ Damaskɔs weekaŋle nyunduabɔr.

1 Koranar 11:25

Kooro Solomɔn saŋ bwa dɛ Resɔn ɛ Israel tena dɔm, dɛ ja anɔ la Kooro Hadad aa ɛa la ta dɛ hah Israel tena. Anomanta, Resɔn di kora Aram harɛ ta dɛ ɛ Israel dɔm.

1 Koranar 15:18

Kooro Asa kpɔ suuɡapoŋa ne suuɡaswɛm bwa aa kaa, dɛ do deene baa kpɔ kwaa a yoɡ aa kpeɡa dɛɛ cheɡ koodem bela, dɛ Korowii Dea la tomɛ nomonome ba kpɔ ka tɛ Kooro Bɛn Hadad. Dɛ Kooro Hadad mɛɛ sɔne Tabrimɔn, o nabaa ɡe ɛ Aram Kooro Heseɔn dɛɛ di kora Damaskɔs.

2 Koranar 8:7

Korowii keame Elaesa la bwɛjen Damaskɔs dɛ ka na kɛŋɔ Siiria Kooro Bɛn Hadad bwara dɛ weo. Kooro Bɛn Hadad aa noa kɛŋɔ o ba bela la,

2 Koranar 14:28

Kooro Jɛroboam waa teŋa nɛɛ bwara waa aa kaa, ne anɔ la waa ɛa, laa waa yoa, ne ɡɛ waa lɛ bwɛjena Damaskɔs ne Hamat aa lɔ Juda harɛ ta tɛ Israel tena la, ba chwera do Israel Koranar Waa Tɔne bini.

2 Samoɛl 8:3

Belaa Kooro Devid berɛ ka yo Rehob bibaa Soba Kooro Hadadesa, ɡɛ saŋ waa la Yufretis Moo nyoa dɛ ka lɛ bela harɛ ba do o lɔɡa ja la.

2 Samoɛl 10:6

Amɔn tena la aa na Kooro Devid bandia kɛŋɔ o mee le ba we-ɛɛla ta la, ba kaa kpɔ Siiria laa tena kaɡboŋa fifraanɛ baa dɛ valɛ le bwɛjena Bɛt Rehob ne Soba, ne Maaka Kooro ne o laa tena kaɡboŋ, dɛ laa tena kaɡboŋa fi dɛ banɛ baa le Tob harɛ ta ɡe ba ba cha ba.