1 Koranar 11:23 - mzwDBL

²³ Korowii berɔ ɡel Eliada bibaa Resɔn ɛ Kooro Solomɔn dɔm. Dɛ o fa ɛ Soba Kooro Hadadesa bonɔɔ, dɛ chwa le o be.

1 Koranar 11:23 ပူးပေါင်းရင်းမြစ်များ

1 Koranar 11:14

Belaa Korowii ɡel Hadad ɛ Kooro Solomɔn dɔm. Edom tee Hadad nɔ, o le Edom koranar dea.

2 Samoɛl 8:3

Belaa Kooro Devid berɛ ka yo Rehob bibaa Soba Kooro Hadadesa, ɡɛ saŋ waa la Yufretis Moo nyoa dɛ ka lɛ bela harɛ ba do o lɔɡa ja la.

Ɛsekeɛl 38:16

Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.

Aesaya 45:5

Menee Korowii, Dɔɔ bɛlbwa toole kpa, nemenɛ n ɡbo. Haa men jemɛ, kɛ mɛɛ tɛɛ kpeɡrii.

Aesaya 37:26

He ta noɛ kɛ saŋ la bwaa n le vɔrɔwa bil kɛɛ? N tɛɛ kpeɡri he ɡel bwɛɛre danjwɛkpeɡa aa bara kuuɡi, dɛ berɛ dimɡbeeni.

Aesaya 13:17

Korowii ŋɔ, “Hé no! Mɛɛ ɡeloo Midia tena ba yo Babelɔn tena. Ba waane laa suuɡapoŋa wa, haa won kpɔ suuɡaswɛm yaɡ ba sen.

Yela 60:1

N Naa Korowii, he baah fa di ya nɛɛ dɛ vɛh yaa, he baah di ya nɛɛ te, kɛ berɛ lawɛ yaa ba he be taraken.

Ɛsra 1:1

Koojen Saeros baa di kora Pɛɛsea harɛ ta. O kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Koojen Saeros chwerɛ tɔne kaa o harɛ bwa ta.

1 Webena 19:6

Amɔn tena aa na Kooro Devid bandia kɛŋɔ o mee le ba we-ɛɛla ta la, Kooro Hanun ne Amɔn tena la kpɔ suuɡapoŋa a tɔɡre aa ɛ kilore kaɡboŋa lafraatoro fifraanaarɛ, dɛ kpɔ nyin kwaa aa do kɛ torɔɡore, ne laa tena baa dɛ so jaɡre ta le Mɛsopoteemea ne Siiria bwɛɛre Maaka ne Soba ba.

2 Samoɛl 16:11

Belaa Kooro Devid ŋɔ Abisae ne o nomonome la bwa be ŋɔ, “N bilole ɡbabir dɛ nyin mɛ dɛ́ kpo, ɛrɛɛ he ɡel Bɛnjamen dea nɛn nɔ wa ɛɛ ɛɛ nyokpoa ɔ? Hé ɡelo wɛɛ taah, Korowiirii tɛo ŋwɛnɛ.

2 Samoɛl 10:8

Amɔn tena la kpɔ ba te, dɛ ba che Raba waa ɛ ba bwɛjen la doonyoa, asɛ Siiria tena baa le Soba ne Rehob dɛ laa tena baa le Tob ne Maaka ɡe ka che bwɛɛ la dahare.

2 Samoɛl 8:5

Siiria tena baa le Damaskɔs balɔ dɛ ba cha Soba Kooro Hadadesa, asɛ Kooro Devid kpoo ba bini nɛra kaɡboŋa fifraanɛ dɛ banɛ.

1 Koranar 11:22

Anee Ijipt Kooro bɔɔro ŋɔ, “Bɔkwaa hɛɛ nyin n ta hen tɛɛ hɛɛ nyin he berɛ kaa he harɛ ta nɔ?” Hadad chaŋe ŋɔ, “Wobɛlbwa laa, he te tɛ mɛ ŋwɛnɛ ásɛ n berɛ kaa.”

1 Koranar 15:18

Kooro Asa kpɔ suuɡapoŋa ne suuɡaswɛm bwa aa kaa, dɛ do deene baa kpɔ kwaa a yoɡ aa kpeɡa dɛɛ cheɡ koodem bela, dɛ Korowii Dea la tomɛ nomonome ba kpɔ ka tɛ Kooro Bɛn Hadad. Dɛ Kooro Hadad mɛɛ sɔne Tabrimɔn, o nabaa ɡe ɛ Aram Kooro Heseɔn dɛɛ di kora Damaskɔs.

2 Samoɛl 8:8

O berɔ pa ayaawa aa wara le Kooro Hadadesa bwɛjena Teba ne Bɛrɔtae ta.